ماسساچۋسەتس جالپى اۋرۋحاناسىنىڭ زەرتتەۋشىلەرى حالىقارالىق دەرماتولوگيالىق قوعامدار ليگاسىمەن جانە امەريكاندىق دەرماتولوگيا اكادەمياسىمەن بىرلەسە وتىرىپ COVID-19-عا ءتان ەمەس جاڭا سيمپتومىن انىقتادى.
COVID-19 جۇقتىرعان 12 مىڭ ادامنىڭ اياعىنداعى ۇسىك شالۋ بەلگىلەرىن ەسكە تۇسىرەتىن قاتتى تىتىركەنۋ مەن قىزارۋ پايدا بولعان. دەرماتولوگتار بۇل قۇبىلىستى «كوۆيدتى ساۋساقتار» دەپ اتادى.ناۋقاستاردىڭ ايتۋىنشا قولدارى مەن اياقتارىنىڭ ساۋساقتارىندا پايدا بولعان قىزىل جانە كۇلگىن تۇينەكتەر ازداپ اۋىرعانىمەن, قىشىمايدى ەكەن. بورتپە جازىلعاننان كەيىن تەرىنىڭ ۇستىڭگى قاباتى قابىرشاقتانىپ ءتۇسىپ قالادى ەكەن.دارىگەرلەر تەرىنىڭ مۇنداي قابىنۋى مەن كوروناۆيرۋستىڭ اراسىنداعى بايلانىستى "كوۆيدتى ساۋساقتارى" بار بالالاردىڭ تەرىسىنىڭ بيوپسياسى ارقىلى انىقتاعان.مۇنداي بەلگىلەر, ادەتتە, COVID-19 جۇقتىرعاننان كەيىن ورتا ەسەپپەن ءبىر-ەكى اپتا بويى ساقتالادى, بىراق كەيبىر ناۋقاستاردا ولار ۇزاق ۋاقىت, 130 كۇنگە دەيىن ساقتالادى ەكەن.زەرتتەۋشىلەر جاڭا دەرەكتەردىڭ دارىگەرلەرگە COVID-19 جۇقتىرعان, الايدا ىندەتتىڭ ايقىن بەلگىلەرى بايقالماعان ناۋقاستاردى انىقتاۋدا ءوز سەپتىگىن تيگىزەرىنە سەنىمدى.