تۇركىستان وبلىسىندا كولىك جۋاتىن ورىندا بولعان جانجال قايعىلى وقيعاعا ۇلاسىپ, ادام ولىمىمەن اياقتالدى. سوت ەكى ايىپتالۋشىنى دا كىنالى دەپ تانىپ, ولارعا ۇزاق مەرزىمدى جازا كەستى, دەپ حابارلايدى Egemen.kz.
ءىس تۇركىستان وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتتا قارالدى. ايىپتالۋشىلارعا توپ بولىپ, بۇزاقىلىق نيەتپەن ادام ءولتىرۋ جانە ادام ولتىرۋگە وقتالۋ باپتارى بويىنشا ايىپ تاعىلعان.
سوت ماتەريالدارىنا سايكەس, 2025 جىلعى 29 قازاندا تولەبي اۋدانىنىڭ زاگامبار اۋىلىنداعى كولىك جۋاتىن ورىن اۋماعىندا ايىپتالۋشى و. قوعامدىق ورىندا, بولماشى سەبەپپەن جابىرلەنۋشى س.-نى سوققىعا جىققان. كەيىن ول وقيعا ورنىنا كەلگەن ا. مەن م.-عا پىشاق قولدانعان.
ايەلىن سۋعا باتىرىپ ولتىرگەن پاۆلودار تۇرعىنى 15 جىلعا سوتتالدى
اۋىر جاراقات العان ماعجان بيمىرزا وقيعا ورنىندا قازا تاپتى. ال شابۋىل جاساۋشى ونىڭ 22 جاستاعى باۋىرىنا دا بىرنەشە رەت پىشاق سۇعىپ, وقيعا ورنىنان بوي تاسالاعان.
ەكىنشى ايىپتالۋشى شابۋىلدى توقتاتپاعانى ءۇشىن, سوتتىڭ انىقتاۋىنشا, قىلمىسقا سىبايلاس رەتىندە تانىلدى.
پروكۋرور ايىپتالۋشىلارعا 15 جىلدان استام مەرزىمگە باس بوستاندىعىنان ايىرۋ جازاسىن سۇراعان. جابىرلەنۋشى تاراپ سوتتان ەڭ قاتاڭ جازانى تاعايىنداۋدى تالاپ ەتتى.
سوت بارىسىندا ايىپتالۋشى و. ءوز كىناسىن ءىشىنارا مويىنداپ, جازانى جەڭىلدەتۋدى سۇرادى. ال ايىپتالۋشى ك. تەك بۇزاقىلىق ەپيزودىن مويىنداپ, قالعان ايىپتار بويىنشا اقتاۋدى ءوتىندى.
سوت شەشىمى بويىنشا ءبىر ايىپتالۋشىعا 20 جىل, ەكىنشىسىنە 15 جىل باس بوستاندىعىنان ايىرۋ جازاسى تاعايىندالدى. سونىمەن قاتار, سوت ولاردان قازا تاپقان ازاماتتىڭ وتباسىنا 25 ميلليون تەڭگە مورالدىق وتەماقى ءوندىردى.
«اقتوبە – الماتى» پويىزىنداعى كىسى ءولىمى: كۇدىكتى توعىز جىلعا سوتتالدى
ۇكىم ازىرگە زاڭدى كۇشىنە ەنگەن جوق جانە اپەللياتسياعا بەرىلۋى مۇمكىن.
ايتا كەتەيىك, وقيعادان كەيىن كۇدىكتىلەر جەدەل ۇستالىپ, تەرگەۋ بارىسىندا ۋاقىتشا ۇستاۋ يزولياتورىندا قاماۋدا بولعان.