مەگاپوليس مەديتسيناسىنىڭ الەۋەتى

مەديتسينالىق قىزمەتتەرگە وزگەرىس ەنگىزدى

نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ وسى جىلدىڭ 1 قاڭ­تارىنان باستاپ قالانىڭ مەديتسينالىق ۇيىم­دارى مىندەتتى الەۋمەتتىك مەديتسينا­لىق ساق­تاندىرۋ جۇيەسىندە جۇمىس ىستەي باس­تاعانىن اتاپ ءوتتى.

«2020 جىلعا مىندەتتى الەۋمەتتىك مەديتسي­نالىق ساقتاندىرۋ قورى قىزمەت­تەردى ساتىپ الۋ ءۇشىن 100 دەنساۋلىق ساقتاۋ سۋبەكتىلەرىمەن شارت جاساسقان. ونىڭ ىشىندە 32 مەديتسينالىق ۇيىم – مەملەكەتتىك مەنشىك نىسانىندا, بۇل 32 پايىزدى قۇرايدى. ال قالعان 68 پا­­يىزى – جەكە مەديتسينالىق ۇيىم­دار. 100 مەديتسينالىق ۇيىمنىڭ ىشىن­دە امبۋلاتوريالىق-ەمحانالىق قىز­مەتتەردى 35 نىسان, كونسۋلتاتيۆتىك-دياگ­نوستيكالىق قىزمەتتەردى 44 نىسان كورسەتەدى. 2020 جىلى امبۋلاتوريالىق-ەمحانالىق ۇيىمداردىڭ سانى – 35, ونىڭ ىشىندە 280 مىڭ ادامدى تىركەۋمەن اينالىساتىن 16 مەملەكەتتىك جانە 19 جەكەمەنشىك (54%) ۇيىم بار. تەگىن مەديتسينالىق كومەكتىڭ كەپىلدىك بەرىلگەن كولەمىندە جانە مىندەتتى الەۋمەتتىك مە­ديتسينالىق ساقتاندىرۋ شەڭبەرىندە مە­ديتسينالىق كومەك كورسەتۋگە قالانىڭ مە­ديتسينالىق ۇيىمدارىنا 166 ملرد تەڭگە ءبولىندى. قارجىلاندىرۋ سوماسى 55 پايىز ۇلعايتىلدى. ونىڭ ىشىندە ستاتسيونارلىق كومەكتى قارجىلاندىرۋ 46 پايىزعا, ستا­تسيوناردى الماستىراتىن كومەك 53 پايىزعا ارتتى. الەۋمەتتىك مەديتسينالىق ساق­تاندىرۋ جوباسى شەڭبەرىندە قالپىنا كەلتىرۋ ەمى مەن مەديتسينالىق وڭالتۋعا قالا تۇرعىندارىنا 3,1 ملرد تەڭگە (2019 جىلى – 8 ملن تەڭگە) سوماسىندا قىزمەت كورسەتۋ جوسپارلانعان», دەدى باسقارما باسشىسى.

سونىمەن قاتار ت.مۇراتوۆ بيىل مەديتسينا ءۇشىن قيىن بولعانىن جەت­كىزىپ, ىندەت سالاداعى كوپتەگەن قىزمەتتىڭ جۇمىسىنا وزگەرىستەر ەنگىزگەنىن ايتتى.

«بارلىق كۇشتەر مەن رەسۋرستار كوروناۆيرۋس ينفەكتسياسىمەن كۇرەسۋ­گە جۇمسالدى, ارينە بۇل ءبىزدىڭ نەگىزگى جۇمى­سىمىزعا اسەر ەتتى. باس سانيتارلىق دارى­گەردىڭ قاۋ­لى­سىنا سايكەس العاشقى مەدي­تسينالىق-ساني­تارلىق كومەك كور­سەتۋ ۇيىمدارى مەن ستاتسيونارلاردا جوسپارلى مەديتسينالىق كومەك كور­سەتۋ توقتاتىلدى. الەۋمەتتىك مەديتسي­نالىق ساقتاندىرۋ جوباسى اياسىندا قالانىڭ مەديتسينالىق ۇيىمدارى 2020 جىلعى قاڭتار-قىركۇيەك ايلارىندا الدىن الا تەكسەرۋ, كونسۋلتاتيۆتىك-دياگنوستيكالىق كومەك, ستاتسيوناردى الماستىراتىن كومەك, ستاتسيونارلىق مەديتسينالىق كومەك, سونداي-اق جوعارى تەحنولوگيالىق مەديتسينالىق قىزمەتتەر, قالپىنا كەلتىرۋ ەمى جانە مەديتسينالىق وڭالتۋ قىزمەتتەرىن كورسەتتى. 1 قاڭتاردان باستاپ كت جانە مرت, مەديتسينالىق-گەنە­تيكالىق زەرتتەۋلەردى قوسا العاندا, قىمبات تۇراتىن زەرتتەۋ تۇرلەرى, قىمبات تۇراتىن زەرتحانالىق قىزمەتتەر العاشقى مەديتسينالىق كومەك كورسەتۋ دارىگەرىنىڭ كورسەتىلىمدەرى مەن جولدامالارى بو­يىن­شا بارلىق پاتسيەنتتەرگە تەگىن كور­سەتىلەدى», دەدى ت.مۇراتوۆ.

نۇر-سۇلتان قالاسى بويىنشا ەلوردادا مەديتسينالىق قىزمەت كورسەتۋشىلەر تىزىمىنە ەنگىزىلگەن مەديتسينالىق ۇيىم­داردا, رەسپۋبليكالىق جانە جەكەمەنشىك اپپاراتتاردى قوسا العاندا, 19 كت جانە 19 مرت اپپاراتى بار. ءۇشىنشى توقساندا 9,13 مەملەكەتتىك كاسىپورىننان ءۇشىن 2 كت اپپاراتى ساتىپ الىنعان.

بيىل 1 قاڭتاردان بەرى العاشقى مەدي­تسينالىق-سانيتارلىق كومەك ۇيىمدارىنا تىركەلگەن ازاماتتاردىڭ جالپى سانى 1 191 650 ادامدى قۇرادى. حالىقتى اقپا­راتتاندىرۋ ماقساتىندا 100 مىڭنان اسا ادامدى قامتي وتىرىپ, 35 مىڭنان اسا كەزدەسۋ وتكىزىلدى, بۇقارالىق اقپارات قۇرال­دارىندا, رەسپۋبليكالىق جانە قالالىق باسىلىمداردا 357 ماتەريال جاريالاندى, الەۋمەتتىك جەلىلەر بەتتەرىندە جانە رەسمي سايتتاردا 10 مىڭنان اسا ماتەريال ورنالاستىرىلدى. حالىق اراسىندا تاراتىلعان باسپا ونىمدەرىنىڭ سانى 106 مىڭنان اسادى. Whatsapp ارقىلى جانە Smart Astana, Damu Med ءموبيلدى قوسىمشالارى ارقىلى 68 مىڭنان اسا ادام حابارلاندىرۋلار العان. مەديتسينالىق ۇيىمداردا, مادەني مەكەمەلەردە, حالىققا قىزمەت كورسەتۋ ورتالىقتارىندا, ساۋدا ورتالىقتارىندا جانە جەرگىلىكتى اتقارۋشى ورگانداردا الەۋ­مەتتىك مەديتسينالىق ساقتاندىرۋ جو­باسى تۋرالى اقپاراتتىق ماتەريالدار ءىلىندى. سونداي-اق اۋديو جانە بەينە روليكتەر تاراتىلدى.

ىندەتپەن كۇرەستە ىركىلىس بولمايدى

ىندەت ىرگەمىزگە ءىز سالعالى ەلدىڭ كوبى ءۇمىت پەن ۇرەيدىڭ قۇشاعىندا جۇرگەنى انىق. باس شاھارىمىزداعى احۋال دا الاڭ­داتارلىق.

نۇر-سۇلتان قالاسىنىڭ قوعامدىق دەن­ساۋلىق ساقتاۋ باسقارماسىنىڭ ما­لى­مەتىنشە, بۇگىندە قالادا ىندەتكە شال­دىققاندار سانى 14 710 ادامدى قۇراي­دى, ونىڭ ىشىندە 14 069 ادام نەمەسە 96%-ى جازىلىپ شىققان. قازا بولعاندار سانى – 318 (2,2%). ال 119 ادام ستاتسيونار­لار­دا ەم الۋدى جالعاستىرۋدا. 114 ادام ين­فەكتسيالىق اۋرۋحانادا, قال­عانى كا­رانتيندىك ستاتسيوناردا جاتىر.

بۇگىندە 1 020 ورىندى قۇرايتىن 7 اۋرۋحانا قىزمەت كورسەتەدى. ونىڭ بەسە­ۋى – ينفەكتسيالىق (320 توسەك), ەكەۋى – كارانتيندىك (700 توسەك, رامادا, كمو). جەدەل جاردەم قىزمەتىنە قالا تۇر­عىندارىنان تاۋلىگىنە 1 540 قوڭىراۋ تۇسۋدە. شاقىرتۋلار سانى تاۋلىگىنە 1 111-ءدى قۇرايدى. كۆي-دە بيوماتەريالداردى جيناۋعا ارنالعان 15 زەرتحانا بار. زەرتحانالاردىڭ جالپى قۋاتى تاۋلىگىنە 10 مىڭنان اسا سىناقتى قۇرايدى. قازىرگى ۋاقىتتا 544 مىڭنان اسا زەرتتەۋ جۇر­گىزىلدى. قالعانىندا شامامەن 112 مىڭ تەست بار. ءبىر ساعات ىشىندە زەرتتەۋ جۇرگىزە الاتىن 9 ءموبيلدى شاعىن زەرتحانا سا­تىپ الىندى. بۇلار تاۋلىگىنە جالپى 1 440 تەست الۋعا قاۋقارلى.

5 قاراشادا 2 حالىقارالىق رەيس قا­بىلدانىپ, 280 جولاۋشى كەلدى. ونىڭ 275-ءى­ پتر-تەستتەن وتكەن سەرتيفيكاتىمەن, 5-ء­ۋى سەرتيفيكاتسىز بولدى. 6 قازان مەن 5 قا­­راشا ارالىعىندا 153 رەيس قوندى. بۇل شا­­مامەن 18 مىڭ جولاۋشى. ونىڭ 3 028-ءى كارانتيندىك اۋرۋحاناعا جاتقى­زىلدى. مە­ديتسينالىق ۇيىمداردىڭ مەدي­تسينالىق جابدىقتالۋىنا توقتالاتىن بول­ساق, ستاتسيونارلاردا وكپەنى جاساندى جەلدەتۋ 100% جابدىقتالعان – 434 اپپارات, 19 كت, 27 رەنتگەن اپپاراتى, 500-دەن اسا وتتەگى كون­تسەنتراتى, 1 584 وتتەگى نۇكتەلەرى. قوسىم­شا 3 وتتەگى رەزەرۆۋارى, 601 فلوۋمەتر, 500 كوپسالالى مەديتسينالىق كەرە–ۋەت, 2 جىلجىمالى رەنتگەن كەشەنى جانە 6 رەنتگەن اپپارات الىندى.

كوروناۆيرۋس ينفەكتسياسى بويىن­شا اۋرۋحانا دەڭگەيىندەگى احۋالعا توق­تالاتىن بولساق, بۇل جوسپار مەدي­تسي­نالىق مەكەمەلەردى 3 ستسەناري بويىنشا پايدالانۋدى كوزدەيدى. وپتيميستىك ستسە­ناري بويىنشا جۇقپالى اۋرۋلار اۋرۋحانالارىنىڭ جۇكتەمەسى 500 توسەك­تەن اسادى (70%). 1 645 توسەكتىك ورىنعا ار­نال­عان 5 نىسان تارتىلادى. شىنايى ستسەناري بويىنشا جۇقپالى اۋرۋلار اۋرۋحانالارىنىڭ جۇكتەمەسى 1 100 توسەك­تەن اسادى (70%). 1 919 توسەكتىك ورىنعا ارنال­عان قوسىمشا 12 نىسان تارتىلادى. پەس­سيميستىك ستسەناري بويىنشا جۇقپالى اۋرۋ­لار اۋرۋحانالارىنىڭ جۇكتەمەسى 2 500 توسەكتەن اسادى (70%). 2 090 توسەكتىك ورىنعا ارنالعان 7 نىسان قوسىمشا تارتىلادى (كەرەۋەتتەردى تەك قالالىق اۋرۋ­حانالار مەن ەمحانالاردا عانا ەمەس, سونىمەن قاتار قوناقۇي كەشەندەرى مەن جاتاقحانالاردا بەيىمدەلگەن بولمەلەردە ورنالاستىرۋ قاراستىرىلادى).

نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ت.مۇراتوۆ مەديتسينا قىزمەتكەرلەرىنە تولەماقى تولەۋ بويىنشا مالىمەت بەرە كەلىپ, مەديتسينالىق ۇيىمداردىڭ قىز­مەت­كەرلەرىنە كۇردەلىلىك ساناتى بويىنشا تولەماقى تولەنىپ جاتقانىن ايتتى. بۇ­گىندە تولەنگەن جاردەماقى مولشەرى 10 ملرد-تان اسا تەڭگەنى قۇراعان.

«جالپى العاندا, قالاداعى ەپيدەميا­لىق جاعداي تۇراقتى. قوعامدىق دەنساۋلىق ساقتاۋ باسقارماسى كۇزگى-قىسقى كەزەڭدە COVID-19-دىڭ الدىن الۋ جانە ەمدەۋ بويىنشا ءىس-شارالار جوسپارىن بەكىتتى. العاشقى مەديتسينالىق-سانيتارلىق كو­مەك ۇيىمدارىنىڭ دەڭگەيىندە COVID-19 سيمپتومسىز جانە اۋرۋى جە­ڭىل بولىپ كەلەتىن, سونداي-اق ىندەت جۇقتىرعاندارمەن بايلانىستا بولعان ادامدارعا ناۋقاستاردى قاشىقتان باسقارۋ بويىنشا جۇمىس ۇيىمداستىرىلادى. كۆي جانە پنەۆمونيامەن اۋىراتىن ناۋقاستارعا ءۇي جاع­دايىنداعى اۋرۋحانالار ۇيىمداستىرۋ, ولارعا اقىسىز ءدارى-دارمەكتەر بەرۋ قا­راستىرىلعان. قالانىڭ بارلىق ەمحاناسىندا ءموبيلدى توپتار پاتسيەنتتەرگە ۇي­گە بارۋ ارقىلى قىزمەت كورسەتەدى. ىندەت جۇقتىرۋى مۇمكىن ناۋقاستاردان كوروناۆيرۋس ينفەكتسياسىنا ۇيدەن پتسر-تەست الۋ قاراستىرىلعان. ولاردىڭ سانى 207-ءنى قۇرايدى. كۇنىنە وسىنداي توپ 200-دەن اسا شاقىرتۋلارعا شىعىپ ءجۇر», دەدى ول.

اتالعان باسقارمانىڭ اقپاراتىنا سۇيەنسەك, قالانىڭ بارلىق ەمحاناسىندا فيلتر كابينەتتەر جۇمىس ىستەيدى. ولاردىڭ نەگىزگى مىندەتى – وتكىر رەسپي­راتور­لىق ۆيرۋستىق ينفەكتسيا بەلگىلەرى بار ناۋقاستاردى انىقتاۋ جانە وقشاۋلاۋ. فيلتر كابينەتتەرىندە پاتسيەنتتەر پتر-تەستىلەۋدەن وتەدى. ەگەر ۆيرۋس انىقتالسا, امبۋلاتوريالىق باقىلاۋ جانە ەمدەۋ باس­تالادى. كۇنىنە فيلتر كابينەتتەردەن 350-گە جۋىق ناۋقاس وتەدى. ەگەر كوروناۆيرۋس انىقتالسا, ولار امبۋلاتوريالىق ەمدەۋدى باستايدى.

9 ايدا 96 ملرد تەڭگە كولەمىندە قىزمەت كورسەتىلدى

الەۋمەتتىك مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ 2020 جىلدىڭ 1 قاڭتارىنان باستاپ ەلىمىزدە مەديتسينالىق ساقتاندىرۋ جۇيەسى ەنگىزىلگەنىن ايتىپ, سول بويىن­شا مەديتسينالىق قىزمەت ەكى پاكەت – تەگىن مەديتسينالىق كەپىلدەندىرىلگەن كو­مەك كولەمى (تمككك) جانە مىندەتتى الەۋ­مەتتىك مەديتسينالىق ساقتاندىرۋ ء(مامس) بو­يىنشا كورسەتىلەتىنىن ايتتى.

«مەديتسينالىق ساقتاندىرۋ قورى 2020 جىلعى 20 قازانداعى جاعداي بويىن­شا نۇر-سۇلتان قالاسىندا 100 قىزمەت جەتكىزۋشى مەديتسينالىق ۇيىم­مەن كەلىسىمشارتقا وتىرعان. 2020 جىل­دىڭ 9 ايىندا 96 ملرد تەڭگە مولشە­رىن­دەگى سوماعا قىزمەت كورسەتىلگەن. جوسپار­لانعان سوما 111,8 ملرد تەڭگە بولسا, ونىڭ 86%-ى ورىندالعان. ولاردىڭ ىشىندە تمككك اياسىندا – 68,0 ملرد تەڭگەگە قىزمەت كورسەتىلىپ, جوسپار 93% ورىندالعان (جوسپارلانعان سوما 73 ملرد تەڭگە), ءمامس جۇيەسىندە – 28 ملرد تەڭگەگە قىزمەت كورسەتىلىپ, جوسپار 72% ورىندالعان (جوسپارلانعان سوما 38,8 ملرد تەڭگە). تمككك اياسىندا 4,8 ملرد قوسىم­شا قاجەتتىلىك بار.

COVID-19 ىندەتىنىڭ تارالۋىنا جول بەرمەۋ ماقساتىندا توتەنشە جاعدايداعى شارالارعا تولەم جۇرگىزۋ لوتى بويىنشا 18 134 146 تەڭگە ءبولىندى. ناۋرىز-قىر­كۇيەك ايلارىنداعى قورىتىندى بويىن­شا 15 524 417 تەڭگە يگەرىلىپ, كەلى­سىم­شارت سوماسىنان قالعانى – 2 609 729 تەڭگە.

2020 جىلعى 20 قازانداعى جاعداي بويىنشا نۇر-سۇلتان قالاسىندا امبۋ­لاتورلىق دەڭگەيدە پتر تاسىلىمەن بيو­لوگيالىق ماتەريالدان COVID-19 ۆيرۋسىن انىقتاۋ ءۇشىن دياگنوستيكالىق زەرت­تەۋ قىزمەتتەرىن كورسەتۋگە 870 ملن تەڭگە سوماسىنا كەلىسىمشارت جاسالعان. ولار­دىڭ ىشىندە تمككك قارجىلاندىرۋ كوزى بو­يىنشا 369 ملن تەڭگە سوماسىنا, ءمامس قارجىلاندىرۋ كوزى بويىنشا 501 ملن تەڭگە سوماسىنا كەلىسىمشارت جاسالعان.

ايتا كەتەتىن جايت, نۇر-سۇلتان قالا­سى بويىنشا تۇرعىندار سانى – 1 166 015. ولاردىڭ ىشىندە 636 239 تۇرعىن جەڭىل­دىگى بار ساناتقا جاتادى, بۇل بارلىق تۇرعىن­داردىڭ 55%-ىنا جۋىق, ولار ءۇشىن جار­نانى مەملەكەت تولەيدى. ەلوردادا 1 قازانداعى جاعداي بويىنشا 354 925 ادام – جالدامالى جۇمىسكەر, 43 635 ادام – جەكە كاسىپكەر, ازاماتتىق-قۇقىقتىق شارت نەگىزىندە جۇمىس ىستەيتىندەر – 47 666, بىرىڭعاي جيىنتىق تولەم بويىنشا جارنا اۋدارعاندار – 133 174, ءوز بەتىنشە جارنا تولەيتىندەر سانى – 11 446. نۇر-سۇلتان قالاسى بويىنشا ساقتاندىرىلعان تۇرعىندار سانى – 964 431.

«جارنالار مەن اۋدارىمدار سوماسىنا قاتىستى ايتار بولسام, نۇر-سۇلتان قالاسى بويىنشا جۇمىس بەرۋشىلەر مەن جەكە كاسىپكەرلەردىڭ مىندەتتى الەۋ­مەتتىك مەديتسينالىق ساقتاندىرۋ ءۇشىن جۇيە ىسكە قوسىلعان 2017 جىلدىڭ 1 شىل­دەسى مەن 2020 جىلدىڭ 30 قىركۇيەگى ارالىعىندا اۋدارعان جارنالارىنىڭ جال­پى سوماسى 49,9 ملرد تەڭگەنى قۇرايدى. ولاردىڭ قوماقتى بولىگى – 41 ملرد تەڭگە جۇمىس بەرۋشىلەردىڭ اۋدارىمدارى, ال جەكە كاسىپكەرلەر مەن ازاماتتىق-قۇ­قىقتىق شارت نەگىزىندە جۇمىس ىستەيتىن تۇل­عالاردان تۇسكەن جارنالار 8 ملرد تەڭگەنى قۇرادى. ۇكىمەتتىڭ 2020 جىلعى 20 ساۋىردەگى №224 قاۋلىسى نەگىزىندە شاعىن جانە ورتا بيزنەس سۋبەكتىلەرى وسى جىلدىڭ 1 قازانىنا دەيىن جەڭىلدىك كەزەڭ ارالىعىندا مەديتسينالىق ساقتاندىرۋ جارناسىن تولەۋدەن تولىعىمەن بوساتىلدى», ن.قابدىقاپاروۆ.

قازىرگى ۋاقىتتا قوردىڭ نۇر-سۇل­تان قالاسى بويىنشا فيليالى بۇقا­رالىق اقپارات قۇرالدارىنا, الەۋ­مەتتىك جەلىلەرگە, مەملەكەتتىك كىرىستەر دەپارتامەنتىنىڭ, «اتامەكەن» ۇكپ رەسمي سايتتارىنا, ەلوردانىڭ ورتالىق بۋحگالتەرلەر ۇيىنە وسى جەڭىلدىكتى الۋ ءۇشىن شاعىن جانە ورتا بيزنەس قىزمەتكەرى رەتىندە «قولداۋ 24/7» ءموبيلدى قوسىمشاسى ارقىلى تىركەلۋ ءتاسىلى تۋرالى اقپاراتتىق ماتەريالدار جىبەرىلگەن. بارلىعى 33 585 شاعىن جانە ورتا بيزنەس سۋبەكتىسى بار, ولاردىڭ ىشىندە تو­لەم جۇرگىزگەن نەمەسە قىزمەتكەرلەر ءتىزى­­مىن جاڭارتقاندارى – 19 833, تولەم جۇر­گىز­بەگەن نەمەسە قىزمەتكەرلەر ءتىزىمىن جاڭارت­­پاعان شاعىن جانە ورتا بيزنەس سۋبەك­تىسى – 13 752. سونداي-اق مەملەكەت­تىك كىرىستەر دەپارتامەنتىنىڭ سايتىندا msb.fms.kz سىلتەمەسى ورناتىلعان. ەگەر شاعىن جانە ورتا بيزنەس قىزمەتكەرى تىزىمدە بولماسا, «قولداۋ 24/7» ءموبيلدى قوسىمشاسىن جۇكتەپ الىپ, تىركەلىپ, ءوزىنىڭ شاعىن جانە ورتا بيزنەس قىزمەتكەرى ەكەنىن دالەلدەيتىن قۇجاتىن تىركەپ, قورعا ءوتىنىم جىبەرۋى قاجەت. بۇل باعىتتا جۇمىستار جالعاسۋدا.

«قور تۇراقتى تۇردە تۇرعىندارمەن بايلانىس ورناتىپ وتىر. 1 قاڭتار – 1 قازان ارالىعىندا سرم ايكەي-دە 928 شاعىم تىركەلگەن, حالىقتى اقپاراتتاندىرۋ جانە وتىنىشتەردى قاراۋ ءبولىمى ولاردىڭ ءبارىن قارادى. 1 406 بايلانىس ورتالىعىنا ازاماتتاردان شاعىم-وتىنىشتەر كوپ تۇسەدى. مۇندا 1 قاڭتار – 1 قازان ارالىعىندا مەديتسينالىق قىزمەت كورسەتۋ بويىنشا 92 241 شاعىم تىركەلگەن. ولاردىڭ ءبارىن ماماندار قارادى. شاعىمداردىڭ 70%-ى­ كارانتين كەزىندە ءتۇستى. ءالى دە كۇن سا­­يىن شاعىم-وتىنىشتەر تۇسەدى», دەدى «الەۋ­مەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى.