2013 جىلعى 23 قىركۇيەك, استانا قالاسى
قازاقستان رەسپۋبليكاسىندا تەمىرجول كولىگىندە جول ءجۇرۋ قۇجاتتارىن (بيلەتتەردى) ساتۋدى ۇيىمداستىرۋ قاعيدالارىن بەكىتۋ تۋرالى
«تەمىرجول كولىگى تۋرالى» قازاقستان رەسپۋبليكاسى زاڭىنىڭ 14-بابى 2-تارماعىنىڭ 26-1) تارماقشاسىنا سايكەس بۇيىرامىن:1. قازاقستان رەسپۋبليكاسىندا تەمىرجول كولىگىندە جول ءجۇرۋ قۇجاتتارىن (بيلەتتەردى) ساتۋدى ۇيىمداستىرۋ قاعيدالارى بەكىتىلسىن. 2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىك جانە قاتىناس جولدارى كوميتەتى (ە.ن. مەيىربەكوۆ):1) وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋدى;2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا, ونىڭ ىشىندە قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ ينتەرنەت-رەسۋرسىندا رەسمي جاريالانۋىن جانە مەملەكەتتىك ورگاندارىنىڭ ينتەرنەت-پورتالىندا ورنالاستىرىلۋىن;3) قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ زاڭ دەپارتامەنتىنە وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەنەن كەيىن 5 جۇمىس كۇنى ىشىندە مەملەكەتتىك تىركەۋ تۋرالى جانە بۇقارالىق اقپارات قۇرالدارىندا جاريالاۋعا جىبەرۋ تۋرالى مالىمەتتەردى ۇسىنۋدى قامتاماسىز ەتسىن.3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ر.ۆ. سكليارعا جۇكتەلسىن.4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.مينيستر ا.جۇماعاليەۆ.
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2013 جىلعى 23 قىركۇيەكتەگى № 742 بۇيرىعىمەن بەكىتىلدى
قازاقستان رەسپۋبليكاسىندا تەمىرجول كولىگىندە جول ءجۇرۋ قۇجاتتارىن (بيلەتتەردى) ساتۋدى ۇيىمداستىرۋ قاعيداسى
1. جالپى ەرەجەلەر1. قازاقستان رەسپۋبليكاسىندا تەمىر جول كولىگىمەن جول ءجۇرۋ قۇجاتتارىن (بيلەتتەر) ساتۋدى ۇيىمداستىرۋ قاعيداسى (بۇدان ءارى - قاعيدا) 2001 جىلعى 8 جەلتوقسانداعى «تەمىرجول كولىگى تۋرالى» قازاقستان رەسپۋبليكاسى زاڭىنا سايكەس ازىرلەنگەن, ال تاسىمالداۋشى نەمەسە جولاۋشى اگەنتتىگى جولاۋشىلارعا جول ءجۇرۋ قۇجاتتارىن (بيلەتتەر) ساتۋدى ۇيىمداستىرۋ, قولدانىستا بولۋ مەرزىمىن ۇزارتۋ, پايدالانىلماعان جول ءجۇرۋ قۇجاتتارى (بيلەتتەر) ءۇشىن تولەمدەردى قايتارۋ, جول ءجۇرۋ قۇجاتتارىن (بيلەتتەردى) قايتا راسىمدەۋ ءتارتىبىن ايقىندايدى. 2. جولاۋشى پويىزىمەن جول ءجۇرۋ ءۇشىن جولاۋشىنىڭ جول ءجۇرۋ قۇجاتىنىڭ (بيلەت) بولۋى قاجەت, ال تاسىمالداۋشى نەمەسە ونىمەن وكىلەتتى ورگان-جولاۋشى اگەنتتىگى جولاۋشى كورسەتكەن تاعايىندالعان ستانتسياسىنا دەيىن بوس ورىن بولعان كەزدە جول ءجۇرۋ قۇجاتىن راسىمدەيدى. 3. تاسىمالداۋشىلار ءوزى قالىپتاستىراتىن پويىزدارعا, سونداي-اق جاسالعان شارتتار نەگىزىندە باسقا تاسىمالداۋشىلار قالىپتاستىراتىن جولاۋشى پويىزدارىنا جول ءجۇرۋ قۇجاتتارىن ساتۋدى ۇيىمداستىرادى. 4. جولاۋشىلار ءۇشىن بارلىق ساتۋ پۋنكتتەرىندە كورسەتىلەتىن قىزمەتتەر تۋرالى انىق اقپاراتپەن قامتاماسىز ەتىلەدى (كورنەكى جانە قولجەتىمدى تۇردە), سونىڭ ىشىندە:جول ءجۇرۋ قۇجاتتارىن (بيلەتتەردى) ساتقان كەزدە كورسەتىلەتىن قىزمەتتەر تىزبەسى جانە ولاردىڭ قۇنى;جول ءجۇرۋ قۇجاتتارىن (بيلەتتەردى) ساتۋ قىزمەتەرىن كورسەتەتىن زاڭدى تۇلعا تۋرالى مالىمەتتەر;جول ءجۇرۋ قۇجاتتارىن (بيلەتتەردى) ساتۋ مەرزىمدەرى;ساتۋ پۋنكتىنىڭ جۇمىس ۋاقىتى.5. جولاۋشى پويىزدارىنا جول ءجۇرۋ قۇجاتتارىن ساتۋ جولاۋشى تاسىمالىن باسقارۋدىڭ اۆتوماتتاندىرىلعان جۇيەسى (ابج) تەرمينالدارىنىڭ (اۆتوماتتاندىرىلعان ءتاسىل), ەلەكتروندىق ساتۋ جۇيەلەرىنىڭ, وزىنە ءوزى قىزمەت كورسەتۋ اۆتوماتتارىنىڭ (تەرمينالدارى), قول تەحنولوگياسى بويىنشا ديسپەتچەرلىك تەرمينالداردىڭ (دتم) (اۆتوماتتاندىرىلماعان ءتاسىل), قالا ماڭىنداعى پويىزدارعا بيلەت باساتىن اۆتوماتتاردىڭ (ببم) كومەگىمەن جۇرگىزىلەدى.6. تەمىرجولدىق جول ءجۇرۋ قۇجاتتارىن (بيلەتتەردى) ساتۋ كەزىندە تاسىمالداۋشىلار جانە جولاۋشى اگەنتتىكتەرى جولاۋشىلارعا كەلەسى قىزمەتتەردى كورسەتۋگە مىندەتتى:1) جول ءجۇرۋ قۇجاتتارىن (بيلەتتەردى) ساتۋ;2) جول ءجۇرۋ قۇجاتىنىڭ (بيلەتىنىڭ) مەرزىمىنىڭ قىزمەت ەتۋ ارالىعىندا;3) پايدالانىلماعان تەمىرجولدىق جول ءجۇرۋ قۇجاتتارىن (بيلەتتەر) قايتارۋ;4) تەمىرجولدىق جول ءجۇرۋ قۇجاتتارىن (بيلەتتەردى) قايتا راسىمدەۋ;5) ۇيىمداسقان جولاۋشى توپتارىن تاسىمالداۋ ءۇشىن جول ءجۇرۋ قۇجاتتارىن راسىمدەۋ.7. سونداي-اق, قوسىمشا قىزمەتتەر ۇسىنىلادى, ولارعا اقى الىنۋى مۇمكىن:1) تاپسىرىستاردى تەلەفون بويىنشا راسىمدەۋ;2) تەمىرجولدىق جول ءجۇرۋ قۇجاتتارىن (بيلەتتەردى) كليەنت تالاپ ەتكەن جەرگە جەتكىزۋ.8. قوسىمشا قىزمەتتەردىڭ قۇنى مەن تۇرلەرى تۋرالى اقپارات ساتۋ پۋنكتىندە كورىنەتىن جەردە ورنالاستىرۋ, ال قىزمەتتى تەلەفون بويىنشا كورسەتكەن كەزدە تىكەلەي حاباردار ەتۋ ارقىلى جولاۋشىعا جەتكىزىلۋى ءتيىس.9. جول ءجۇرۋ قۇجاتتارىن (بيلەتتەردى) ساتۋ كەلەسى مەرزىمدەردە:جولاۋشى پويىزدارىنا, قايتا وتىرعىزۋسىز قاتىنايتىن ۆاگوندارعا پويىزدىڭ قالىپتاستىرۋ نەمەسە اينالىم پۋنكتتەرىنەن پويىزد جونەلتىلگەنگە دەيىن 45 تاۋلىكتەن باستاپ;قالا ماڭىنداعى پويىزدارعا پويىزد جونەلتىلگەنگە دەيىن 10 تاۋلىكتەن باستاپ;رەتتەۋ رەجيمىنە نەمەسە ارالىق ستانتسياسىنان ورىنداردىڭ بولۋىنا قاراي 45 تاۋلىكتەن باستاپ جۇزەگە اسىرىلادى.جول ءجۇرۋ قۇجاتتارىن (بيلەتتەردى) ساتۋ پويىزد جونەلتىلگەنگە دەيىن 5 مينۋت قالعاندا توقتاتىلادى.10. قايتا وتىرعىزۋسىز قاتىنايتىن ۆاگوندارعا جول ءجۇرۋ قۇجاتتارىن (بيلەتتەردى) ساتۋ:وسى ۆاگوندار تاعايىندالعان ستانتسياعا نەمەسە پويىزدىڭ نەگىزگى مارشرۋتىنان اۋىتقيتىن ۋچاسكەدە ورنالاسقان ستانتسيالارعا دەيىن باراتىن جولاۋشىلارعا – الدىن الا رەجيمدە;پويىزدىڭ نەگىزگى مارشرۋتىنان اۋىتقيتىن ستانتسياعا دەيىن باراتىن جولاۋشىلارعا – پويىزد جونەلتىلگەنگە دەيىن 72 ساعات بۇرىن جۇرگىزىلەدى. 11. بارلىق ستانتسيالاردا ابج-عا ەنگىزىلگەن جانە جولاۋشى وپەراتسيالارىن ورىنداۋ ءۇشىن اشىق كەز كەلگەن ستانتسيادان جول ءجۇرۋ قۇجاتتارىن (بيلەتتەردى) راسىمدەۋگە رۇقسات ەتىلەدى. 12. جولاۋشىنىڭ تاعايىندالعان ستانتسياسىنا دەيىن تىكەلەي پويىزد بولماعان كەزدە «كەلىسىلگەن» پويىزعا جول ءجۇرۋ قۇجاتتارىن راسىمدەۋگە جول بەرىلەدى. بۇل رەتتە جول ءجۇرۋ قۇجاتتارىن (بيلەتتەردى) ساتۋ ورىندار بولعان كەزدە جولاۋشىنىڭ وسى ستانتسياعا كەلۋ مەن ونىڭ وسى ستانتسيادان جونەلتىلۋى ۋاقىتى اراسىندا كەم دەگەندە 3 ساعات ايىرماشىلىقتىڭ بولۋىن ەسكەرە وتىرىپ جۇزەگە اسىرىلادى.13. بوس ورىندار بولعان كەزدە جولاۋشىنىڭ جول ءجۇرۋ قۇجاتى (بيلەت) ساتىپ الىنعان پويىزدان بۇرىن كەلە جاتقان سول تاسىمالداۋشىنىڭ جولاۋشى پويىزىمەن جولعا شىعۋىنا جول بەرىلەدى. بۇل رەتتە جولاۋشىعا جول ءجۇرۋ قۇجاتىن (بيلەتتى) قايتا راسىمدەۋ قاجەت.14. جونەلتىلۋىنە 24 ساعاتتان كەم قالعان, بۇرىن كەتىپ بارا جاتقان پويىزعا جول ءجۇرۋ قۇجاتتارىن (بيلەتتەردى) جولاۋشىنىڭ تەگىن جانە اتى-ءجونىن وزگەرتپەي قايتا راسىمدەۋ كەلەسى جاعدايلاردا:1) پويىزدىڭ ءنومىرىن بۇرىن كەتىپ بارا جاتقان پويىزعا اۋىستىرعان كەزدە;2) ۆاگون ۇلگىسى جوعارى ساناتقا اۋىستىرىلعان كەزدە;3) پويىزدىڭ ءنومىرى (بۇرىن كەتىپ بارا جاتقان پويىزعا) مەن ۆاگون ۇلگىسى ءبىر مەزەتتە اۋىستىرىلعان كەزدە;4) ءبىر ۆاگونداعى ورىندار وسىنداي ۇلگىدەگى باسقا ۆاگونداعى ورىندارعا اۋىستىرىلعان كەزدە;5) ءبىر ۆاگونداعى ورىننىڭ ءنومىرى اۋىستىرىلعان كەزدە جول بەرىلەدى.بۇل رەتتە جول ءجۇرۋ قۇجاتتارىن (بيلەتتەردى) ساتۋ ورىندار بولعان كەزدە جولاۋشىنىڭ وسى ستانتسياعا كەلۋ مەن ونىڭ وسى ستانتسيادان جونەلتىلۋى ۋاقىتى اراسىندا كەم دەگەندە 3 ساعات ايىرماشىلىقتىڭ بولۋىن ەسكەرە وتىرىپ جۇزەگە اسىرىلادى.15. جول ءجۇرۋ قۇجاتتارىن (بيلەتتەردى) قايتا راسىمدەۋ قازاقستان رەسپۋبليكاسى ۇكىمەتىنىڭ 2011 جىلعى 14 شىلدەدەگى №799 «جولاۋشىلاردى, باگاجدى جانە جۇكباگاجدى تەمىرجول كولىگىمەن تاسىمالداۋ تۋرالى» قاۋلىسىمەن بەكىتىلگەن جولاۋشىلاردى, باگاجدى جانە جۇكباگاجدى تەمىرجول كولىگىمەن تاسىمالداۋ قاعيداسىنىڭ (بۇدان ءارى - قاعيدا) تالاپتارىنا ساي ازىرلەنگەن.16. تەمىرجولدىق جول ءجۇرۋ قۇجاتتارىن (بيلەتتەردى) ساتۋ كەزىندە كەلەسى وپەراتسيالار ىشىنە كىرەدى: راسىمدەۋ, قايتا راسىمدەۋ, جول ءجۇرۋ قۇجاتتارىن (بيلەتتەرىن) قايتارۋ, تىكەلەي پلاتسكارتتى راسىمدەۋ.17. تاسىمالداۋ قاعيداسىنا سايكەس, جول ءجۇرۋ قۇجاتىن (بيلەتتى) راسىمدەۋ جولاۋشىنىڭ جەكە باسىن كۋالاندىراتىن قۇجات بولعان كەزدە عانا جۇرگىزىلەدى.18. جول ءجۇرۋ قۇجاتى (بيلەت) قولما-قول اقشا نەمەسە قولما-قول اقشاسىز ەسەپ ايىرىسۋ بويىنشا بەرىلەدى.19. ساپار جولىندا ايالدامانى راسىمدەۋ, ساپار جولىندا ايالدامانى توقتاتۋدى راسىمدەۋ, جول ءجۇرۋ قۇجاتىنىن (بيلەتىن) مەرزىمىن ۇزارتۋ تاسىمالداۋ قاعيداسىندا بەلگىلەنگەن شارتتارعا ساي جۇرگىزىلەدى.20. جول ءجۇرۋ قۇجاتى (بيلەت) قايتا راسىمدەۋى تاسىمالداۋ قاعيداسىندا بەلگىلەنگەن شارتتارعا ساي جۇرگىزىلەدى.21. جولاۋشى اگەنتتىگى تەمىرجولدىق جول ءجۇرۋ قۇجاتتارىن (بيلەتتەردى) ساتۋ ءۇشىن تەمىرجولدىق جول ءجۇرۋ قۇجاتتارىنىڭ (بيلەتتەردىڭ) قۇنىنا كىرمەيتىن اگەنتتىك قىزمەتتەر ءۇشىن تولەمدى (سەرۆيستىك الىمدى), اگەنتتىك پۋنكتىندە كورىنەتىن جەردە مۇنداي تولەم تۋرالى اقپاراتتى ورنالاستىرا وتىرىپ, بەلگىلەۋى مۇمكىن.22. ۇيىمداسقان جولاۋشى توپتارىن تاسىمالداۋ ءۇشىن جول ءجۇرۋ قۇجاتىن (بيلەت) ساتۋ تاسىمالداۋ قاعيداسىندا بەلگىلەنگەن شارتتارعا ساي جۇرگىزىلەدى.23. پايدالانىلماعان جول ءجۇرۋ قۇجاتتارى (بيلەتتەر) ءۇشىن تولەمدەردى قايتارۋ, تاسىمالداۋ قاعيداسىندا بەلگىلەنگەن شارتتارمەن جۇرگىزىلەدى.24. جول ءجۇرۋ قۇجاتتارى (بيلەتتەر) مەملەكەتتىك جانە (نەمەسە) ورىس تىلدەرىندە راسىمدەلەدى. 25. جول ءجۇرۋ قۇجاتتارىندا (بيلەتتەردە) وشىرۋلەرگە جول بەرىلمەيدى. ابج ارقىلى راسىمدەلگەن جول ءجۇرۋ قۇجاتتارىندا (بيلەتتەردە), ەگەر ءجۇرۋ بارىسىندا پويىزدىڭ ءنومىرى وزگەرگەن جاعدايدا, ارالىق ستانتسيالاردا بيلەت كاسسيرىنە تەك پويىزدىڭ ءنومىرىن وزگەرتۋگە جول بەرىلەدى.
2. جول ءجۇرۋ قۇجاتتارىن (بيلەتتەردى) اۆتوماتتاندىرىلعان تاسىلمەن راسىمدەۋ ءتارتىبى26. 2008 جىلعى 28-29 مامىرداعى بىشكەك قالاسىنداعى جول ءجۇرۋ قۇجاتتارىن (بيلەتتەردى) راسىمدەۋ بەلگىلەنگەن ۇلگىدەگى بلانكىلەردە تمد-عا قاتىسۋشى مەملەكەتتەردىڭ, ليتۆا, لاتۆيا رەسپۋبليكاسىنىڭ, ەستون رەسپۋبليكاسىنىڭ «ەكسپرەسس» ابج پايدالانۋ تەحنولوگيالىق پروتسەسىنىڭ ەرەجەلەرىنە سايكەس 48 ءماجىلىس كەڭەسىندە مەملەكەت قاتىسقانداردان تەمىرجول كولىگى وداعىنىڭ بەكىتىلىمىمەن جۇرگىزىلەدى.27. جول ءجۇرۋ قۇجاتتارىن (بيلەتتەردى) «ەكسپرەسس» ابج ارقىلى راسىمدەگەن كەزدە مالىمەتتەر وسى جۇيەگە قوسىلعان بيلەت باسۋ قۇرىلعىسىمەن باسىلادى.28. جول ءجۇرۋ قۇجاتىنا (بيلەتكە) كەلەسى مىندەتتى اقپارات: پويىزدىڭ ءنومىرى; پويىزدىڭ جونەلتىلەتىن كۇنى مەن ۋاقىتى; ۆاگونداعى ورنىڭ نومىرى;ۆاگوننىڭ كلاسى, ءتيپىنىڭ شارتتى بەلگىسى مەن نومىرى;پلاتسكارتتىڭ بيلەتىنىڭ قۇنى; جولاۋشىلار سانى; جول ءجۇرۋ قۇجاتىنىڭ (بيلەتىنىڭ) ءتۇرى; جونەلتەتىن جانە تاعايىندالعان ستانتسيانىڭ اتاۋى جانە ولاردىڭ كودتارى; تاسىمالداۋ ءۇشىن تولەۋ فورماسى;جول ءجۇرۋدىڭ جالپى قۇنى, سونىڭ ىشىندە تاريف پەن الىمدار, سونىڭ ىشىندە ققس; جولاۋشىنىڭ جەكە مالىمەتتەرى: تەگى جانە اتىنىڭ ءبىرىنشى ارىپتەرى, اكەسىنىڭ اتى (بار بولعان جاعدايدا);قۇجاتتىڭ ءتۇرى جانە جەكە باسىن كۋالاندىراتىن قۇجاتتاردىڭ دەرەكتەمەلەرى; تاعايىندالعان ستانتسياسىنا كەلەتىن كۇنى مەن ۋاقىتى; قىزمەتتىك اقپارات.جەڭىلدىكتى جول ءجۇرۋ قۇجاتىن راسىمدەگەن كەزدە كامەلەتكە جاسى تولماعان جولاۋشىلاردىڭ جول ءجۇرۋى ءۇشىن تۋى تۋرالى كۋالىكتىڭ سەرياسى مەن دەرەكتەمەلەرى, سونداي-اق تۋعان كۇنى, ايى جانە جىلى قوسىمشا كورسەتىلەدى.29. ءبىر تۇلعاعا ءبىر پويىزعا ءتورت ورىننان ارتىق جول ءجۇرۋ قۇجاتتارىن (بيلەتتەردى) راسىمدەۋگە جول بەرىلمەيدى.
3. جول ءجۇرۋ قۇجاتتارىن (بيلەتتەردى) اۆتوماتتاندىرىلماعان تاسىلمەن راسىمدەۋ ءتارتىبى30. جول ءجۇرۋ قۇجاتتارىن (بيلەتتەردى) قول تەحنولوگياسىمەن (دتم ارقىلى) راسىمدەۋ شاريكتى قالاممەن (كوك, قارا نەمەسە كۇلگىن سيامەن), انىق, سوزدەردى قىسقارتپاي جۇزەگە اسىرىلادى. دايىن ءماتىنى بار مورقالىپتاردى قولدانۋعا جول بەرىلەدى.31. ءبىر پاراقتا قۇرامداس بولىكتەرى بار بلانكىنى تولتىرعان كەزدە قۇرامداس بولىكتەردەگى اقپارات (بىردەي) پارا-پار بولۋى ءتيىس. 32. جول ءجۇرۋ قۇجاتىنىڭ (بيلەتتىڭ) ەكى بولىگىندەگى ءتيىستى باعانداردى تولتىرعان سوڭ جول ءجۇرۋ قۇنىنا, ۆاگون ۇلگىسىنە, پويىزد ساناتىنا جانە جولاۋشىلار سانىنا (توپتىق جول ءجۇرۋ قۇجاتىندا (بيلەتتە) سايكەس بلانكىنىڭ باقىلاۋ تالونىن كەسۋ جۇزەگە اسىرىلادى. 33. ءبىر تۇلعاعا ءبىر پويىزعا ءتورت ورىننان ارتىق جول ءجۇرۋ قۇجاتتارىن (بيلەتتەردى) راسىمدەۋگە جول بەرىلمەيدى.4. جول ءجۇرۋ قۇجاتتارىن (بيلەتتەردى) ەلەكتروندىق ساتۋ جۇيەلەرى,وزىنە ءوزى قىزمەت كورسەتۋ اۆتوماتتارى (تەرمينالدار) ارقىلى راسىمدەۋ ءتارتىبى34. جول ءجۇرۋ قۇجاتتارىن (بيلەتتەردى) ەلەكتروندىق جول ءجۇرۋ قۇجاتىن بەرۋ جولىمەن ينتەرنەت, وزىنە ءوزى قىزمەت كورسەتۋ اۆتوماتتارى (تەرمينالدار), قالا ماڭىنداعى پويىزدارعا بيلەت باساتىن اۆتوماتتار (ببم) ارقىلى راسىمدەۋگە جول بەرىلەدى.35. جول ءجۇرۋ قۇجاتتارىندا (بيلەتتەرىندە) تاسىمالداۋ قاعيداسىنىڭ 28-تارماقشاسىنا سايكەس اقپارات بولۋى قاجەت. 36. ينتەرنەت, وزىنە-ءوزى قىزمەت كورسەتۋ اۆتوماتتارى (تەرمينالدار), بيلەت باساتىن اۆتوماتتار (ببم) ارقىلى راسىمدەلگەن جول ءجۇرۋ قۇجاتتارىنا (بيلەتتەرگە) كەلەسى مىندەتتى اقپارات:پويىزدىڭ ءنومىرى; پويىزد جونەلتىلەتىن كۇنى مەن ۋاقىتىن; ۆاگونداعى ورنىڭ نومىرى;ۆاگوننىڭ ءنومىرى مەن ۇلگىسىنىڭ شارتتى بەلگىسى;پلاتسكارتتىڭ قۇنى; جولاۋشىلار سانى; جول ءجۇرۋ قۇجاتىنىڭ (بيلەتىنىڭ) ءتۇرى; جونەلتەتىن جانە تاعايىندالعان ستانتسيانىڭ اتاۋى جانە ولاردىڭ كودتارى; تاسىمالداۋ ءۇشىن تولەۋ فورماسى;جول ءجۇرۋدىڭ جالپى قۇنى, (سونىڭ ىشىندە) تاريف پەن الىمدار ققس; جولاۋشىنىڭ جەكە باسىنىڭ دەرەكتەرى: تەگى جانە اتى مەن اكەسىنىڭ اتىنىڭ ءبىرىنشى ارىپتەرى; قۇجاتتىڭ ءتۇرى جانە جەكە باسىن كۋالاندىراتىن قۇجاتتاردىڭ دەرەكتەمەلەرى; تاعايىندالعان ستانتسياسىنا كەلەتىن كۇنى مەن ۋاقىتى; تاپسىرىستىڭ يدەنتيفيكاتورى (قاجەت بولعان كەزدە);شتريح كودى (2D-باركود) (قاجەت بولعان كەزدە);قىزمەتتىك اقپارات باسىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 29 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8853 بولىپ ەنگىزىلدى.