جەنەۆاداعى كەلىسىمدەردەن كەيىن ەۋروپا وداعى يرانعا قارسى سانكتسيانىڭ ءتارتىبىن جەڭىلدەتۋگە دايىندىق شارالارىن باستادى. بۇل تۋرالى يتار-تاسس حابارلادى.
«سانكتسيا ءتارتىبىن جەڭىلدەتۋ جوباسى ەكسپەرتتىك دەڭگەيدە ەۋرووداققا مۇشە 28 ەل وكىلدەرىمەن قارالىپ, ەۋروپا وداعى كەڭەسىمەن بەكىتىلەدى. بۇل شارالاردىڭ ۇزاقتىعى 6 ايعا سوزىلادى. ودان سوڭ كەلىسىمدەگى يرانعا بولىنگەن مىندەتتەردىڭ ورىندالۋى قايتا باعالاناتىن بولادى», – دەپ مالىمدەدى ەۋرووداقتىڭ سىرتقى ساياسي قىزمەتىندەگى اقپارات كوزى يتار-تاسس تىلشىسىنە. ول سونداي-اق ەۋرووداققا يراننىڭ مۇناي, التىن مەن باعالى مەتاللدارىنىڭ تاسىمالدانۋىنا, رەسەيلىك مۇناي-حيميا, اۆتو جانە اۆياتسيا ونەركاسىبى سالاسىنداعى كومپانيالارمەن قارىم-قاتىناس جۇرگىزۋىنە تيىم سالاتىن ءتارتىپتى قايتا قاراۋ كەرەك ەكەنىن العا تارتتى. بۇعان قوسا, يراننىڭ بانكتىك شوتتارداعى اكتيۆتەرىنىڭ ءبىر بولىگىن اشۋ كوزدەلىپ وتىر.
فرانتسيا سىرتقى ىستەر ءمينيسترى لوران فابيۋستىڭ ايتۋى بويىنشا, ەۋروپا وداعى جەلتوقسان ايىندا سانكتسيانىڭ كۇشىن جويۋدى باستايدى.
ايدار ورىسباەۆ.
دەرەككوز: Itar-tass.com