جامبىل وبلىسىنىڭ باس مەملەكەتتىك سانيتاريالىق دارىگەرى سالتانات اليباەۆانىڭ اعىمداعى جىلعى 5 قاراشاداعى №40 "جامبىل وبلىسى باس مەملەكەتتىك سانيتاريالىق دارىگەرىنىڭ قاۋلىسىنا وزگەرىستەر مەن تولىقتىرۋلار ەنگىزۋ تۋرالى" قاۋلىسىنا سايكەس, بۇگىننەن باستاپ وبلىساۋماعىندا كارانتين تالاپتارى جەڭىلدەتىلىپ, تەاترلار مەن مەشىتتەردىڭ جۇمىسىنا رۇقسات بەرىلدى, دەپ حابارلايدى Egemen.kz.
سونىمەن قاتار, الداعى ەكىنشى توقساننان باستاپ, قالالىق جانە اۋىلدىق ايماقتاعى كونتينگەنتى 300 وقۋشىعا دەيىنگى مەكتەپتەر ءداستۇرلى وقۋ فورماتىنا كوشىرىلەتىن بولدى. الايدا, ءاربىر سىنىپتارداعى بالالاردىڭ سانى 15-تەن اسپايدى. جالپى ءبىلىم بەرەتىن مەكتەپتەردە 1-5 سىنىپتار, ال, حالىقارالىق مەكتەپتەردە 7 سىنىپقا دەيىن كەزەكشى كلاستاردا وقىتۋعا رۇقسات ەتىلگەن.
سونداي-اق, بۇگىندە كۇشەيتىلگەن سانيتاريالىق-دەزينفەكتسيالىق, ماسكالىق جانە الەۋمەتتىك قاشىقتىق رەجيمىن ساقتاي وتىرىپ, تەاترلار مەن مەشىتتەردىڭ جۇمىس ىستەۋىنە رۇقسات ەتىلدى.
جامبىل وبلىسى