بيىلعى ون ايدا قازاقستاندا 1 ميلليوننان استام اۆتوكولىك تىركەۋگە قويىلدى. بۇل تۋرالى «قازاۆتوونەركاسىپ» اۆتوكولىك سالاسىنداعى كاسىپورىندار وداعىنان ءمالىم ەتتى.
«ەسەپتى كەزەڭدە اكىمشىلىك پوليتسيا ورگاندارى 1 084 633 اۆتوكولىكتى تىركەۋگە قويدى. اتالعان كورسەتكىش وتكەن جىلدىڭ سايكەس كەزەڭىنەن 12 پايىزعا كەم. ونىڭ ىشىندە 970 506-سى بىرنەشە رەت تىركەلگەندەر ۇلەسىندە, ياعني ءبىر ادامنان ەكىنشى ادامنىڭ اتىنا اۋىستىرىلعان كولىكتەر ساناتىنا جاتقىزىلدى. ءبىر جىل بۇرىنعى دەڭگەيمەن سالىستىرعاندا 15,6 پايىزعا تومەندەدى. ال العاش رەت تىركەلگەن كولىك قۇرالدارىنىڭ سانى ارتىپ, 114 127-ءنى قۇرادى. بۇل كورسەتكىش بىلتىرعا قاراعاندا 37 پايىز جوعارى. وسى كورسەتكىشكە 2020 جىلى باستاپقى ءارى ۋاقىتشا تىركەۋگە قويىلعان ارمەنيادان جەتكىزىلگەن 16 181 جەڭىل اۆتوكولىك ەنىپ وتىر», - دەپ اتاپ كورسەتىلگەن تاراتىلعان مالىمەتتە.
بيىلعى قاڭتار-قازاندا قازاقستان اۋماعىندا 52 ەلەكتروموبيل تىركەلگەن. «قازاۆتوونەركاسىپتىڭ» حابارلاۋىنشا, ەسەپتى كەزەڭدە قايتا تىركەلگەن كولىكتەردىڭ ۇشتەن ەكىسىنەن استامىن (67,2 پايىزى) پايدالانۋ مەرزىمى 10 جىلدان اسقان كولىكتەر قامتىعان.
اتاپ ايتقاندا, 20 جىلدان اسقانداردىڭ ۇلەسى – 401 057 كولىك (41,3 پايىز) بولسا, 11-دەن 20 جىلعا دەيىنگىلەر – 25,9 پايىز (251 415 كولىك). ال 4-تەن 7 جىلعا دەيىنگىلەر – 167 479 كولىككە (17,3 پايىز), 8-دەن 10 جىلعا دەيىنگىلەر – 95 891 كولىككە (9,9 پايىز), 1-دەن 3 جىلعا دەيىنگى كولىك سانى 46 910-عا جەتتى.
سونىمەن قاتار, پايدالانۋ مەرزىمى 1 جىلعا جەتپەگەن كولىكتەردىڭ ۇلەسى 0,8 پايىز (7 754 اۆتوموبيل) بولدى.