نۇر-سۇلتان قالاسىنىڭ اكىمى قالا تۇرعىندارىن ونلاين قابىلدادى. كوتەرىلگەن ماسەلەلەر جوسپارعا الىندى. بۇل تۋرالى التاي كولگىنوۆ ءوزىنىڭ "ينستاگرام" پاراقشاسىندا جازدى, دەپ حابارلايدى ەلوردا اكىمدىگىنىڭ رەسمي سايتى.
"قالا تۇرعىندارىن ونلاين قابىلدادىم. كوتەرىلگەن ماسەلەلەر جوسپارعا الىندى. ماسەلەلەردىڭ ءبىر بولىگى تۇرعىن ۇيگە, الەۋمەتتىك باعىتتارعا, كاسىپكەرلىككە جانە ت.ب. قاتىستى.
مىسالى, جاقىندا تۇرعىن ءۇي سالاسىندا قىزمەت كورسەتۋ بويىنشا بىرىڭعاي ورتالىق اشىلدى (رەسپۋبليكا داڭعىلى, 32). وندا تۇرعىن ءۇي ماسەلەلەرى بويىنشا كەڭەس الۋعا بولادى. كەزەككە تۇرۋ, كەزەك ءنومىرىن, تۇرعىن ءۇي باعدارلامالارىنا قاتىسۋ شارتتارىن تەكسەرۋ, تۇرعىن ءۇي سەرتيفيكاتىن الۋ, كرەديتتىك/جالعا بەرىلەتىن پاتەرلەر ماسەلەلەرى جانە ت.ب. بويىنشا كەڭەس بەرىلەدى.
الەۋمەتتىك ماسەلەلەر بويىنشا ءبىر جىلدان استام "جانۇيا" وتباسى ينستيتۋتىن قولداۋ ورتالىعى جۇمىس ىستەيدى (بەيبىتشىلىك داڭعىلى, 14). ورتالىقتا ماماندار جۇمىسقا ورنالاسۋ, مەديتسينا, ءبىلىم بەرۋ ماسەلەلەرى بويىنشا كەڭەس بەرەدى, سونداي-اق زاڭگەرلىك جانە پسيحولوگيالىق كومەك كورسەتەدى.
"IQala" قالالىق قىزمەت كورسەتۋ ورتالىعىندا (قوشقارباەۆ داڭعىلى, 29) بيزنەس ءۇشىن كەڭەس الۋعا جانە تۇرعىن ءۇي-كوممۋنالدىق سەكتور ۇيىمدارىنىڭ قىزمەتتەرىن ء"بىر تەرەزە" قاعيداتى بويىنشا, سونداي-اق ونلاين رەجيمىندە الۋعا بولادى", - دەپ جازدى التاي كولگىنوۆ.