قىزىل جانە سارى ايماقتاردا قوسىمشا شەكتەۋ شارالارى قابىلدانادى

سانيتارلىق-ەپيدەميولوگيالىق احۋال مەن قابىلدانىپ جاتقان شارالار تۋرالى دەنساۋلىق ساقتاۋ ءمينيسترى ا. تسوي, سانيتارلىق تالاپتاردىڭ ساقتالۋىن باقىلاۋ تۋرالى ىشكى ىستەر ءمينيسترى ە. تۇرعىمباەۆ, پتر-دياگنوستيكالاۋ مەن جەكە قورعانىش قۇرالدارىنىڭ باعا ساياساتىنا مونيتورينگ جۇرگىزۋ جۇمىسى بويىنشا باسەكەلەستىكتى قورعاۋ جانە دامىتۋ اگەنتتىگىنىڭ توراعاسى س. جۇمانعارين, تۇرعىندارمەن اقپاراتتىق-ءتۇسىندىرۋ جۇمىستارىن جۇرگىزۋ تۋرالى اقپارات جانە قوعامدىق دامۋ ءمينيسترى ا. بالاەۆا, وڭىرلەردەگى احۋال تۋرالى قوستاناي وبلىسىنىڭ اكىمى ا. مۇحامبەتوۆ, باتىس قازاقستان وبلىسىنىڭ اكىمى ع. ەسقاليەۆ, اقمولا وبلىسىنىڭ اكىمى ە. مارجىقپاەۆ باياندادى.

ەرتە ۆاكتسيناتسيالاۋ, جاپپاي ماسكا تاعۋ رەجيمىن جانە ارا قاشىقتىقتى ساقتاۋ شارالارىنىڭ ارقاسىندا بيىل كۇزدە حالىقتىڭ پنەۆمونيامەن جانە جرۆي-مەن سىرقاتتانۋشىلىعى تۇراقتى تومەندەۋ ديناميكاسىنا يە. مىسالى, تەك قازان ايىندا وسى جىلدىڭ قىركۇيەك ايىمەن سالىستىرعاندا, پنەۆمونيامەن اۋىرعاندار سانى 26%-عا, 24,8 مىڭنان 18,3 مىڭعا دەيىن ازايدى, ال ءجىتى رەسپيراتورلىق ۆيرۋستىق ينفەكتسيامەن اۋىرعاندار 7,6%-عا, 286,8 مىڭنان 265,3 مىڭ ادامعا دەيىن ازايعان. وتكەن جىلمەن سالىستىرعاندا جرۆي-مەن اۋىرۋ 1,7 ەسە – 2019 ج. قازانداعى 441,2 مىڭنان بيىل قازاندا 265,3 مىڭعا دەيىن تومەندەدى. 

سونىمەن قاتار بارلىق وڭىردە COVID-19-بەن اۋىرۋ جاعدايلارىنىڭ ارتقانى بايقالادى. ۆيرۋستىڭ رەپرودۋكتيۆتىك يندەكسى رەسپۋبليكا بويىنشا – 1,2, ينفەكتسيالىق توسەك ورىندارىنىڭ تولتىرىلۋى 21%, رەانيماتسيالىق توسەك ورىندارىنىڭ جۇكتەمەلىگى 17% قۇرايدى. شىعىس قازاقستان جانە پاۆلودار وبلىستارى — قىزىل ايماقتا, باتىس قازاقستان, قوستاناي, اقمولا جانە سولتۇستىك قازاقستان وبلىستارى — سارى ايماقتا.

پرەمەر-مينيستر قىزىل جانە سارى ايماقتارداعى وڭىرلەردىڭ اكىمدەرىنە جاعدايدى تۇراقتاندىرۋ بويىنشا قوسىمشا شارالار قابىلداپ, ماسەلەنى ەرەكشە باقىلاۋدا ۇستاۋدى تاپسىردى.

دەنساۋلىق ساقتاۋ مينيسترلىگىنە:

بارلىق مەديتسينالىق قىزمەتتەردىڭ ورتالىق جانە وڭىرلىك دەڭگەيدە سىرقاتتانۋشىلىقتىڭ ىقتيمال ءوسۋ جاعدايىنا تولىق دايىندىعىن قامتاماسىز ەتۋ;

حالىقپەن شەكتەۋ شارالارىن ساقتاۋ جونىندە ءتۇسىندىرۋ جۇمىستارىن تۇراقتى نەگىزدە جۇرگىزۋ;

شەكارا قىزمەتىمەن, وڭىرلەردىڭ اكىمدىكتەرىمەن بىرلەسىپ, شەتەلدىكتەرگە قازاقستانعا كىرۋ ءۇشىن بەرىلەتىن دەنساۋلىق ساقتاۋ ۇيىمدارىنىڭ شاقىرۋ قۇجاتتارىنا باقىلاۋدى كۇشەيتۋ;

ادىلەت مينيسترلىگىمەن, اكىمدىكتەرمەن بىرلەسىپ, قر اۋماعىندا ەمدەلۋ ءۇشىن شەتەل ازاماتتارىنا شاقىرۋ بەرۋگە ۋاكىلەتتى, وڭىرلەردەگى دەنساۋلىق ساقتاۋ ۇيىمدارىنىڭ تىزبەسىن ايقىنداۋ تاپسىرىلدى. ىشكى ىستەر مينيسترلىگىنە حالىق پەن بيزنەس سۋبەكتىلەرىنىڭ شەكتەۋ جانە كارانتين شارالارىن ساقتاۋىن باقىلاۋ جونىندەگى مونيتورينگتىك توپتاردىڭ جۇمىسىن كۇشەيتۋ تاپسىرىلدى (بيىلعى 17 تامىزدان باستاپ ەلىمىزدە 41 مىڭ رەيدتىك تەكسەرۋ جۇرگىزىلدى, 8,7 مىڭ كارانتيندى بۇزۋ فاكتىسى انىقتالدى).