نۇر-سۇلتاندا "NUR-SULTAN DEBAT CUP 2020" پىكىرسايىس ءتۋرنيرىنىڭ جەڭىمپازدارى ماراپاتتالدى, دەپ حابارلايدى Egemen.kz اكىمدىكتىڭ ءباسپاسوز قىزمەتىنە سىلتەمە جاساپ.
جەڭىمپازدارعا ارنايى سەرتيفيكاتتار, قارجىلاي سىيلىق جانە باعالى زاتتار تابىستالدى.
"قاشان دا پىكىرسايىس دۇنيەسى ادامنىڭ ورىسىنە, وي جەتەگىنە بايلانىستى بولادى. وزدەرىڭىزدەي جاستار وسىنداي اكتسيالارعا قاتىسىپ بيىكتەردەن كورىنۋى ۇلكەن مارتەبە. مەملەكەت باسشىسى ايتقانداي, ەلىمىزدىڭ بولاشاعى - جاستار. سول سەبەپتەن دە وسى جەردەن توقتاماي, الداعى تاڭدا وسىنداي پىكىرسايىس تۋرنيرلەرىن ءجيى ۇيىمداستىرىپ, جۇزدەن جۇيرىك, مىڭنان تۇلپارلاردى انىقتاپ, العا قاراي ۇمتىلا بەرۋ قاجەت. الداعى ۋاقىتتا بولاشاق ءبىزدىڭ كوشباسشىلارىمىز بەن بولاشاق زياتكەرلەرىمىزگە تەك قانا ساتتىلىك تىلەيمىن", دەدى پارلامەنت ءماجىلىسىنىڭ دەپۋتاتى گەننادي شيپوۆسكيح.
پىكىرسايىس 12 قازاندا باستالىپ, 25 قازانعا دەيىن سوزىلعان. تۋرنيرگە نۇر-سۇلتان قالاسىنىڭ 16 جوعارى وقۋ ورىنى جانە 35 ورتا ارناۋلى وقۋ ورىندارىنىڭ ستۋدەنتتەرى قاتىسقان.
ء"بىز دامۋشى دەموكراتيالىق ەلدەردەگى پىكىرسايىس ينستيتۋتىنداي بولا الامىز جانە قازىر جاساپ جاتقان دۇنيەلەرىڭىز سوعان ءبىر قادام جاقىنداتا بەرەدى. سىزدەرگە تەك قانا ساتتىلىك! سىزدەردەن بولاشاق ساياساتكەرلەر شىعاتىنىنا سەنىمدىمىز", دەدى ۇلتتىق پىكىرسايىس فەدەراتسياسىنىڭ پرەزيدەنتى بولات بۇحارباي.
پىكىرسايىس قر كونستيتۋتسياسىنىڭ, قازاقستان حالقى اسسامبلەياسىنىڭ 25 جىلدىعىنا ارنالعان. شارا بارىسىندا اباي قۇنانباي ۇلىنىڭ 175 جىلدىعى, ءال-ءفارابيدىڭ 1150 جىلدىعى, تۇڭعىش پرەزيدەنت كۇنى, تاۋەلسىزدىك كۇنىنە وراي تاقىرىپتار قوزعالعان.
ايتا كەتۋ كەرەك, تۋرنير ZOOM الاڭىندا ونلاين-رەجيمدە ءوتتى.