قوستاناي وبلىسىندا كىتاپحانا, مۋزەي, گالەرەيالارعا, سونداي-اق, ونەرسۇيەر قاۋىم كوپ جينالاتىن كورمەلەرگە 65 جاستان اسقان ادامداردىڭ باس سۇعۋىنا تىيىم سالىندى. مادەني نىساندارعا كەلۋشىلەردىڭ سانى 30 ادامنان اسپاۋى ءتيىس, دەپ حابارلايدى Egemen.kz.
65 جاستان اسقان ەگدە كىسىلەر ازىق-ت ۇلىك دۇكەنىنە, دارىحاناعا, ەمدەۋ مەكەمەلەرىنە بارۋ قاجەت بولعاندا نەمەسە قوقىس شىعارۋعا تۋرا كەلگەن جاعدايدا عانا كوشەگە شىعا الادى. ايماقتىڭ باس سانيتارلىق دارىگەرى ۆ.نەچيتايلو قول قويعان قاۋلىعا سايكەس, تالاپ ساقتالماعان جاعدايدا ءتارتىپ بۇزعان قارتتارعا 30 اەك مولشەرىندە ايىپپۇل سالىنادى.
سونىمەن قاتار, قوعامدىق مونشالار مەن ساۋنالار ءبىر ادامدى كەم دەگەندە 4 شارشى مەترلىك ورىنمەن قامتاماسىز ەتۋى كەرەك. بۇل نىساندار جۇمىس كۇندەرى جۋىنۋشىلاردى مىندەتتى تۇردە جازباشا تۇردە الدىن الا تىركەۋگە قويۋ ارقىلى تاڭعى 8.00-دەن 21.00-گە دەيىن عانا جۇمىس ىستەيدى. وندا دا جۋىن بولمەسىندە مونشاعا سياتىن ادامنىڭ 30%-ىنىڭ عانا بولۋى تالاپ ەتىلەدى.
جابىق سپورت نىساندارى (سپورت كەشەندەرى, سپورت مەكتەپتەرى, سپورت كلۋبتارى, جاتتىعۋ زالدارى, فيتنەس-ورتالىقتار, سپورتتىق-ساۋىقتىرۋ ورتالىقتارى) 7:00 دەن 22:00-گە دەيىن جۇمىس ىستەيدى. جاتتىعۋلارعا قاتىسۋشىلاردىڭ سانى 5 ادامنان اسپاۋى قاجەت.
ۇجىم نەمەسە توپ بولىپ تابيعات اياسىنا شىعۋعا, كورنەكى ورىنداردى ارالاۋعا شەكتەۋ قويىلدى. مۇنداي ەكسكۋرسيالارعا تەك قۇرامىندا ءارى كەتكەندە 3-4 ادامى بار وتباسىلىق توپتارعا عانا رۇقسات ەتىلەدى.
سونداي-اق بالالار مەن ەرەسەكتەرگە قوزعالىس قۇرالدارىن (ەلەكتروموبيل, پەدالدى اۆتوموبيل, كارتينگ, گيدروسكۋتەر, ت.ب.) جالعا بەرۋ ورىندارىنىڭ جۇمىسىنا دا تىيىم سالىندى.
ازىق-ت ۇلىك جانە باسقا دا تاۋارلار ساتاتىن اشىق ساۋدا ورتالىقتارى جۇمىس جانە دەمالىس كۇندەرى 10:00-دەن 17:00-گە دەيىن جۇمىس ىستەيدى. ال جابىق ساۋدا ورتالىقتارىنا دەمالىس كۇندەرى جۇمىس ىستەۋگە شەكتەۋ قويىلدى.
ءدىني مەكەمەلەر دەمالىس كۇندەرى دە جۇمىسىن توقتاتپايدى. الايدا 1 ادامعا 5 شارشى مەتر قاراستىرىلىپ, كەلۋشىلەر عيماراتقا سياتىن ادامداردىڭ 30 پايىزىنان اسپاۋى كەرەك.