كولىكتەگى باس سانيتارلىق دارىگەر سادۋاقاس بايعابىلوۆ وسكەمەندەگى ۇشاق بورتىنا كوروناۆيرۋسپەن اۋىراتىن جولاۋشىنى جىبەرمەۋ جاعدايىنا تۇسىنىكتەمە بەردى, دەپ حابارلايدى Egemen.kz.
وسكەمەن - نۇر-سۇلتان اۆيارەيسىنە تىركەلۋ بارىسىندا جولاۋشى ۇشاققا وتىرعىزىلمادى. ول ءوزىنىڭ تالداۋلارى ءالى جۇمىس ىستەپ جاتقاندىعى تۋرالى انىقتاما بەردى.
"ەپيدەميولوگ دەرەۋ زەرتحانادان وسى جولاۋشىنىڭ پتر-تەستىنىڭ ناتيجەسى تۋرالى اقپارات سۇرادى. اۆيارەيستە جول بەرىلمەگەن جولاۋشىنىڭ كوروناۆيرۋس ينفەكتسياسىن جۇقتىرعانى تۋرالى مالىمەتتەر الىندى", دەدى بايعابىلوۆ.
ۇشاق بورتىندا 64 جولاۋشى بولعان, ونىڭ ىشىندە پتر تۋرالى انىقتاماسى بار 57 ەرەسەك ادام جانە 5 جاسقا دەيىنگى جەتى بالا.