ەۋروپادا شەكتەۋ شارالارى قايتا كۇشەيتىلدى

گرەكيادا قاتاڭ كارانتيندىك شەكتەۋلەر ەنگىزىلدى, ازاماتتارعا ۇيالى تەلەفون ارقىلى رەسمي سۇراۋ سالۋ ارقىلى رۇقسات العاننان كەيىن عانا ۇيدەن شىعۋعا رۇقسات ەتىلەدى. ەلدە تەك ازىق-ت ۇلىك دۇكەندەرى مەن ءدارىحانالار جۇمىس ىستەيدى. قورعانىس ماسكاسىز جۇرگەندەرگە سالىناتىن ايىپپۇل مولشەرى 150-دەن 300 ەۋروعا دەيىن ءوستى.فرانتسيادا ساعات 22.00 مەن 06.00 ارالىعىندا قاتاڭ كومەندانتتىق ساعات قولدانىلاتىن جاڭا لوكداۋننىڭ العاشقى اپتاسى اياقتالدى. ەلدىڭ وڭتۇستىگىندەگى سەنت-ەتەندەگى اۋرۋحانالاردىڭ ءبىرى جەدەل جاردەم بولىمشەسىنىڭ سىيىمدىلىعىن ءتورت ەسە ارتتىردى جانە باسقا ايماقتارعا جىبەرىلەتىن ناۋقاستاردىڭ سانىن كوبەيتتى. فرانتسيانىڭ دەنساۋلىق ساقتاۋ مينيسترلىگى COVID-19 تارالۋىنىڭ شىڭى قاراشا ايىنىڭ ورتاسىنا كەلەتىندىگىن العا تارتۋدا.پولشادا بارلىق مادەني جانە ويىن-ساۋىق ورىندارى جابىق, قوناق ۇيلەر تەك ءىس-ساپارمەن كەلگەندەردى قابىلدايدى. ەل بيلىگى بۇل شارالاردىڭ ءبىر اپتا ىشىندە ناتيجە بەرمەسە, مەملەكەتتە تولىق كارانتين ەنگىزىلەدى دەپ مالىمدەدى. ۆارشاۆاداعى ۇلتتىق ستاديوندا ۋاقىتشا اۋرۋحانا اشىلعان — ول مىڭعا دەيىن اۋىرعان ادامدى قابىلداۋعا مۇمكىنشىلىك بەرەدى دەپ كۇتىلۋدە.دانيا مەملەكەتىنىڭ اڭ فەرمالارىندا مۋتاتسيالانعان COVID-19 ورشۋىنە بايلانىستى ۇلىبريتانيا بۇل مەملەكەتتەن كەلۋشىلەردىڭ ەلگە كىرۋىنە تىيىم سالدى. شەكارادان وتۋگە تەك ۇلىبريتانيا ازاماتتارىنا جانە جۇك كولىكتەرىنىڭ جۇرگىزۋشىلەرىنە رۇقسات ەتىلدى.