قارجىنى يگەرە الماعان مينيسترلىكتەر مەن وڭىرلەر اتالدى

"مەملەكەتتىك بيۋدجەتتىڭ شىعىستارى 98,8%-عا, رەسپۋبليكالىق بيۋدجەتتىڭ شىعىستارى - 99,7%-عا, جەرگىلىكتى بيۋدجەتتەردىڭ شىعىستارى – 98%-عا اتقارىلدى. رەسپۋبليكالىق بيۋدجەتتىڭ شىعىستارى 11 ترلن 284 ملرد تەڭگەنى قۇرادى. 32 ملرد تەڭگە بويىنشا جۇمىس اتقارىلماعان. ونىڭ ىشىندە ۇنەمدەۋ – 8 ملرد تەڭگە بولسا, يگەرىلمەگەنى – 24 ملرد تەڭگە",  دەدى ەرۇلان جاماۋباەۆ ۇكىمەت وتىرىسىندا.

ءمينيستردىڭ ايتۋىنشا ءىرى سوماداعى قاراجاتتى يگەرە الماۋ ءىرى سوماسى مىناداي ورتالىق مەملەكەتتىك ورگانداردا قالىپتاسقان: قارجى مينيسترلىگى – 2 ملرد تەڭگە, اۋىل شارۋاشىلىعى مينيسترلىگى – 1,9 ملرد تەڭگە, ادىلەت مينيسترلىگى – 1,6 ملرد تەڭگە, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى – 1,2 ملرد تەڭگە, ەكولوگيا, گەولوگيا جانە تابيعي رەسۋرستار مينيسترلىگى – 1,1 ملرد تەڭگە.

سونداي-اق مينيستر وڭىرلەردە دە تاعى 24 ملرد تەڭگە يگەرىلمەي جاتقانىن ءمالىم ەتتى. قاراجاتتى يگەرمەۋدىڭ ەڭ جوعارى كورسەتكىشى مىنا وڭىرلەردە قالىپتاسقان: اقتوبە وبلىسىندا – 3,2 ملرد تەڭگە, الماتى قالاسىندا – 3 ملرد تەڭگە, سولتۇستىك قازاقستان – 2,5 ملرد تەڭگە, باتىس قازاقستان – 2,3 ملرد تەڭگە, تۇركىستان وبلىستارىندا – 1,9 ملرد تەڭگە.