نۇر-سۇلتان قالالىق قوعامدىق دەنساۋلىق ساقتاۋ باسقارماسى قالاداعى جەكە مەديتسينا ۇيىمدارىنىڭ ءتىزىمىن ۇسىنادى, مۇندا ەلوردا تۇرعىندارى كوروناۆيرۋس ينفەكتسياسىنا پتر ادىسىمەن تەستىلەۋدەن وتە الادى.
ۇلتتىق ساراپتاما ورتالىعىندا, «مەيىرىم» جشس, «BIO Lab» جشس-دە پتر تەستىنىڭ باعاسى 8000 تەڭگەدەن باستالادى. تاۋلىگىنە سىنامالار وتكىزۋ قۋاتتىلىعى 800–1000 قۇرايدى.
ۇلتتىق عىلىمي مەديتسينالىق ورتالىق, «Invivo» جشس, «وليمپ» كدل (نۇر-سۇلتانداعى فيليالى «مىرزا-حان» جشس), №2 كوپسالالى قالالىق اۋرۋحانا, №3 كوپسالالى قالالىق بالالار اۋرۋحاناسى, پرەزيدەنتتىڭ ءىس باسقارماسىنىڭ زەرتحاناسىندا كۆي-گە تەستىلەۋ 9-11 مىڭ تەڭگە ارالىعىندا جۇرگىزىلەدى.
12-15 مىڭ تەڭگە ارالىعىندا ءسىز «گەنوم پليۋس» جشس-دە, ترانسفۋزيولوگيا عىلىمي-وندىرىستىك ورتالىعىندا جانە KF UMC رەسپۋبليكالىق دياگنوستيكا ورتالىعىندا تەستىلەۋدەن وتە الاسىز.
اقىلى نەگىزدە COVID-19 كوروناۆيرۋس ينفەكتسياسىن انىقتاۋعا ارنالعان پتر سىناعىنان قاجەتتى قاراجاتى بار بارلىق قازاقستان ازاماتتارى وتە الادى. قالالىق ەمحانالاردا ءمامس جۇيەسىنىڭ بولىگى رەتىندە كۆي پاتسيەنتتەرىمەن بايلانىستا بولعان جۇكتى ايەلدەرگە پتر تەستىلەۋ اقىسىز جۇرگىزىلەدى.
ەستەرىڭىزگە سالا كەتەيىك, ەلوردادا كۆي بويىنشا بيوماتەريال جيناۋعا ارنالعان 15 زەرتحانا بار. زەرتحانالاردىڭ جالپى قۋاتتىلىعى تاۋلىگىنە 10 مىڭنان استام تەستتى قۇرايدى. قازىرگى ۋاقىتتا 550 مىڭنان استام زەرتتەۋ جۇرگىزىلدى, قوسىمشا ءالى 112 مىڭعا جۋىق سىناما بار.