ءبىزدىڭ باستى ماقساتىمىز –2050 جىلعا قاراي دامىعان ەكونوميكاسى مەن جالپىعا ورتاق ەڭبەككە مۇمكىندىگى بار مىقتى مەملەكەت نەگىزىندە يگىلىكتى قوعام قۇرۋ.
نۇرسۇلتان نازارباەۆ,
قازاقستان پرەزيدەنتى.
ءوزارا تۇسىنىستىكتى قادىر تۇتقان ۇجىمنانمىن
بارلىعىمىز ءبىزدىڭ تابىستارىمىز ءۇشىن ماقتانىش سەزىمىنە بولەنەمىز. جانە بۇل تۋرالى «قازاقستان-2050» ستراتەگياسىندا مەملەكەت باسشىسى تاعى ءبىر مارتە ەسكە سالىپ ءوتتى: «الەمدىك داعدارىس ءبىزدىڭ مەملەكەت جانە قوعام رەتىندە قالىپتاسقانىمىزدى قۋاتتاپ بەردى. ءبىزدىڭ شەكارالارىمىز, ساياسي جۇيەمىز, ەكونوميكالىق مودەلىمىز ەلىمىزدىڭ ىشىندە دە, سىرتىندا دا ەندى ايتارلىقتاي پىكىر الشاقتىعى مەن پىكىرتالاستاردىڭ تاقىرىبى بولىپ تابىلمايدى».
ءبىزدىڭ باستى ماقساتىمىز –2050 جىلعا قاراي دامىعان ەكونوميكاسى مەن جالپىعا ورتاق ەڭبەككە مۇمكىندىگى بار مىقتى مەملەكەت نەگىزىندە يگىلىكتى قوعام قۇرۋ.
نۇرسۇلتان نازارباەۆ,
قازاقستان پرەزيدەنتى.
ءوزارا تۇسىنىستىكتى قادىر تۇتقان ۇجىمنانمىن
بارلىعىمىز ءبىزدىڭ تابىستارىمىز ءۇشىن ماقتانىش سەزىمىنە بولەنەمىز. جانە بۇل تۋرالى «قازاقستان-2050» ستراتەگياسىندا مەملەكەت باسشىسى تاعى ءبىر مارتە ەسكە سالىپ ءوتتى: «الەمدىك داعدارىس ءبىزدىڭ مەملەكەت جانە قوعام رەتىندە قالىپتاسقانىمىزدى قۋاتتاپ بەردى. ءبىزدىڭ شەكارالارىمىز, ساياسي جۇيەمىز, ەكونوميكالىق مودەلىمىز ەلىمىزدىڭ ىشىندە دە, سىرتىندا دا ەندى ايتارلىقتاي پىكىر الشاقتىعى مەن پىكىرتالاستاردىڭ تاقىرىبى بولىپ تابىلمايدى».
جەكە ءوز باسىم ءۇشىن تابىستارىمىزدىڭ اريفمەتيكاسى قاراپايىم – جاقسى ەڭبەك ەت, كاسىبي دەڭگەيىڭدى جوعارىلات, سوندا ءار كۇن سەن ءۇشىن ىلگەرىلەۋ بولادى. ءبىراق ءبىزدىڭ ىسىمىزدە تسەحتاعى جولداستارىمىزدىڭ قولداۋى, ءوزارا كومەك قولىن سوزۋلارى اسا ماڭىزدى. مەتاللۋرگتەردىڭ تابىسى – ورتاق جۇمىستىڭ ناتيجەسى. مۇندا ءاركىمنىڭ جەكە-دارا قاسيەتى, دوستىقتى قۇرمەتتەي ءبىلۋى تابىسقا جەتۋدىڭ وزىندىك ءبىر كاتاليزاتورى بولىپ تابىلادى.
كەزىندە وسىنداي قاعيداتتاردى قاشاندا ءتۇرلى ۇلتتاردىڭ وكىلدەرى جۇمىس ىستەگەن قاراعاندى مەتاللۋرگيا كومبيناتىندا نۇرسۇلتان نازارباەۆ بارىنشا ۇستانۋعا تىرىستى. جاس مەتاللۋرگ, بولاشاق مەملەكەت باسشىسى ءوزى عانا دوستىق قارىم-قاتىناس قالىپتاستىرىپ قانا قويماي, سونداي-اق, جالپى ۇجىمدا كەز كەلگەن قيىندىقتاردى جەڭۋگە كومەكتەسەتىن بىرتۇتاستىق پەن ءوزارا تۇسىنىستىك اۋانىن قۇرۋعا ۇمتىلدى. بۇل ۇستانىم ءبىزدىڭ پرەزيدەنتىمىز وتكەن جىلدىڭ 14 جەلتوقسانىندا جاريالاعان «قازاقستان-2050» ستراتەگياسىندا كورىنىس تاۋىپ, ەلباسى ساياساتىندا قيسىندى جالعاسىپ كەلەدى.
اسقار احمەتوۆ,
«ارسەلور ميتتال تەمىرتاۋ» اق دومناشىسى.
كيىمىمىزگە قاراپ, ءوزىمىزدى تانيدى
ءبىزدىڭ وتباسىلىق كاسىبىمىز بار. ءوزىم ماماندىعىم بويىنشا تىگىنشىمىن. شاعىن شەبەرحانانى 1991 جىلى اشقان ەدىم. ءبىز تاۋەلسىزدىكتىڭ قۇرداستارى ەكەنىمىزدى ماقتان تۇتامىز. ەلىمىزبەن بىرگە ءوسىپ, بىرگە دامىدىق. ءىسىمىزدى ۇلتتىق سانا-سەزىمىمىز بەن ۇلتتىق كيىمگە دەگەن قىزىعۋشىلىقتىڭ قايتا ويانۋىنىڭ ارقاسىندا كەڭەيتە الدىق. تاپسىرىستار تەاترلاردان, مادەنيەت ۇيلەرىنەن, كونتسەرت ۇجىمدارىنان تۇسەدى. قىزىم گالينا ماماندىعى بويىنشا سۋرەتشى-مودەلەر. كەلىنىم جۇلدىزدىڭ مودەلدىك اگەنتتىگى بار. ۇيلەسىمدى جۇمىسىمىز بىزگە ءوزىمىزدىڭ ءستيلىمىزدى قالىپتاستىرۋعا مۇمكىندىك بەردى.
«ماريا» سالونى كورشى رەسەي وبلىستارىندا وتكەن كورمەلەردە جەڭىستەرگە جەتتى. ءبىز ءۇشىن ماسكەۋدەگى جوعارى ءسان كونكۋرسىندا «ۇلتتىق كيىم» نوميناتسياسى بويىنشا لاۋرەات اتاعىنىڭ بەرىلۋى ماڭىزدى قادام بولدى. جاقىندا ءبىز «قازاقستاننىڭ ۇزدىك تاۋارلارى» وڭىرلىك كونكۋرسىندا ءبىرىنشى ورىندى جەڭىپ الدىق. قازىر «ماريا حانىم» ءسان ءۇيى رەسپۋبليكالىق «التىن ساپا» كونكۋرسىنا جاڭا كوللەكتسياسىن دايىنداپ جاتىر.
ارينە, ءبىزدىڭ بارلىق تابىستارىمىز مەملەكەتتىڭ ۇلكەن كومەگىنسىز مۇمكىن بولماس ەدى. بۇگىندە كاسىپكەرلىكتى دامىتۋعا جاقسى جاعدايلار جاسالىپ كەلەدى. وسىنىڭ ارقاسىندا جاڭا تەحنيكالارعا قول جەتكىزىپ, ەڭبەك جاعدايىن جاقسارتۋدامىز. «قازاقستان-2050» ستراتەگياسى اقتاۋ جانە اتىراۋ قالالارىندا فيليالدارىمىزدى دامىتامىز دەگەن نيەتىمىزگە سەرپىن قوسىپ, استانادا وكىلدىگىمىزدى اشۋعا جاعداي تۋعىزدى.
ماريا قۇسپانوۆا,
كاسىپكەر.
ورال.
تابىستىلىق نەگىزى – ۇلتتىڭ دەنساۋلىعى
«قازاقستان-2050» ستراتەگياسىن بولاشاق دامۋدىڭ باعدارلاماسى رەتىندە قابىلداۋعا اركەز دايىنمىن. مەن مەديتسينا عىلىمىنان وكىلدىك ەتەتىن عالىم رەتىندە ستراتەگيادا الەۋمەتتىك سالاعا, اتاپ ايتقاندا, دەنساۋلىق ساقتاۋ مەن ءبىلىم بەرۋ سالالارىنا ۇلكەن نازار اۋدارىلعانىن زور قاناعات سەزىممەن اتاپ وتەمىن. ءوزىن ءوزى جەتكىلىكتى قامتاماسىز ەتە الاتىن عىلىمنىڭ جاھاندىق باسەكەگە قابىلەتتىلىكتىڭ باستى ەلەمەنتتەرىنىڭ ءبىرى بولىپ تابىلاتىنىن ناقتى تۇسىنگەن ءجون. جانە عالىمداردىڭ مىندەتى تەك ىرگەلى عانا ەمەس, سونداي-اق, قولدانبالى عىلىمدى دامىتۋ بولىپ تابىلادى. مۇندا ادام كاپيتالىنا ەرەسەن ەكپىن تۇسىرىلگەنىنىڭ ماڭىزى ايتارلىقتاي.
ەشقانداي دا باعدارلامانى ادامنىڭ قاتىسۋىنسىز جۇزەگە اسىرۋ مۇمكىن ەمەس بولسا, ونىڭ تابىستىلىعىنىڭ باستى نەگىزى – دەنساۋلىق. سوندىقتان, ءبىزدىڭ اكادەميامىزدا كلينيكالىق جانە فۋندامەنتالدى مەديتسينا قۇرۋ ءبىرىنشى كەزەكتە ءاربىر قازاقستاندىققا دەگەن قامقورلىقتىڭ ناتيجەسى بولسا كەرەك. ول تەورەتيكتەر مەن پراكتيكتەردىڭ باسىن بىرىكتىرۋدى ماقسات تۇتسا, جان-جاقتى زەرتتەۋ جۇمىستارى فۋندامەنتالدى عىلىمدى عانا دامىتىپ قويماي, پراكتيكانى دا دامىتۋعا مۇمكىندىك بەرەدى. وسى باعدارلاماداعى ءوزىمنىڭ جەكە ۇلەسىمدى مەن وتانىمىزدىڭ يگىلىگى جولىنداعى بەلسەندى پەداگوگيكالىق, عىلىمي جانە پراكتيكالىق قىزمەتىمنەن كورەمىن.
تالعات مومىنوۆ,
قازاقستان رەسپۋبليكاسى ۇعا اكادەميگى.
ءبىلىمدى دە بىلىكتى مامان – ەل دامۋىنىڭ كەپى ءلى
مەنى ستراتەگياداعى ءبىلىم بەرۋ سالاسىن ودان ءارى دامىتۋ قاجەتتىگىنە ەكپىن ءتۇسىرىلۋى ەرەكشە رۋحتاندىردى. مەملەكەت باسشىسىنىڭ وقۋشىلاردىڭ فۋنكتسيونالدى دايىندىعىنا جانە وقىتۋدىڭ جاڭا تەحنولوگيالارىن ەنگىزۋگە بەرگەن تاپسىرماسى كىم-كىمدى دە جىگەرلەندىرەتىنى انىق. بۇگىندە حالىقارالىق دەڭگەيدەگى ماماندار دايىنداۋ مىندەتى قوعام ءۇشىن اسا ماڭىزدى ەكەنىمەن كىم تالاسا الادى؟ بۇل ورايدا جان-جاقتى دامىعان, ەكى نەمەسە ودان دا كوپ تىلدەردى بىلەتىن ساۋاتتى ماماندار قاجەت ەكەنى ايتپاسا دا تۇسىنىكتى.
جۇمىس بابىمەن ماعان وڭتۇستىك قازاقستاننىڭ ءتۇرلى شەتكەرى اۋداندارىندا بولۋىما تۋرا كەلەدى. ءوز باسىم اۋىل مەكتەپتەرىندە ءتۇرلى تىلدەر بەلسەندى وقىتىلا باستاعانى ءۇشىن قاتتى قۋانامىن. بالالار قازاق, ورىس جانە اعىلشىن ءتىلدەرىندە ەركىن سويلەيدى. جانە مۇنىڭ مەملەكەت باسشىسى نۇرسۇلتان نازارباەۆتىڭ ماقساتكەرلىكپەن جۇرگىزىپ كەلە جاتقان جۇمىسىنىڭ ناتيجەسى ەكەنى تاعى انىق. ال ەلباسى ءۇشىن ۇلتارالىق كەلىسىم مەن حالىقتىڭ بىرتۇتاستىعىنان ارتىق ماڭىزدى ەشتەڭە جوق. بىرلىك بار جەردە, تىرلىك بار دەيتىن بولساق, ءبىلىمدى جانە تولەرانتتى قوعام ءتاربيەلەۋ بۇگىنگى كۇننىڭ باستى باسىمدىقتارىنىڭ ءبىرى بولىپ قالا بەرمەك.
ليۋدميلا كوۆالەۆا,
وبلىستىق «يۋجنىي كازاحستان» قوعامدىق-ساياسي گازەتىنىڭ ءجۋرناليسى.
شىمكەنت.
جارقىن كەلەشەككە – جاسامپازدىق جولىمەن
پرەزيدەنتتىڭ سارابدال ساياساتى قازىردىڭ وزىندە ەلىمىزدەگى كوپۇلتتى حالىقتى ءبىرىكتىرە وتىرىپ, قازاقستاندى تابىستى مەملەكەتكە اينالدىردى. قالالار مەن اۋىلدار اجارلانا تۇسسە, مەكتەپتەر مەن بالاباقشالار, مەديتسينا مەكەمەلەرى كوپتەپ سالىندى. كوپتەگەن جاڭا كاسىپورىنداردىڭ اشىلۋى مىڭداعان جۇمىس ورىندارىن قۇرۋعا مۇمكىندىك بەردى. مۇنىڭ ءوزى قازاقستاندىقتاردىڭ ەرتەڭگى كۇنگە دەگەن سەنىمىن ارتتىرا ءتۇستى. وسىنىڭ ناتيجەسىندە بولار, ارال وڭىرىندە بالا تۋ كورسەتكىشى ايتارلىقتاي ارتىپ وتىر. مۇنى ءبىرىنشى كەزەكتە حالىقتىڭ ءال-اۋقاتىنىڭ كوتەرىلگەنىن ايعاقتايتىن فاكت دەۋگە بولادى. ويتكەنى, اتا-انا بالانى ومىرگە اكەلمەس بۇرىن وعان لايىقتى بولاشاق سىيلاۋ مۇمكىندىگىن باعامدايتىنى اقيقات نارسە عوي.
«قازاقستان-2050» ستراتەگياسى ەل تۇرعىندارىنا ەكونوميكا مەن الەۋمەتتىك سالادا تۇبەگەيلى جاڭعىرتۋلاردىڭ جاڭا تەتىكتەرىن اشىپ وتىر. ناق سوندىقتان اتالعان ۇزاق مەرزىمدى باعدارلاما حالىق تاراپىنان ۇلكەن قولداۋعا يە بولۋدا. سەبەبى, قازاقستاندىقتار ءومىر ساپاسى جوعارى, تابىستى مەملەكەتتە تۇرىپ ەڭبەك ەتكەندى قالايدى. ال ءبىزدىڭ مىندەتىمىز – تۋعان وتانىمىز بەن ءوز وتباسىلارىمىزدى قامقورلىق قۇشاعىنا الۋ.
تاتيانا تەرزوپۋلو,
«ستاندارت» پك-ءنىڭ
جەتەكشى مامانى.
قىزىلوردا.
بالالارىمىزدىڭ بولاشاعى ءۇشىن الاڭدامايمىز
پرەزيدەنت نۇرسۇلتان نازارباەۆتىڭ الەمدەگى اسا دامىعان 30 مەملەكەتتىڭ قاتارىنا قوسىلۋ تۋرالى مىندەتى بۇگىندە ءۇلكەن دە كۇردەلى مىندەت سەكىلدى كورىنەدى. بىراق, وسىعان جەتۋ جولىندا ۇلكەن جۇمىستار اتقارىلىپ جاتقانىن كورگەندە, ونىڭ شىندىققا اينالاتىنىنا قاپىسىز سەنەسىڭ.
مۇنى دوستارىم مەن ءوزىمنىڭ وتباسىمداعى جاعدايدى بىلەتىندىكتەن ايتىپ وتىرمىن. جۇبايىم داۋرەن ەكەۋمىز «ەڭبەكپەن قامتۋ-2020» مەملەكەتتىك باعدارلاماسىنىڭ مۇمكىندىگىن پايدالانىپ, قولجەتىمدى نەسيە الدىق جانە جەكەمەنشىك ستوماتولوگيالىق كابينەت اشتىق. بۇل ماقساتتى ءبىز اقتوبە مەديتسينالىق كوللەدجىندە وقىپ ءجۇرگەن كەزىمىزدە-اق الدىمىزعا قويعان بولاتىنبىز. بۇگىندە, ادال ەڭبەكتىڭ ارقاسىندا, بىلىكتىلىگىمىزدى جەتىلدىرىپ, قىزمەت كورسەتۋ ساپاسىن دا ارتتىرا تۇستىك.
وسىلايشا, مەملەكەت باسشىسىنىڭ كاسىپكەرلىكتى قولداۋ قاجەتتىگى تۋرالى ءسوزى ومىردەن ءوز ورنىن تاۋىپ وتىر. ساپالى ستوماتولوگيالىق قىزمەت كورسەتۋدەن بولەك, ياعني مەديتسينا سالاسىن دامىتۋعا بايلانىستى ستراتەگيادا ايتىلعان باسىمدىققا وراي, جۇبايىم ەكەۋمىز ءوز بەتىمىزشە ءومىر ءسۇرۋ مۇمكىندىگىنە يە بولىپ, اتا-انالارىمىزعا دا كومەك قولىن سوزۋدامىز ءارى ەكى قىز تاربيەلەپ ءوسىرىپ وتىرمىز. قىسقاسى, ءبىز بۇگىندە بولاشاعىمىزعا سەنىممەن قارايمىز جانە بالالارىمىزدىڭ بولاشاعى ءۇشىن الاڭدامايمىز.
اينۇر امانعاليەۆا,
ءتىس دارىگەرى.
اتىراۋ.
سىن-قاتەرلەرگە جاۋاپ بەرۋ دەڭگەيىنە كوتەرىلەيىك
وتكەن جىلدىڭ سوڭىندا قابىلدانعان «قازاقستان-2050» ستراتەگياسىندا ەلباسى نۇرسۇلتان نازارباەۆ بارلىق قازاقستاندىقتار, اسىرەسە, جاستار جاڭا ءومىردى تەرەڭنەن ءتۇسىنىپ, سوعان وزدەرىن دايىنداۋلارى قاجەت ەكەنىن اتاپ كورسەتكەن بولاتىن. بۇل ءسوزدىڭ دۇرىستىعىنا ءوزىمنىڭ بالالارىمنىڭ مىسالىندا ايقىن كوز جەتكىزىپ وتىرمىن.
ۇلىم اباي «ارنا» كوللەدجى مەن ا.مىرزاحمەتوۆ اتىنداعى كوكشەتاۋ ۋنيۆەرسيتەتىن «اقپاراتتىق جۇيەلەر» ماماندىعى بويىنشا بىتىرسە, ال قىزىم گۇلدەن كوكشەتاۋ ينجەنەرلىك-تەحنيكالىق اكادەمياسىندا «سەرتيفيكاتتاۋ, ستاندارتتاۋ جانە مەترولوگيا» ماماندىعى بويىنشا وقيدى. كەزىندە ءبىز, قاراپايىم اۋىل ەڭبەككەرلەرى, مۇنداي تەرميندەر مەن تۇسىنىكتەر تۋرالى ەشتەڭە ەستىگەن دە ەمەس ەدىك. ال بۇگىندە باق-تاردىڭ اقپاراتتارىنان ءححى عاسىرداعى سىن-قاتەرلەردىڭ ءبىرى ءوندىرىس دەگەن تۇسىنىكتىڭ ءوزىن وزگەرتىپ وتىرعان يندۋستريالى رەۆوليۋتسيا ەكەنىن بىلەمىز. مۇنداي تالاپتار قازىرگى كەزدە كوپتەپ قويىلىپ وتىر. سوندىقتان جاستارىمىز زامان تالابىنا ارقاشان دايىن بولىپ قانا قويماي, سىن-قاتەرلەرگە دە لايىقتى جاۋاپ بەرە الاتىنداي دەڭگەيگە كوتەرىلۋلەرى ءتيىس.
مۇرات ماناتوۆ,
«شاعالا» شارۋا قوجالىعىنىڭ مۇشەسى.
اقمولا وبلىسى,
زەرەندى اۋدانى.
زەينەتاقىنى تابا ءبىلۋ كەرەك
«2050» ستراتەگياسىندا زەينەتاقى جۇيەسىن جەتىلدىرۋ قاراستىرىلعان. بۇل جۇمىس قازىردىڭ وزىندە ايتارلىقتاي اۋقىمدا جۇرگىزىلىپ وتىرعانى بەلگىلى. سوندىقتان دا شىعار, ونىڭ قارقىنى ساپاسىنا كەرى اسەر ەتە باستادى. وسى سەبەپتى بۇل ىسكە پرەزيدەنتتىڭ ءوزى ارالاسىپ, تۇزەتۋلەر ەنگىزۋگە ءماجبۇر بولدى. ماسەلەن, ايەلدەردىڭ زەينەتكەرلىككە شىعۋ جاسى 63-كە دەيىن ۇلعايتىلدى. ءوز باسىم بۇل شەپتەن ءوتىپ كەتتىم, بىراق ءالى دە قوسىمشا جۇمىس ىستەيمىن. ويتكەنى, ۇيدە وتىرىپ ۇيرەنبەگەن جانمىن. نەگىزگى جۇمىسىمنان دا 60 جاسىمدا كەتتىم, سەبەبى, ۇجىم باسشىلىعى كىدىرە تۇرۋىمدى ءوتىندى, ءوزىمنىڭ دە قارسىلىق تانىتقىم كەلمەگەنىن نەسىنە جاسىرايىن. ەسەسىنە قازىر ەڭ ماكسيمالدى زەينەتاقى الامىن.
دەگەنمەن, باسقا ايەلدەر ءۇشىن, ونىڭ ىشىندە جاس ارىپتەستەرىم ءۇشىن الاڭدايمىن. ولار كەيدە ماعان كەڭەس سۇراپ قايىرىلادى جانە مەن كاسىبي ماسەلەلەردى شەشۋدە دارمەنسىز ەكەندىكتەرىن, ءتىپتى, كەيدە جاۋاپكەرشىلىك جەتىسپەي جاتاتىنىن بايقاپ قالامىن. جاس كەلۋىمەن بايلانىستى ولار بۇل كەمشىلىكتەرىنەن ارىلا الا ما؟ مۇنداي سۇراق تۋىنداماۋى ءۇشىن مامانداردى ءاۋ باستان وقىتىپ, ءتاربيەلەۋ كەرەك. نۇرسۇلتان نازارباەۆ «قازاقستان-2050» ستراتەگياسىندا ايقىنداپ بەرگەنىندەي, 2050 جىلعا قارايعى باستى مىندەت – دامىعان ەكونوميكاسى مەن جالپىعا ورتاق ەڭبەك ەتۋ مۇمكىندىگى بار قۋاتتى مەملەكەت نەگىزىندە يگىلىكتى قوعام قۇرۋ.
ليۋبوۆ بورودينا,
زەينەتكەر.
قوستاناي.
تابيعي ءونىم شىعارامىز
مەملەكەت باسشىسى «قازاقستان-2050» ستراتەگياسىندا ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋگە ەرەكشە ماڭىز بەردى. وسى باعىتتا كوپتەگەن جۇمىستار دا اتقارىلدى. ءدۇكەندەر مەن بازارلارعا ءبىر كىرىپ-شىقساڭىز جەتىپ جاتىر, بۇعان ناقتى كوز جەتكىزە الاسىز. سولتۇستىك قازاقستان وبلىسىندا ازىق-ت ۇلىك ونىمدەرىنىڭ بارلىق تۇرلەرى شىعارىلادى. جەرلەستەرىمنىڭ بارلىعى دەرلىك ءوز ءونىمدەرىمىزگە باسىمدىق بەرەدى. ءويتكەنى, ءبىزدىڭ ءونىم وندىرۋشىلەر ەكولوگيالىق جاعىنان تازا جانە تابيعي ونىمدەردى شىعارۋدى ءوزدەرىنىڭ نەگىزگى مىندەتتەرى رەتىندە قاراستىرادى. بىزدە شىعارىلاتىن ونىمدەردى قازاقستاننىڭ كوپتەگەن وڭىرلەرى مەن رەسەي فەدەراتسياسىنىڭ قالالارى دا ءۇلكەن ريزاشىلىقپەن ساتىپ الادى.
ارينە, بىزدەر, قاراپايىم ازاماتتار دا مەملەكەتتىك ساياساتتىڭ جەمىستەرىن كۇتىپ, قول قۋسىرىپ قاراپ وتىرماۋىمىز كەرەك. بۇل ءۇشىن بارلىق جاعداي جاسالعان: پەتروپاۆلدا ساياجاي قوزعالىسىن دامىتۋدىڭ وڭىرلىك باعدارلاماسى ۇلكەن سۇرانىسقا يە. دالىرەك ايتقاندا, قازىردىڭ وزىندە اتالعان باعىتتاعى جۇمىستار ۇلكەن قارقىن العان. جەرگىلىكتى اتقارۋشى بيلىكتىڭ ىقپالىمەن ساياجاي ماسسيۆتەرى وزدەرىنىڭ ەكىنشى تىنىستارىن اشىپ ءۇلگەردى. مىڭداعان قالالىقتار جەمىس-جيدەكپەن وزدەرىن وزدەرى قامتاماسىز ەتىپ وتىر. ءبىر قاراعاندا, كوزگە سونشالىقتى كورىنە بەرمەيتىن ولاردىڭ ەڭبەگى ءبىر ارناعا قۇيىلا كەلىپ, ماڭىزدى ستراتەگيالىق مىندەتتى ءىس جۇزىنە اسىرۋعا سۇبەلى ۇلەس بولىپ قوسىلۋدا.
ەۆگەنيا ماجاروۆا,
ءۇي شارۋاسىنداعى ايەل.
سولتۇستىك قازاقستان وبلىسى.
يننوۆاتسيالىق جەتىستىكتە ۇلەسىم بار
«2050» ستراتەگياسىندا مەملەكەت باسشىسى ەلدى دامىتۋدىڭ تاياۋداعى ون جىلدىعىنا ارنالعان باعىت-باعداردى ناقتى بەلگىلەپ بەردى. باستى باسىمدىقتاردىڭ ءبىرى – جاڭا تەحنولوگيالىق جەتىستىكتەردىڭ كوشىنەن قالماۋ. مىنە, بۇگىندە وسىنداي مىندەتتى مەن جۇمىس ىستەيتىن «قازحروم» كومپانياسىنىڭ باسشىلىعى دا شەشۋگە ۇمتىلۋ ۇستىندە.
ءوزىم تالاي جىل ەڭبەك ەتىپ كەلە جاتقان اقتوبە فەرروقورىتپا زاۋىتىندا بۇگىندە الەمدە بالاماسى جوق سۋپەرزاماناۋي بالقىتۋ تسەحىنىڭ قۇرىلىسى اياقتالۋ كەزەڭىندە تۇر. جاڭا ءوندىرىس جاڭا بۋىنداعى ءتورت پەشتەن تۇرادى (ارقايسىسىنىڭ قۋاتى 72 مۆت-دان). ءار پەش جىلىنا 440 مىڭ توننا جوعارى كومىرتەكتى فەرروحروم شىعارا الادى.
ءىس جۇزىندە بۇل – بولاشاقتىڭ كاسىپورنى. مەن ءوزىمنىڭ مەتاللۋرگ ەكەنىمدى, ءدال مەنىڭ زاۋىتىمدا كاسىپورىن جۇمىسشىلارىنىڭ عانا ەمەس, بۇكىل ەلىمىز ەكونوميكاسىنىڭ يگىلىگىنە قىزمەت ەتەتىن رەۆوليۋتسيالىق توڭكەرىستەر دەپ ايتۋعا تۇرارلىق وزگەرىستەر ءجۇرىپ جاتقانىن ماقتان ەتەمىن. ەڭ باستىسى, وسى جاسامپازدىق ۇدەرىستەرىنە مەنىڭ دە قوسىپ وتىرعان ۇلەسىم بار.
سەرىك ءابىلحاسانوۆ,
اقتوبە فەرروقورىتپا زاۋىتى بالقىتۋ
تسەحى بريگاديرىنىڭ كومەكشىسى.
ۇشتۇعىرلى ءتىل – بۇگىنگى زامان تالابى
مەنىڭ ۇلىم وسى جىلى ءبىرىنشى سىنىپقا باردى. ول وقۋعا بارماس بۇرىن مەن بالاعا ەرتە باستان قازاق جانە اعىلشىن تىلدەرىن وقىتۋ قاجەت دەپ شەشتىم. ارينە, قازاق ءتىلىن ءبىز بىلۋگە ءتيىستىمىز, ويتكەنى, ءبىز قازاقستان رەسپۋبليكاسىندا تۇرامىز. جانە مەن ءتىل ءبىلۋدىڭ وعان بولاشاقتا كومەگى كوپ تيەتىنىنە سەنىمدىمىن.
ال اعىلشىن تىلىنە قاتىستى ايتاتىن بولسام, بالاعا جاس كەزىندە كەز كەلگەن شەت ەل ءتىلىن ۇيرەنۋ جەڭىلگە تۇسەتىنى كۇمانسىز. وسىدان كوپ جىل بۇرىن مەن العاش رەت ءبىرىنشى سىنىپقا بارعانىمدا, اقتاۋ قالاسىنداعى مەن وقىعان مەكتەپتە (ول كەزدە وبلىس ورتالىعى ءالى شەۆچەنكو اتالاتىن ەدى) وڭىردە تۇڭعىش رەت ەكسپەريمەنتالدى سىنىپ اشىلدى. ەڭ تالاپتى دەلىنگەندەر ءبىر توپقا جەكە جينالسا, سولاردىڭ قاتارىندا مەن ءبىرىنشى سىنىپتان شەت ەل ءتىلىن وقىپ-ۇيرەندىم.
ول كەزدە ءالى ەشقانداي ارنايى باعدارلاما, ادىستەمە دەگەندەر جوق ەدى. ءبارى دە العاش رەت بولاتىن. بىراق ءبىزدىڭ مۇعالىمدەرىمىز ءبىلىمدىلىك تانىتتى. ءبىزدىڭ سىنىپتاعىلاردىڭ ءبارى دەرلىك بۇگىندە شەتەل كومپانيالارىندا جاقسى لاۋازىمداردا جۇمىس ىستەيدى. ءبىزدىڭ پرەزيدەنتىمىز قازاقستان حالقىنا جولداۋىندا ءتىلدىڭ ۇشتۇعىرلىعى ماسەلەسىن كوتەرۋى مەنى قاتتى قۋانتتى. بالا ءبىرىنشى سىنىپتان باستاپ قازاق جانە اعىلشىن تىلدەرىن وقىپ-ۇيرەنە باستاسا, ارتىق شىعىنعا بارىپ رەپەتيتورلار جالداۋدىڭ قاجەتى قانشا؟
يرينا لاريچكينا.
اقتاۋ.