سەمەيدە وقۋ جىلىنىڭ باسىنان بەرى 80 وقۋشىدان كوروناۆيرۋس انىقتالعان, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
اقپاراتتىق ورتالىق وقۋ جىلىنىڭ باسىنان بەرى كۆي-مەن 80 وقۋشى اۋىرعانىن حابارلادى. بۇگىنگى تاڭدا 14 بالا ساۋىعىپ, 65-ءى امبۋلاتوريالىق ەمدەلۋدە. كوروناۆيرۋس جۇقتىرعان 54 وقۋشى قاشىقتان ءبىلىم العان.
شقو-نىڭ باس مەملەكەتتىك سانيتارلىق دارىگەرىنىڭ قاۋلىسىمەن ءۇش مەكتەپ كارانتينگە جابىلدى. شاكارىم, وزەرسكايا, №10 جوم, سەمەي قالالىق ككبتۋ باسقارماسىنىڭ قاۋلىسى نەگىزىندە بەس مەكتەپ قاشىقتان وقىتۋ فورماتىنا كوشتى.
قالالىق ءبىلىم ءبولىمىنىڭ باسشىسى ناتاليا فەسەنكونىڭ ايتۋىنشا, مەكتەپتەردە بارلىق سانيتارلىق-ەپيدەميولوگيالىق نورمالار ساقتالعان.
ء"ار مەكەمەدە وتكىزۋ پۋنكتى بار, وندا تەمپەراتۋرا تەكسەرىلىپ, بارلىعى دەزينفەكتسيالىق توسەنىشتەردەن وتەدى. تەمپەراتۋرا انىقتالعان جاعدايدا اۋىرعاندار يزولياتورعا ورنالاستىرىلادى, ولاردى مەديتسينا قىزمەتكەرى قارايدى جانە جاعدايىنا بايلانىستى ۇيگە نەمەسە اۋرۋحاناعا جىبەرەدى. بارلىق مەكەمەلەر دەنە تەمپەراتۋراسىن ولشەۋگە ارنالعان تەپلوۆيزورلارمەن, قولدى وڭدەۋگە ارنالعان شىنتاق دوزاتورلارىمەن, دەزينفەكتسيالاۋشى كىلەمشەلەرمەن, انتيسەپتيكتەرمەن, ءاربىر وقۋشىعا ارنالعان ەكى دانادان كوپ رەت قولدانىلاتىن ماسكالارمەن, پەرسونالعا ارنالعان ماسكا جانە قولعاپ, باكتەريتسيدتى شامدارمەن قامتاماسىز ەتىلگەن. ءار ساباقتان كەيىن باكتەريتسيدتى شاممەن ەمدەۋ, دىمقىل تازالاۋ جانە جەلدەتۋ جۇرگىزىلەدى. قولدى جىلى سۋمەن جۋ ءۇشىن سۋ جىلىتقىشتار ساتىپ الىندى. ء"بىر جاقتى قوزعالىس" ەرەجەسى بويىنشا الەۋمەتتىك قاشىقتىق ءۇشىن اۋماقتا جانە عيماراتتا قوزعالىس بەلگىلەنگەن", دەدى سەمەي قالاسىنىڭ ءبىلىم ءبولىمىنىڭ باسشىسى ناتاليا فەسەنكو.
سونىمەن قاتار ول كەلەسى توقساندا وقۋشىلار ونلاين نەمەسە ءداستۇرلى فورماتتا وقۋدى جالعاستىرا ما, جوق پا ءالى بەلگىسىز ەكەنىن اتاپ ءوتتى.