قازاقستان حالقى اسسامبلەياسىنىڭ 25 جىلدىق مەرەيتويىندا مەن قازاقستاننىڭ 225 مىڭنان استام تاتارلارى مەن باشقۇرتتارىنىڭ اتىنان قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆقا مەملەكەتىمىزدىڭ دامۋىنا قوسقان جانە ودان ءارى دە قوسىپ كەلە جاتقان زور ۇلەسى ءۇشىن شىنايى العىسىمدى بىلدىرگىم كەلەدى.
بۇگىن كوپتەگەن ادامدار رەسپۋبليكامىزدىڭ توقسانىنشى جىلداردىڭ باسىندا, كەڭەستىك دەرجاۆانىڭ بۇكىل ەكونوميكاسى قيراپ بارلىق شارۋاشىلىق بايلانىستار ءۇزىلىپ كەتكەنىن ۇمىتىپ كەتتى. ال كەيىنگى جاستار بىلە بەرمەيدى دە. ءتىپتى كورشى, ءبىر كەزدەگى باۋىرلاس رەسپۋبليكالاردا ۇلتارالىق نەگىزدە قاندى قاقتىعىستار باستالدى, ول مىڭداعان ادامنىڭ ءومىرىن قيدى...
نۇرسۇلتان ءابىش ۇلى نازارباەۆ كۇننەن باستاپ ەلىمىز تاۋەلسىزدىك العان ەل ىشىندەگى, سونداي-اق گەوساياسي ارەناداعى ساليقالى, سارابدال ساياساتىنىڭ ارقاسىندا عانا ءبىزدىڭ ەلىمىز الەمدەگى دامىعان مەملەكەتتەر قاتارىنا نىق ەنە وتىرىپ, كەزەڭ-كەزەڭىمەن ەكونوميكالىق بەيبەرەكەتسىزدىك پەن داعدارىستان شىقتى.
بۇل رەتتە ءبىزدىڭ مەملەكەتتىڭ تۇراقتى دامۋىنىڭ نەگىزگى ۇستانىمدارىنىڭ ءبىرى ءارى ونىڭ وزەگى – بۇكىل الەمدە تانىلعان ەتنوسارالىق جانە كونفەسسياارالىق كەلىسىمنىڭ قازاقستاندىق مودەلى بولدى.
قازاقستان مەملەكەتتىلىگىنىڭ قالىپتاسۋىنىڭ العاشقى جىلدارىندا مەن اتىراۋ وبلىسى اكىمىنىڭ ورىنباسارى جانە مۇناي سالاسىندا جۇمىس ىستەدىم. جوعارىدا ايتقانىمنىڭ ءبارى – بارلىق نەگىزگى كورسەتكىشتەر بويىنشا ەكونوميكانىڭ قۇلدىراۋى, مۇناي باعاسىنىڭ باررەلىنە 9 دوللارعا دەيىن تومەندەۋى, جالاقى, بالالار جاردەماقىسى, زەينەتاقى تولەۋ, شاعىن بيزنەس سۋبەكتىلەرىنە تولەم جاساۋ بويىنشا ميلليونداعان قارىزدىڭ بولۋى, جەرگىلىكتى حالىقتىڭ كيىم مەن ازىق-ت ۇلىك ءۇشىن كورشى استراحانعا بارعانى – مىنە, سول كەزەڭنىڭ ناقتى كورىنىسى وسى.
مىنە, نازارباەۆتىڭ ەكونوميكادا دا, ساياساتتا دا ناقتى قۇرعان ستراتەگياسىنىڭ ارقاسىندا ەلىمىزگە سول كەزدە اتى الەمگە ايگىلى العاشقى جانە سالماقتى ينۆەستورلار كەلدى, نارىقتىق قۇرىلىمداردىڭ دامۋى باستالدى, بۇرىنعى گۋرەۆ, قازىرگى اتىراۋ شالعايداعى قالاشىقتان بۇگىندە قازاقستان رەسپۋبليكاسىنىڭ ەڭ تابىستى جانە دامۋشى وڭىرلەرىنىڭ بىرىنە, ونىڭ شىن مانىندەگى مۇناي استاناسىنا اينالدى, وندا بۇگىندە «شەۆرون» كورپوراتسياسىنان باستاپ ءىس جۇزىندە بارلىق جەتەكشى الەمدىك كومپانيالار جۇمىس ىستەيدى.
1995 جىلى مەن وڭىرلىك دەڭگەيدە قازاقستان حالقى اسسامبلەياسىنىڭ العاشقى ۇيىمدىق قۇرىلىمدارىن قۇرۋعا قاتىستىم, سودان كەيىن 2007 جىلدان باستاپ قازاقستاندىق تاتارلار مەن باشقۇرتتار كونگرەسىنىڭ رەسپۋبليكالىق قوعامدىق ۇيىمىن باسقاردىم.
قازاقستاننىڭ تاتارلارى مەن باشقۇرتتارى, باسقا ەتنوستاردىڭ وكىلدەرى سياقتى, نۇرسۇلتان ءابىش ۇلى نازارباەۆتىڭ ناقتى قۇرىلعان ساياساتىنىڭ ارقاسىندا بۇگىندە ءومىردىڭ بارلىق سالالارىندا وزدەرىن دە, وزدەرىنىڭ ەتنوستارىن دا لايىقتى تانىتۋعا بارلىق مۇمكىندىكتەرى بار ەكەنىن بارىنشا جاۋاپكەرشىلىكپەن ايتا الامىن.
مىسالى, دۇنيەجۇزىلىك تاتارلار كونگرەسى توراعاسىنىڭ ورىنباسارى بولا وتىرىپ, مەن ەۋروپا, ازيا, امەريكانىڭ ءتۇرلى مەملەكەتتەرىندەگى باۋىرلارىممەن ءجيى تىلدەسەمىن. ولاردىڭ كوپشىلىگى ءۇشىن قازاقستان حالقى اسسامبلەياسىنىڭ قامقورلىعىمەن ءاربىر ەتنوس ءۇشىن انا ءتىلىن ۇيرەنۋگە بارلىق جاعداي جاساعاندىعى تاڭعالارلىق جاڭالىق بولدى. ءبىزدىڭ ەتنومادەني ورتالىقتاردا شيرەك عاسىردان استام ۋاقىت بويى جەكسەنبىلىك مەكتەپتەر جۇمىس ىستەپ كەلەدى!
ءبىزدىڭ باۋىرلاس حالقىمىزدى ءبىرتۇتاس ءدىن, ءداستۇر جانە تۋىس ءتىل بىرىكتىرەتىندىكتەن, بۇل ساباقتار انا ءتىلىمىزدى عانا ەمەس, مەملەكەتتىك قازاق ءتىلىن دە مەڭگەرۋگە مۇمكىندىك بەرەدى. وسىنىڭ بارلىعى قازاقستاننىڭ تاتارستانمەن ەكونوميكالىق جانە مادەني بايلانىستارىن دامىتۋعا سەپتىگىن تيگىزەدى, وعان نۇرسۇلتان ءابىش ۇلى نازارباەۆتىڭ 2018 جىلدىڭ جازىنداعى قازانعا ساپارى جاڭا سەرپىن بەردى.
تاتارستاننىڭ استاناسىندا حالىقتار مەن مەملەكەتتەر اراسىنداعى بەيبىتشىلىك پەن دوستىقتى نىعايتۋعا قوسقان ۇلەسى ءۇشىن قۇرمەت پەن ريزاشىلىق بەلگىسى رەتىندە نۇرسۇلتان نازارباەۆ اتىنداعى كوشە پايدا بولعانى دا كەزدەيسوق ەمەس. ونىڭ جايلى گۇلزارىندا ەكى باۋىرلاس حالىقتىڭ ءوزارا قارىم-قاتىناسىنىڭ نىشانى ىسپەتتى تايقازاننىڭ مۇسىندىك كومپوزيتسياسى ورناتىلعان.
ەلباسىنىڭ دانالىعى مەن كورەگەندىگى 2019 جىلى پرەزيدەنت وكىلەتتىگىن ءوزىنىڭ سەرىكتەسى قاسىم-جومارت توقاەۆقا تاپسىرۋى – بۇل مەملەكەتىمىزدىڭ ساباقتاستىعى مەن تۇراقتىلىعىن بىلدىرەتىن وراسان زور ساياسي جانە مەملەكەتتىك ماڭىزى بار وقيعا بولىپ وتىر.
قازاقستان – ءبىزدىڭ ورتاق ءۇيىمىز جانە ءبىز كوپەتنوستى ەلدىڭ ءبىرتۇتاس حالقىمىز. سونداي-اق ءبىزدىڭ بار كۇش-جىگەرىمىز كەز كەلگەن قاۋىپ-قاتەر مەن قىر كورسەتۋلەردى ەڭسەرۋگە قابىلەتتى ءبىرتۇتاس جانە ۇيىمشىل قازاقستان حالقىن قالىپتاستىرۋعا باعىتتالعان. ءدال وسى ماقساتتار مەن مىندەتتەر ءار كەزەڭدە جاڭا دەڭگەيگە شىعا وتىرىپ, ارقاشان تۇراقتى دامۋ ۇستىندەگى قازاقستان حالقى اسسامبلەياسىنىڭ قىزمەتىندە باسىم.
ارقاشان قازاق جەرىنىڭ اسپانى اشىق, قازاقستان رەسپۋبليكاسىنىڭ تۇڭعىش پرەزيدەنتى – ەلباسى نەگىزىن قالاعان حالىقتىڭ بىرلىگى ۇزاعىنان بولسىن جانە مەملەكەتىمىزدىڭ ەكونوميكاسى قارىشتاپ دامي بەرسىن!
تاۋفيك كاريموۆ,
قازاقستان حالقى اسسامبلەياسى كەڭەسىنىڭ مۇشەسى, «قازاقستاندىق تاتار جانە باشقۇرتتار كونگرەسى» رەسپۋبليكالىق قوعامدىق بىرلەستىگىنىڭ باسقارما توراعاسى