پاۆلودار قالاسىنداعى مۋزىكالىق كوللەدجدىڭ ەكىنشى كۋرس ستۋدەنتى ديليارا اساينوۆا "گولوس روسسي" بۇكىلرەسەيلىك اشىق قاشىقتىق ۆوكال بايقاۋىندا 2 ورىن الدى, دەپ حابارلايدى Egemen.kz
وبلىستىق ءبىلىم بەرۋ باسقارماسىنىڭ مالىمدەۋىنشە, وقىتۋشىسى ماليكا كازماگامبەتوۆا ءوزىنىڭ وقۋشىسىنا دارىننىڭ سان قىرىن اشۋعا كومەكتەسەدى.
"ديلارا − تالانتتى ءانشى جانە مىنەزى دە جاقسى. بالا كەزىنەن كورۋ قابىلەتىندە قيىندىقتار تۋىنداعانىنا قاراماستان, ۇلكەن ساحنادا ونەر كورسەتىپ, كورەرمەنگە ادەمى ونەر سىيلاۋدى ارماندايدى", دەيدى ماليكا كازماگامبەتوۆا.
ول دارىندى ستۋدەنتىنىڭ الداعى ۋاقىتتا تالاي بەلەستى باعىندىرىپ, قازاقستاندى الەمدىك دەڭگەيدە تانىتادى دەپ ۇمىتتەنەدى.
"مۋزىكا ماعان ءوز ويلارىم مەن سەزىمىمدى جەتكىزۋگە, ال ەرەكشە حالىق كۇيلەرى ەموتسيالاردىڭ تەرەڭدىگىن تۇسىنۋگە ۇيرەتتى. اسىرەسە قوبىز اسپابىندا ويناعاندى ەرەكشە ۇناتامىن", دەيدى ديليارا.