"قىس ماۋسىمىندا كولىكپەن الىس جولدارعا شىقپاس بۇرىن, اۋا رايى بولجامىن مىندەتتى تۇردە زەردەلەگەن ءجون.
ەگەر قاتتى بوران, بۇرقاسىن بولسا, جول كەپتەلىسىندە ۇزاق تۇرىپ قالۋىڭىز مۇمكىن. ءتىپتى جول-كولىك وقيعاسىنا دا تاپ بولۋىڭىز ىقتيمال", دەدى ول.
تجم رەسمي وكىلى قانداي دا ءبىر ەلدى مەكەنگە شۇعىل بارۋ كەرەك بولسا, دىتتەگەن جەرگە كەدەرگىسىز جەتۋ ءۇشىن تەمىرجول كولىگىن پايدالانۋعا كەڭەس بەردى.
"تومەندە كەلتىرىلگەن قاراپايىم ۇسىنىمداردى ورىنداساڭىز, بوران بولعان كەزدە جانە بوراننان كەيىن امان قالۋعا كوپ سەپتىگىن تيگىزەدى.
قىستا جولعا شىعار الدىندا:
1. مۇقيات اۋا رايى بولجامىن زەردەلەڭىز;
2. قوزعالىس ءۇشىن قانداي جولدار جابىلۋى مۇمكىن ەكەنىن انىقتاڭىز. اقپاراتتى "قازاۆتوجول" ۇك سايتىندا تولىعىمەن جابىق ۋچاسكەلەردىڭ كارتاسىن كورۋگە بولادى. نە بولماسا بىرىڭعاي تەلەفون ءنومىرى 1403 نەمەسە قۇتقارۋ قىزمەتىنىڭ "112" تەلەفون ءنومىرى, سونداي-اق "دارمەن" ءموبيلدى قوسىمشاسى ارقىلى ناقتىلاۋعا بولادى.
"112" قىزمەتىنەن رەسمي داۋىلدى ەسكەرتۋ العان جاعدايدا ەلدى مەكەندەردەن جانە جولعا شىعۋدان باس تارتا تۇرۋ قاجەت.
3. جولعا شىعۋعا الدىن الا دايىندالعان ءجون:
- ماشيناعا شۇعىل جاعدايلاردا قاجەت بولاتىن العاشقى كەرەكتى زاتتاردى سالۋ:
- قوسىمشا وتىن قورىنا ارنالعان كانيستر (كەمىندە 20 ل) جانە قۇيۋعا ارنالعان قۇيعىسىمەن بىرگە;
- تەنت نەمەسە اۆتوموبيلگە ارنالعان كەمىندە 4*3م كەم ەمەس ولشەمىندەگى (مۇمكىن بولسا اشىق ءتۇستى بولعانى جاقسى, بۇل ءاۆتوموبيلدى قاشىقتىقتان كورۋگە مۇمكىندىك بەرەدى. ونىڭ كومەگىمەن ءاۆتوموبيلدى قاردان بۇركەمەلەپ, ءوزىڭىزدىڭ جانىڭىزعا كىشكەنە كەڭىستىك جاساۋعا بولادى);
- قاراپايىم قۇرال-سايمان (كۇرەك مىندەتتى تۇردە, بالتا مەن پىشاق);
- سۇيرەيتىن ارقان;
- ىستىق شاي قۇيىلعان تەرموس پەن ازىق-ت ۇلىك قورى (قالبىرداعى جارتىلاي فابريكات ەت, جارتىلاي ىستالعان شۇجىق,10-15 ليتر سۋ, پاكەتتەگى ءشاي, قانت, پەچەنە جانە ت.ب.);
- گاز جانعىشى مەن دانەركەرلەۋ لامپاسى;
- قولشام مەن ونىڭ باتارەيكالارى (ارتىق قورىمەن);
- GPS-ناۆيگاتور (سمارتفون بولماعاندا قولدانۋعا بولادى);
- جىلى كيىمدەر;
- كارتون قاعازدارى, قۇم نەمەسە قيىرشىق تاس قاپ, سىرعانامايتىن شىنجىر (ادەتتە تاجىريبەلى جۇرگىزۋشىلەر قامدانادى)", دەپ تولىقتىردى تالعات ءۋالي.
تجم رەسمي وكىلى مىندەتتى تۇردە كولىكتىڭ قوسالقى دوڭگەلەگى, دومكرات, دوڭگەلەككە ارنالعان كىلت, جوندەۋ جيىنتىعى, سورعى, اككۋمۋلياتور قۋاتتايتىن سىم, اۆاريالىق توقتاۋ بەلگىسى, ورتسوندىرگىش پەن ءدارى قوبديشاسى بولۋى ءتيىس ەكەنىن اتاپ ءوتتى.
"وسىنداي قۇرال-سايمان جيىنتىعىمەن قىسىلتاياڭ جاعدايلاردا وتە ماڭىزدى باسقا دا جۇرگىزۋشىلەرگە كومەكتەسە الاسىز.
ەڭ باستىسى اۆتوموبيل تەحنيكالىق جارامدى جاعدايدا بولۋى ءتيىس.
ەگەر جولدا كەلە جاتقاندا بوران باستالسا:
ەگەر جولعا شىققاننان كەيىن قولايسىز اۋا رايى بولعان كەزدە (بوران, بۇرقاسىن جانە ت.ب.), كورىنۋ ناشارلاعاندا:
1. تۇمانعا قارسى شامداردى, سونداي-اق اۆاريالىق بەلگىنى قوسۋ كەرەك.
2. الدىندا نەمەسە ءبۇيىر جاعىندا كەدەرگى بولعاندا قاۋىپسىز توقتاۋ ءۇشىن جىلدامدىقتى بىرتىندەپ ازايتقان ءجون.
بۇل كەزدە وزگە كولىكتەردى باسىپ وزۋعا بولمايدى. ارا قاشىقتىقتى ساقتاعان دۇرىس.
3. ەلدى مەكەننەن الىس جەرلەردە بۇرقاسىن, بوران كەزىندە نەمەسە كورۋ قاشىقتىعى ناشارلاعان كەزدە قار استىندا قالىپ قويۋىڭىز مۇمكىن بولعاندىقتان كەز كەلگەن اۆتوجولدا قوزعالىستى جالعاستىرۋ وتە قاۋىپتى.
مۇمكىندىگىنشە جانارماي بەكەتتەرى, جول بويىنداعى ءدامحانا, دوڭگەلەك جوندەۋ پۋنكتى, كەمپينگ, جۇك كولىكتەرىنىڭ تۇراعى, پاركوۆكا جانە ت.ب. بولۋى مۇمكىن جاقىن ماڭداعى قاۋىپسىز ورىنعا جەتىپ العان دۇرىس.
تىك جولدىڭ بويىنا توقتاماعان ءجون.
4. ەگەر قوزعالۋ مۇمكىن بولماعان جاعدايدا جانە كومەكسىز شىعا المايتىن بولساڭىز ۇرەيگە بوي بەرمەي بىردەن "112", "101", "102" شۇعىل قىزمەتتەرىنىڭ تەلەفون نومىرلەرىنە قوڭىراۋ شالىڭىز. ءوزىڭىزدىڭ كوورديناتتارىڭىزدى, اينالاداعى وتىن قورى جانە ت.ب. اقپاراتتى بەرىڭىز. كومەككە مىندەتتى تۇردە كەلەدى.
شۇعىل قىزمەتتەر اۆتتوموبيلدەردى لەكتىك ىلەسىپ جۇرۋگە شەشىم قابىلداعان جاعدايدا:
- جول قوزعالىسى ەرەجەلەرىن ساقتاڭىز;
- ىلەسىپ جۇرەتىن شۇعىل قىزمەت بەلگىلەگەن جىلدامدىق رەجيمىن ساقتاڭىز;
- وتكىزۋ پۋنكتىنەن شىققان ءاۆتوموبيلدىڭ ارتىنان ىلەسىڭىز جانە ونى باسىپ وزباڭىز;
- الدىندا كەلە جاتقان ءاۆتوموبيلدىڭ اراسىنداعى قاشىقتىقتى ساقتاڭىز;
- الاعى اۆتوموبيلدەردى باسىپ وزۋعا بولمايدى;
- اينالاڭداعى قوزعالىسقا ۇلكەن ءمان بەرىڭىز", دەيدى ول.