جىل باسىنان بەرى 10 ايدىڭ ىشىندە كامەرالدىق باقىلاۋمەن سوماسى 9,3 ترلن تەڭگەگە شامامەن جالپى سانى 1,3 ملن مەملەكەتتىك ساتىپ الۋ ءراسىمى قامتىلعان. بۇل تۋرالى ۇكىمەت وتىرىسىندا قارجى ءمينيسترى ەرۇلان جاماۋباەۆ ءمالىم ەتتى, دەپ حابارلايدى Egemen.kz
"تەكسەرۋ قورىتىندىلارى بويىنشا سوماسى 698 ملرد تەڭگەگە زاڭبۇزۋشىلىقتار ەسكەرتىلدى. 1,6 مىڭ اۋديتورلىق ءىس-شارا وتكىزىلدى. اۋديتپەن 872 ملرد تەڭگە بيۋدجەت قاراجاتى قامتىلدى. سوماسى 198 ملرد تەڭگەگە قارجىلىق زاڭبۇزۋشىلىقتار انىقتالدى", دەيدى ەرۇلان جاماۋباەۆ.
ءمينيستردىڭ ايتۋىنشا تاۋارلاردى جەتكىزۋدى, قىزمەتتەردى كورسەتۋدى جانە جۇمىستاردى ورىنداۋدى قالپىنا كەلتىرۋ, بيۋدجەتكە وتەۋ جانە ەسەپكە الۋ بويىنشا كورسەتۋ جولىمەن 172 ملرد تەڭگەنىڭ زاڭبۇزۋشىلىقتارى جويىلعان.
"اۋديت نىساندارى قىزمەتىنىڭ تيىمدىلىگىن جەتىلدىرۋ جانە ارتتىرۋ ءۇشىن 1 411 ۇسىنىم بەرىلدى. ونىڭ ىشىندە 1 101-ءى ورىندالدى", دەيدى ول.