نۇر-سۇلتاندا قىزدى زورلاماق بولعان ەر ادام ۇستالدى, دەپ حابارلايدى Egemen.kz ۇلتتىق ۇلاننىڭ ءباسپاسوز قىزمەتىنە سىلتەمە جاساپ.
وقيعا 30 قازان كۇنى كەشكى ۋاقىتتا ورىن العان. قالاداعى بايقوڭىر اۋدانىندا تۇراتىن ايەل حابارلاسىپ, بەلگىسىز ەر ادام 1995 جىلى تۋعان قىزىن زورلاماق بولعانىن ايتقان. قىز قورىققانىنان ايقايلاپ جىبەرىپتى. قاتتى داۋىستان سەكەم العان قاسكۇنەم ۇيلەردىڭ اۋلاسىنا تىعىلىپ ۇلگەرىپتى.
"كۇدىكتىنىڭ بەلگىلەرىن الىپ, ۇلتتىق ۇلاننىڭ اسكەري قىزمەتشىلەرى كەلگەن پوليتسيا قىزمەتكەرىمەن بىرگە ىزدەۋگە كىرىسىپتى. ناتيجەسىندە, 20 مينۋت ىشىندە سيپاتتاماسى بويىنشا سايكەس كەلگەن ب. ەسىمدى ازاماتتى ۇستاعان. ول 1972 جىلى تۋعان اقمولا وبلىسىنىڭ ازاماتى بولىپ شىقتى", دەپ حابارلادى ۇلتتىق ۇلاننىڭ وكىلدەرى.
جابىرلەنۋشى كۇدىكتىنى جازباي تانىعان. ءتارتىپ ساقشىلارى كۇدىكتىنى ودان ءارى تەرگەۋ ءۇشىن بايقوڭىر اۋدانىنىڭ پوليتسياسىنا جەتكىزدى.