قىرعىزستان استاناسىندا قازاق ءتىلىن وقىتاتىن ونلاين سىنىپ اشىلدى, دەپ حابارلايدى Egemen.kz
ونلاين سىنىپ اشۋعا قاجەتتى قۇرىلعىلار توپتاماسى "قىرعىزستان قازاقتارىنىڭ قاۋىمداستىعى" قوعامدىق بىرلەستىگىنە تابىستالدى. "وتانداستار قورىنىڭ" باستاماسىمەن قازاق ءتىلىن ونلاين ۇيرەنۋ مۇمكىندىگى پايدا بولدى. اپتاسىنا 3 رەت, كۇنىنە 4 مارتە بىلىكتى ماماندار قانداستار ءۇشىن ساباق وتكىزەدى.
جوبا قازاقستان رەسپۋبليكاسى اقپارات جانە قوعامدىق دامۋ مينيسترىلىگىڭ تاپسىرماسىمەن جۇزەگە اسىرىلۋدا. جىل سوڭىنا دەيىن 12 ەلدە 31 ونلاين سىنىپ اشۋ جوسپارلانعان.