فۋتبولدان قازاقستان ۇلتتىق قۇراماسىنىڭ جانە رەسەيدىڭ تسسكا كلۋبىنىڭ جارتىلاي قورعاۋشىسى باكتيەر زاينۋتدينوۆ ماسكەۋلىك كوماندانىڭ قازان ايىنداعى ۇزدىك گول اۆتورى اتاندى.
تسسكا كلۋبىنىڭ Twitter پاراقشاسىندا حابارلانعانداي, جانكۇيەرلەر باكتيەر زاينۋتدينوۆتىڭ 3 قازاندا سىرت الاڭدا «ۋرال» كومانداسىمەن وتكەن ويىندا سوققان گولىن قازان ايىنىڭ ۇزدىگى دەپ تانىعان.
ايتا كەتەيىك, قازىرگى تاڭدا تسسكا كومانداسى رەسەي چەمپيوناتىندا 32 ۇپايمەن كوش باستاپ كەلەدى. جەكسەنبى كۇنى 15-تۋردا ماسكەۋدە تسسكا «سوچي» كومانداسىمەن 1:1 ەسەبىمەن تەڭ وينادى. بۇعان دەيىن جاراقات الىپ قالعان باكتيەر زاينۋتدينوۆ وسى كەزدەسۋدى تولىق وتكىزىپ شىقتى. بۇل ونىڭ ماسكەۋلىك كلۋب قۇرامىنداعى 11-ماتچى ەدى.