26-28 قاراشا ارالىعىندا نۇر-سۇلتان قالاسىندا وقۋشىلار اراسىندا جالپى دەنە شىنىقتىرۋ دايىندىعى بويىنشا ونلاين-جارىس وتەدى. بىرىنشىلىك WhatsApp مەسسەندجەرى ارقىلى ۇيىمداستىرىلادى, دەپ حابارلايدى Egemen.kz.
"جالپى دەنە شىنىقتىرۋ – بۇل پاندەميا مەن ءوزىن-ءوزى وقشاۋلاۋ كەزەڭىندە قالىپتاسقان دەنە شىنىقتىرۋ جانە سپورت اۋەسقويلارى ءۇشىن جاڭا فورمات. ونلاين-جارىسقا دەنساۋلىق جاعدايى بويىنشا مەديتسينالىق قارسى كورسەتىلىمى جوق جانە وسى قاۋىپسىزدىك تەحنيكاسى ەرەجەلەرىمەن تانىسقان وقۋشىلار قاتىسا الادى", – دەلىنگەن حابارلامادا.
قاتىسۋشىلار بىرقاتار تالاپتاردى مىندەتتى تۇردە ساقتاي وتىرىپ, ۇيدە (پاتەر, ءۇي, باسپالداق) ءۇش جاتتىعۋ جيىنتىعىن ورىنداۋ قاجەت. سپورتتىق كيىم بولۋى كەرەك: ۆەلوسيپەدكالار, جەڭىل جەيدە, لەگگينستەر, فۋتبولكالار جانە ت.ب.
جەڭىمپازدار مەن جۇلدەگەرلەر ۇيىمداستىرۋشىلار تاراپىنان ديپلومدارمەن, مەدالدارمەن جانە باعالى سىيلىقتارمەن ماراپاتتالادى.
جارىسقا قاتىسۋ ءۇشىن وقۋشىلار تىركەۋدەن ءوتۋى كەرەك. 7-8 سىنىپ وقۋشىلارى كەلەسى نومىرلەر بويىنشا حابارلاسا الادى: 8 747 054 59 00; 8 778 344 28 78, نەمەسە ەلەكتروندىق پوشتا ارقىلى: Ofp.7-8 klass@mail.ru.
9-11 سىنىپ وقۋشىلارىن تىركەۋ ءۇشىن بايلانىس تەلەفونى: 8 701 909 66 77; 8 702 409 45 46, جانە ەلەكتروندىق پوشتا: Ofp.9-11 klass@mail.ru.
17-27 قاراشا ارالىعىندا ەلوردادا ونلاين-رەجيمدە ء"بىز جۇگىرەمىز" مارافونى وتەدى. ونىڭ شارتى بويىنشا, تۇرعىندار كەز كەلگەن ىڭعايلى ۋاقىتتا 06:00-دەن 21:00-گە دەيىن,ەلورداداعى ءوزى قالاعان ساياباقتا بەلگىلى ءبىر جاس ساناتىنا سايكەس كەلەتىن قاشىقتىقتا جۇگىرەدى.
جارىس 4 كم, 6 كم, 8 كم جانە 10 كم قاشىقتىقتا وتەدى. سايىس ناتيجەسى STRAVA قوسىمشاسىندا كورسەتىلەدى.
ونلاين-جارىسقا قاتىسقان جۇپتاردىڭ جالپى ناتيجەلەرى جيناعان ۇپايلارىن ارقىلى انىقتالادى. العاشقى ءۇش ورىننىڭ يەگەرلەرى ارنايى جۇلدەلەر مەن مەدالدارعا يە بولادى. جەڭىمپازداردى ەلىمىزدىڭ بەلگىلى سپورتشىلارى, الەم جانە وليمپيادا چەمپيوندارى ماراپاتتايدى.
ايتا كەتۋ كەرەك, ەلورداداعى سپورتتىق ءىس-شارالاردىڭ ماڭىزدى شارتتارىنىڭ ءبىرى – سانيتارلىق-ەپيدەميولوگيالىق نورمالاردى ساقتاۋ.