قازاقستان كەيىنگى ۋاقىتتا بالا قۇقىقتارىن قورعاۋ بويىنشا الەمدە الدىڭعى ورىنداردىڭ بىرىنەن بوي كورسەتىپ كەلەدى ەكەن. بۇل تۋرالى 20 قاراشا – دۇنيەجۇزىلىك بالالار كۇنىنە وراي وتكىزىلگەن بريفينگتە ايتىلدى.
بۇۇ (يۋنيسەف) بالالار قورىنىڭ قازاقستانداعى وكىلىنىڭ ورىنباسارى ۆەرونيكا ۆاششەنكو: «1994 جىلى قازاقستان بالالارعا مەيىرىمدى قوعام قۇرۋدىڭ قۇرالىنا اينالعان بالا قۇقىقتارى تۋرالى كونۆەنتسيانى قابىلدادى. ءدال سول كەزدە يۋنيسەف قازاقستاندا ءوز كەڭسەسىن اشقان ەدى. كونۆەنتسيا راتيفيكاتسيالانعان ساتتەن باستاپ قازاقستان ەلدەگى بالالاردىڭ جاعدايىن جاقسارتۋ بارىسىندا ەداۋىر ىلگەرىلەۋ تانىتىپ, وڭىرلىك جانە حالىقارالىق دەڭگەيدە بالا قۇقىقتارىن قورعاۋ بويىنشا كوشباسشىلارىنىڭ بىرىنە اينالدى», دەدى.
يۋنيسەف وكىلىنىڭ ايتۋىنشا, مەملەكەت باسشىسى قاسىم-جومارت توقاەۆ بالالاردىڭ قۇقىقتارىن قورعاۋ ماسەلەسىنە ەرەكشە كوڭىل ءبولىپ وتىر. پرەزيدەنتتىڭ 2020 جىلعى 1 قىركۇيەكتە جاريالانعان قازاقستان حالقىنا جولداۋىندا بالالاردىڭ قۇقىقتارىن قورعاۋ جونىندەگى شارالاردى كۇشەيتۋگە باسا نازار اۋدارعانى – سونىڭ ايعاعى. بۇل رەتتە ءبىلىم جانە عىلىم مينيسترلىگىنىڭ دە ۇيلەستىرۋشى جانە بەيىندى ۆەدومستۆو رەتىندە بالالاردىڭ قۇقىقتارىن قورعاۋ بويىنشا كەشەندى شارالاردى بەلسەندى تۇردە جۇرگىزىپ وتىرعانى ءسوز بولدى.
مينيسترلىكتىڭ مالىمەتىنشە, 2020 جىلدىڭ قاڭتار ايىنان باستاپ بارلىق وڭىردە «بالالار قۇقىقتارى جونىندەگى جەرگىلىكتى ۋاكىل» قىزمەتى ەنگىزىلدى. بۇل ينستيتۋت ءوز تيىمدىلىگىن دالەلدەدى. سونداي-اق كامەلەتكە تولماعانداردىڭ قۇقىقتارىن قورعاۋ ماسەلەلەرى بويىنشا ورتالىقتىڭ ايماقتارىمەن ءوزارا ارەكەتتەستىگىن كۇشەيتكەن.
ال اتالعان مينيسترلىك جانىنداعى بالالاردىڭ قۇقىقتارىن قورعاۋ كوميتەتى 11 ايدىڭ ىشىندە BALA QORǴAÝ تەلەگرامم-چاتى ارقىلى كەلىپ تۇسكەن 2 مىڭنان اسا ءوتىنىشتى قاراستىردى. Telegram مەسسەندجەرىندە BALA QORǴAÝ تەلەگرامم-چاتى كامەلەتكە تولماعاندارعا قاتىستى بالالاردىڭ قۇقىعىن بۇزۋ, زورلىق-زومبىلىق نەمەسە قاتىگەز قارىم-قاتىناس فاكتىلەرىن جەدەل انىقتاۋ ماقساتىندا 2019 جىلدان باستاپ جۇمىس ىستەيدى.
وسى جايتقا قاتىستى ءبىلىم جانە عىلىم ۆيتسە-ءمينيسترى بيبىگۇل اسىلوۆا: ء«اربىر جاعداي بارلىق ءمان-جاي انىقتالىپ, ماسەلە تولىق شەشىلگەنگە دەيىن ءبىزدىڭ باقىلاۋىمىزدا بولادى. ەندى قازاقستاندىقتار قاجەت بولىپ تۇرعان كومەك تۋرالى شۇعىل حابارلاپ, بالالاردىڭ قۇقىقتارىن قامتاماسىز ەتۋ ماسەلەلەرى بويىنشا مامانداردىڭ كەڭەسىن الۋ مۇمكىندىگىنە يە», دەپ اتاپ ءوتتى.
وسىلايشا, مينيسترلىكتىڭ ماماندارى, ءبىلىم بەرۋ سالاسىنداعى ساپانى قامتاماسىز ەتۋ جونىندەگى وڭىرلىك دەپارتامەنتتەر باسشىلارى, وبلىستىق ءبىلىم باسقارمالارى, قالالىق جانە اۋداندىق ءبىلىم بولىمدەرى باسشىلارى, پسيحولوگتەر مەن الەۋمەتتىك پەداگوگتەر بىرلەسە وتىرىپ, ومىرلىك قيىن جاعدايعا تاپ بولعان بالالار مەن ولاردىڭ وتباسىلارىنىڭ وتىنىشتەرىن تاۋلىك بويى قابىلدايدى.
اتالعان چاتقا قوسىلۋ ءۇشىن Telegram قوسىمشاسىنىڭ ىشىندە bala_qorgau ءسوزىن تەرۋ نەمەسە https://t.me/bala_qorgau سىلتەمەسى بويىنشا ءوتۋ قاجەت.