رەسپۋبليكالىق پارتيا اتىنان پرەزيدەنت سايلاۋىنا تۇسكەن دونالد ترامپ دۇيسەنبىدە ءادىل سايلاۋ ءۇشىن كۇرەستى باستايتىنىن مالىمدەدى. وسىلايشا, پەنسيلۆانيا, ميچيگان سىندى اۋەلدەن ناقتى ءبىر تاراپتى قولداماعان شتاتتارداعى ساناقتى توقتاتۋعا تىرىستى.
اقۇي ءباسپاسوز حاتشىسى كەيلي ماكينانيگە قانداي دا ءبىر قۇقىقبۇزۋشىلىق فاكتىسىن كورسەتۋ تاپسىرىلدى. ول رەسپۋبليكالىقتاردىڭ كۋاگەرلەردەن جازباشا تۇسىنىكتەمە جيناعانىن حابارلادى. ء«بارىمىزدىڭ قالاۋىمىز شىندىق پەن ادىلدىك», دەيدى ءباسپاسوز حاتشىسى.
دونالد ترامپ قارسىلاسىنا جول بەرۋدەن باس تارتۋمەن قوسا, ويعا قونىمسىز مالىمدەمەلەر جاساپ, جاڭا سايلانعان پرەزيدەنت دجو بايدەندى فەدەرالدىق قارجىعا جولاتپاي, ونىڭ كەڭسەسىنىڭ جۇمىسقا كىرىسۋىنە مۇمكىندىك بەرمەي, تۇگەل ەلدى تىعىرىققا تىرەپ وتىر. بۇل ارەكەتىن ترامپ كەلەسى جىلدىڭ 20 قاڭتارىنا دەيىن جالعاستىرا الادى.
«بۇل سايلاۋ جۇيەسى 200 جىلدان بەرى جۇمىس ىستەپ كەلەدى. ال بيىل جارامسىز بولىپ, مەملەكەتىمىزگە كەسىرىن تيگىزۋى مۇمكىن ەمەس», دەيدى سەناتور سيۋسان كوللينز.