شىمكەنت قالاسىندا مونيتورينگتىك توپ وكىلدەرى قالا ىشىندە قاتىنايتىن قوعامدىق كولىكتەردە سانيتاريالىق-ەپيدەميولوگيالىق تالاپتاردىڭ ساقتالۋىنا تەكسەرۋ جۇرگىزۋدە.
مونيتورينگتىك توپ قۇرامىندا جەرگىلىكتى پوليتسيا بولىمشەلەرىنىڭ, قالالىق اكىمدىك جانە سانيتاريالىق قىزمەت ماماندارى بار. تەكسەرىس بارىسىندا, سوڭعى ەكى كۇن ىشىندە قالا بويىنشا بۇزۋشىلىقتىڭ 9 فاكتىسى تىركەلدى. اتاپ ايتقاندا, قوعامدىق كولىك ىشىندە الەۋمەتتىك اراقاشىقتىقتىڭ ساقتالماعاندىعى (جولاۋشىلار سانى شامادان ارتىق بولعانى), كەيبىر جولاۋشىلاردىڭ بەتپەردەنى دۇرىس تاقپاعاندىعى نەمەسە مۇلدەم تاقپايتىندارى انىقتالدى. بارلىق بۇزۋشىلىقتار بويىنشا كىنالى تۇلعالارعا پوليتسيا قىزمەتكەرلەرى تاراپىنان اكىمشىلىك حاتتامالار تولتىرىلدى. سونداي-اق سانيتاريالىق قىزمەت ماماندارى جولاۋشىلار مەن جۇرگىزۋشىلەر اراسىندا كارانتيندىك تالاپتاردىڭ قاتاڭ ساقتالۋىنىڭ ماڭىزدىلىعى جايىندا ءتۇسىندىرۋ جۇمىستارى جۇرگىزىلدى. ونىڭ ىشىندە, بارلىق ادامداردىڭ بەتپەردە رەجيمىن ساقتاۋى ەل ىشىندە COVID-19 تارالۋ قاۋپىن 90% دەيىن ازايتۋعا مۇمكىندىك بەرەتىندىگى جايىندا كەڭىنەن ايتىلدى.