جايىقتىڭ ەكوجۇيەسىن ساقتاۋعا باعىتتالدى

بىرلەسكەن باعدارلامانىڭ جوباسى جايىق ترانسشەكارالىق وزە­نى باسسەينىنىڭ ەكوجۇيەسىن ساق­تاۋ جو­­نىندەگى قازاقستان-رەسەي كو­ميس­سياسىنىڭ ەكىنشى وتىرىسىندا تال­قىلاندى.

بەينەبايلانىس فورماتىندا وتكەن كەزدەسۋدە قازاقستان تاراپىنان ەكولوگيا, گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆ, سونداي-اق كورشىلەس ەلدەن رەسەي فەدەراتسياسى تابيعي رەسۋرس­تار جانە ەكولوگيا ءمينيسترىنىڭ ورىنباسارى سەرگەي ياسترەبوۆ قاتىسىپ, ورتاق اكۆاتوريانىڭ كەلەشەگىن پىسىقتادى.

باسقوسۋدا پارلامەنت ءماجى­لىسى مەن رەسەي فەدەراتسياسى فەدەرالدىق جينالىسى مەملە­كەتتىك دۋماسىنىڭ دەپۋتاتتارى, عالىمدار, مەملەكەتتىك قۇرى­لىم­دار مەن قوعام وكىلدەرى دە جايىق وزەنىنە بايلانىستى قور­دالان­عان پروبلەمالار تۋرالى پىكىر الماسۋعا مۇمكىندىك الدى.

كەزدەسۋ بارىسىندا اتالعان وزەن باسسەينىنىڭ ەكوجۇيەسىن جاقسارتۋ مەن ترانسشەكارالىق لاستانۋدى بولدىرماۋ جونىندەگى 2019-2020 جىلدارعا ارنالعان ءىس-شارالار جوسپارىنىڭ ورىندالۋى تۋرالى ايتىلدى.

بۇعان قوسا قاتىسۋشىلار 2019 جىلعى شىلدە ايىندا حالىقارالىق تاجىريبەنى زەردەلەۋ جانە جايىق وزەنى باسسەينىنىڭ ەكوجۇيەسىن ساقتاۋدىڭ بىرلەسكەن ينستيتۋتسيونالدىق جانە ەكو­نوميكالىق تەتىگى بويىنشا ۇسى­نىستار دايىنداۋ جونىندەگى سەميناردا ايتىلعان ۇسىنىستاردى تالقىلادى.

ماڭىزدى وتىرىستىڭ قورى­تىن­دىسىنا سايكەس جايىق ترانس­شە­كارالىق وزەنى باسسەينىنىڭ ەكو­جۇيەسىن ساقتاۋ جونىندەگى قازاقستان-رەسەي ىنتى­ماق­­تاس­تىعىنىڭ 2021-2024 جىل­دارعا ارنال­عان باعدار­لاما­سىنا 12-13 قاراشادا كوك­شە­تاۋدا وتەتىن قازاقستان مەن رەسەي فەدە­را­تسياسىنىڭ XVII وڭىر­ارا­لىق ىن­­تىماقتاستىق فورۋمى شەڭ­بەرىندە قول قويۋ تۋرالى شە­شىم قابىلداندى.