قوستانايداعى تەرگەۋ مەكەمەسىنىڭ قىزمەتكەرلەرى ءوز قالتالارىنان اقشا شىعارىپ, مەكەمە ماڭىنداعى دۇكەننىڭ ءبىر سورەسىن جۇما سايىن نان, قانت, الما سياقتى ازىق-ت ۇلىككە تولتىرىپ قويادى. پوليتسەيلەر تۇرمىسى تومەن وتباسىلار ءۇشىن "ناۋرىز" دۇكەنىنە 50, كوكونىس ساتاتىن شاعىن دۇكەنگە 25 بولكە نان اكەپ قويادى. تەرگەۋ يزولياتورى قىزمەتكەرلەرىنىڭ يگى باستاماسىنا مەكەمەگە كورشى تۇرعىندار دا ءدان ريزا, دەپ حابارلايدى Egemen.kz
- ءوزىم زەينەتكەرمىن, جالعىز تۇرامىن. زەينەتاقىمنىڭ كوبى ءدارى-دارمەك ساتىپ الۋعا كەتەدى. جۇما سايىن وسىندا كەلىپ ءبىر-ەكى بولكە نان, الما الىپ كەتەمىن. مەن سياقتى جالعىز باستى قارت ادامداردىڭ تاعدىرىنا بەيجاي قاراماعان تەرگەۋ مەكەمەسى قىزمەتكەرلەرىنىڭ قايىرىمدى ءىسى قۋانتادى, دەيدى زەينەتكەر ليۋدميلا چەرنىشوۆا.
قوستاناي وبلىسىنىڭ قىلمىستىق اتقارۋ جۇيەسى دەپارتامەنتىنە قاراستى ۋك-161/1-مەكەمەسىنىڭ ينسپەكتورى لاۋرا مەرگەنوۆانىڭ ايتۋىنشا, مەكەمە قىزمەتكەرلەرى "قايىرىمدىلىق سورەسى" اكتسياسى ارقىلى قالا تۇرعىندارىن ءبىر-بىرىنە قايىرىمدى, جاناشىر, باۋىرمال بولۋعا ۇندەگىسى كەلەدى. قايىرىمدىلىق شاراسى 2020-جىلدىڭ سوڭىنا دەيىن جالعاسادى.
قوستاناي وبلىسى