جىل باسىنان بەرى نۇر-سۇلتان قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسى ۇلەسكەرلەردەن اقشا جيناۋعا 21 رۇقسات بەردى. ونىڭ 2-ەۋى قازان ايىندا بەرىلدى, دەپ حابارلايدى Egemen.kz
11 قۇرىلىس كومپانياسى كوپقاباتتى ءۇيدىڭ قاڭقاسى سالىنعاننان كەيىن ۇلەسكەرلەردەن اقشا جيناۋعا رۇقسات الدى. 10 كومپانيا – ەكىنشى دەڭگەيلى بانك جوباسىنا قاتىسۋ بويىنشا.
ەسكە سالا كەتەيىك, "تۇرعىن ءۇي قۇرىلىسىنا ورتاق قاتىسۋ تۋرالى" قازاقستان رەسپۋبليكاسىنىڭ زاڭىنا سايكەس ۇلەستىك قاتىسۋ كەلەسى تاسىلدەردىڭ بىرىمەن ۇيىمداستىرىلادى:1 كەپىلدىك بەرۋ قورىنىڭ كەپىلدىگىن الۋ2 ەكىنشى دەڭگەيلى بانك جوباسىنا قاتىسۋ3 تۇرعىن ءۇيدىڭ قاڭقاسىن تۇرعىزعاننان كەيىن ۇلەسكەرلەردەن اقشا جيناۋ.
ۇلەستىك قۇرىلىستىڭ الەۋەتتى قاتىسۋشىسى (ساتىپ الۋشىسى) ۇلەسكەرلەردەن قاراجات تارتۋعا ارنالعان رۇقساتتاردىڭ بولۋىن تەكسەرۋگە جانە ساۋلەت, قالا قۇرىلىسى جانە جەر قاتىناستارى باسقارماسىمەن كەڭەسۋگە قۇقىلى.