نۇرسۇلتان نازارباەۆ دجوزەف بايدەنگە امەريكا قۇراما شتاتتارىنىڭ پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى. بۇل تۋرالى Elbasy.kz حابارلادى.
قازاقستاننىڭ تۇڭعىش پرەزيدەنتى 2010 جىلى ۆاشينگتوندا يادرولىق قاۋىپسىزدىك جونىندەگى سامميت اياسىندا وتكەن كەزدەسۋدى, سونداي-اق ولاردىڭ اراسىنداعى تەلەفون ارقىلى بولعان كەلىسسوزدەردى جىلى سەزىممەن ەسكە الاتىنىن اتاپ ءوتتى.
ەلباسى قازاقستان مەن اقش اراسىنداعى كەڭەيتىلگەن ستراتەگيالىق سەرىكتەستىك ءارى قاراي دا ەكى ەلدىڭ يگىلىگى جولىندا نىعايا بەرەتىنىنە سەنىم ءبىلدىردى.
سوڭىندا نۇرسۇلتان نازارباەۆ دجوزەف بايدەنگە مەملەكەتتىك قىزمەتتە تابىس تىلەدى.