بۇل تۋرالى "اشىق بيۋدجەت" جوباسى اياسىندا "ANTIKOR ORTALYǴY" الاڭىندا نۇر-سۇلتان قالالىق مەملەكەتتىك كىرىستەر دەپارتامەنتىنىڭ باسشىسى قۇلمۇحامبەت يساقوۆ ءمالىم ەتتى, دەپ حابارلايدى Egemen.kz
"جالپى ءبىز مەملەكەتتىك قىزمەتتىڭ 44 ءتۇرىن كورسەتەمىز. قازان ايىنىڭ كورسەتكىشى بويىنشا 1 ملن 522 مىڭ ادامعا مەملەكەتتىك قىزمەت كورسەتىلدى. ونىڭ 98 پايىزى سالىقتىق قىزمەتتەرگە قاتىستى. 2 پايىزى كەدەندىك قىزمەتتەرگە تيەسىلى", دەيدى قۇلمۇحامبەت يساقوۆ.
اشىق ونلاين ديالوگ بارىسىندا دەپارتامەنت باسشىسى قازاقستاندىقتاردىڭ سالىق مادەنيەتى جىل ساناپ جاقسارىپ كەلە جاتقانىن ايتىپ ءوتتى.
"مەملەكەتتىك كىرىستەر دەپارتامەنتىنىڭ ميسسياسى – سالىقتىق جانە باسقا دا مىندەتتى تولەمدەردىڭ ءتۇسىمىن ۋاقتىلى جانە تولىق ءتۇسۋىن قامتاماسىز ەتۋ, سونىمەن بىرگە ماقساتتارعا جەتۋ ءۇشىن مەملەكەتتىك قىزمەتتەردى ساپالى تۇردە كورسەتۋ. جالپى سالىق مادەنيەتى تەندەنتسياسى جالپى جاقسارىپ كەلە جاتقانىن اتاپ ءوتۋ كەرەك. زاڭبۇزۋشىلىقتار كوبىنەسە قانداي دا ءبىر وزگەرىستەر تۋرالى ۋاقتىلى بىلمەۋدىڭ سالدارىنان تىركەلەدى. ءبىزدىڭ سالىق تولەۋشىلەر ءوز مىندەتتەمەلەرىن ۋاقتىلى ورىنداۋعا تىرىسادى", دەيدى قۇلمۇحامبەت يساقوۆ.