جەمقورلىقتى «جۇگەندەۋگە» بولادى

ەل پرەزيدەنتى سىبايلاس جەم­قور­لىققا قارسى كۇرەس جانە ازاماتتاردىڭ وتىنىشتەرىن قاراۋ ۇردىستەرىن ساپالى ۇيىمداستىرۋ بارىسىندا مەملەكەتتىك ورگانداردى حالىقپەن ءوزارا ارەكەت ەتۋگە شاقىردى. ۇكىمەتتىك ەمەس قو­عامدىق ۇيىمدار اراسىندا الەۋ­مەتتىك مەملەكەتتىك تاپسىرىستار­دى ورنالاستىرۋ جانە ءتيىستى نورما­تيۆ­تىك اكتىلەردى, جەڭىلدىكتەردى ازىر­لەۋ جانە قابىلداۋ تۇرىندەگى مەملە­كەتتىك قولداۋ حالىقتىڭ سىبايلاس جەم­قورلىققا قارسى ءىس-قيمىل جاساۋ بەلسەندىلىگى ارتتى.

اقمولا وبلىسىنىڭ جولاۋشىلار كولىگى جانە اۆتوموبيل جولدارى باسقارماسى ءوز قىزمەتىنىڭ اشىقتىعىن قامتاماسىز ەتۋ, قىزمەتكەرلەرىنىڭ سىبايلاس جەمقورلىق بويىنشا قۇقىق­بۇزۋشىلىقتار جاساۋ تاۋەكەلدەرىن قىسقارتۋ جۇمىستارىن جانداندى­رۋدا. «حالىق ۇنىنە قۇلاق اساتىن مەم­لەكەت» تۇجىرىمداماسىن ىسكە اسى­رۋ ماقساتىندا باسقارمادا الەۋ­مەت­تىك جەلىلەر (ينستاگرام, Face­book) جانە رەسمي سايتى https://wwwgov.kz/memleket/entities/aqmola-upt?lang=kz جۇمىس ىستەيدى, ولاردىڭ كومەگىمەن كۇن سايىن حالىققا پروب­لەمالىق ماسەلەلەردى شەشۋدە كەڭەس, تاجىريبەلىك كومەك كورسەتىلەدى, ايتىل­عان پىكىرلەرگە ونلاين-رەجىمدە ءبىر ساعات ىشىندە جاۋاپ بەرىلەدى, وسى­نىڭ ارقاسىندا حالىقپەن كەرى بايلانىس جۇرگىزىلەدى. تۇراقتى نەگىزدە باسقارمانىڭ اعىمداعى قىزمەتىن كورسەتەتىن جاڭالىقتار لەگى جاڭار­تىلىپ وتىرادى. باسقارمانىڭ ينتەرنەت-رەسۋرسىندا اۆتوموبيل جولدارىن جوندەۋ, قايتا جاڭارتۋ, جولاۋشىلار كولىگى جانە بايلانىس ماسەلەلەرى بويىنشا جاۋاپتاردى الۋ ءۇشىن ازاماتتاردىڭ سۇراقتارىن جولداۋدى قامتاماسىز ەتەتىن «سۇراق-جاۋاپ» پاراقشاسى جۇمىس ىستەيدى.

سونىمەن قاتار سەنىم تەلەفونى جۇمىس ىستەيدى, سونداي-اق لاۋازىم­دى تۇلعالاردىڭ قۇقىققا قايشى ارە­كەتتەرى تۋرالى ازاماتتاردىڭ وتى­­نىش­تەرىنە ارنالعان جاشىك بار. باس­­قارما باسشىلىعى اپتا سايىن بە­كى­تىلگەن كەستەگە سايكەس ازاماتتار­دى قابىلداۋدى جۇزەگە اسىرادى. باس­قارمانىڭ رەسمي سايتىندا «سى­بايلاس جەمقورلىققا قارسى ءىس-قيمىل ماسەلەلەرى» پاراقشاسى بار. وندا «قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسى تۋرالى» سىبايلاس جەمقورلىققا قار­سى ءىس-قيمىل جونىندەگى زاڭنامالىق اكتىلەر, باسقارما باسشىسى مىندەتىن اتقارۋشىنىڭ 2019 جىلعى 31 جەلتوق­سانداعى بۇيرىعىمەن بەكىتىلگەن قا­زاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگيا­سىن ىسكە اسىرۋدىڭ 2020 جىلعى ءىس-شارالار جوسپارى, جۇرگىزىلگەن فۋنك­تسيونالدىق تالداۋلار بويىنشا انىقتامالار جانە باسقارمانىڭ سى­بايلاس جەمقورلىققا قارسى ستاندارتى كورسەتىلگەن. وبلىستىق جولاۋ­شىلار كولىگى جانە اۆتوموبيل جولدارى باسقارماسى قىزمەتىندە سىبايلاس جەمقورلىققا جول بەرمەۋ جانە سىبايلاس جەمقورلىققا مۇلدەم توزبەۋشىلىكتى ارتتىرۋ ماقساتىندا, باسقارمانىڭ سىبايلاس جەمقورلىققا قارسى ستاندارتى ازىرلەندى. ستاندارتتا باسقارمادا جۇمىس ىستەيتىن تۇلعالار ارەكەتىنىڭ قاعيدالارى, مەملەكەتتىك فۋنكتسيالاردى اتقارۋمەن بايلانىستى شەكتەۋلەر مەن تىيىمدار رەتتەلەدى. ءاربىر جارتى جىل سايىن باسقارما سىبايلاس جەمقورلىق تاۋەكەلدەرىنە ىشكى تالداۋ جۇمىستارىن جۇرگىزەدى, ناتيجەسىندە ءتيىستى شارالار قولدا­نىلادى.

توقسان سايىن قىزمەتكەرلەرمەن كەڭەستەر وتكىزىلەدى, وندا باسقارمانىڭ نەگىزگى قىزمەتىنە, سونداي-اق سىبايلاس جەمقورلىققا قارسى زاڭناماسىنا جانە مەملەكەتتىك قىزمەتتەردى كورسەتۋىنە بايلانىستى پروبلەمالىق ماسەلەلەر تالقىلانادى. وسىلايشا 2020 جىلعى 7 قىركۇيەكتە «سىبايلاس جەمقورلىق­قا قارسى مادەنيەتتى قالىپتاستىرۋ» تا­قى­رىبىندا اقمولا وبلىسى بو­يىنشا قازاقستان رەسپۋبليكاسى سى­باي­لاس جەمقورلىققا قارسى ءىس-قيمىل اگەنت­تىگىنىڭ دەپارتامەنتى پريۆەنتسيا جانە پاراساتتىلىق باسقارماسىنىڭ باسشىسى ب.ءامىرجانوۆتىڭ جانە باس­قارما قىزمەتكەرلەرىنىڭ قاتى­سۋىمەن ونلاين-كونفەرەنتسيا وتكى­زىلدى. كونفەرەنتسيا بارىسىندا سى­بايلاس جەمقورلىققا قارسى كۇرەس جانە سىبايلاس جەمقورلىققا قار­سى زاڭنامانى ورىنداۋ بويىنشا جۇر­گىزىلىپ جاتقان جۇمىستار زەردەلەندى, سونداي-اق سىبايلاس جەمقورلىق تاۋە­كەلدەرىنە ىقپال ەتەتىن سەبەپتەر مەن جاعدايلارعا تالداۋ جۇرگىزىلدى, اۆ­توموبيل جولدارىن سالۋ جانە وبلىس بويىنشا زاڭسىز تاسىمالداۋ­شىلار قىزمەتىنىڭ جولىن كەسۋ ماسە­لەلەرى قارالدى. ونلاين-كونفەرەن­تسيا سوڭىندا تولىق جاۋاپتار جانە ۇسىنىستار بەرىلدى. سونىمەن قاتار اعىمداعى جىلدىڭ اياعىنا دەيىن سىبايلاس جەمقورلىققا قارسى ءىس-قيمىل ماسەلەلەرى بويىنشا تاسىمالداۋشى­لارمەن جانە مەردىگەرلەرمەن كەزدەسۋلەر وتكىزۋ جوسپارلانعان. باس­قار­ما «مەملەكەتتىك كورسەتىلەتىن قىز­مەتتەر ءتىزىلىمىن بەكىتۋ تۋرالى» تسيفر­لىق دامۋ, يننوۆاتسيالار جانە اەروعارىش ونەركاسىبى ءمينيسترى مىن­دە­تىن اتقارۋشىنىڭ 2020 جىلعى 31 قاڭ­تارداعى بۇيرىعىنا سايكەس 4 مەم­لەكەتتىك قىزمەت كورسەتەدى, ولاردىڭ ىشىندە 2 قىزمەتتى ەلەكتروندى فورماتتا كورسەتۋ ماسەلەلەرىنە ەرەكشە كو­ڭىل بولىنەدى.

بۇل قىزمەتتەردى كورسەتۋ ساپاسىنا باقىلاۋ ءىس-شارالارىنىڭ 2020 جىلعا ارنالعان جوسپارى بەكىتىلدى. اي سايىن كورسەتىلگەن مەملەكەتتىك قىزمەتتەر بويىنشا مەرزىمدەردىڭ جانە ساپانىڭ ساقتالۋىنا تالداۋ جۇرگىزىلەدى. بۇ­قارالىق اقپارات قۇرالدارىندا مەم­لەكەتتىك قىزمەتتەردى كورسەتۋگە قا­تىستى ماتەريالدار جاريالانادى. مەم­لەكەتتىك اقپاراتتىق تاپسىرىس شەڭبەرىندە ءباسپاسوز باسىلىم بە­­تىندە مەملەكەتتىك قىزمەتتەردى كور­سەتۋدىڭ رەگلامەنتى جانە ستاندارت ما­تىندەرى جاريالانادى. كورسەتىلەتىن مەم­لە­كەتتىك قىزمەتتەر, ونىڭ ستاندارتتارى مەن رەگلامەنتتەرى, جازاتىن ءوتىنىش ۇلگى­لەرى باسقارما ستەندىندە جانە رەس­مي سايتىندا ورنالاستىرىلعان, سونداي-اق www.elicense.kz ەلەكتروندى ۇكىمەت پورتالىندا دا بار. سونىمەن بىرگە مەملەكەتتىك قىزمەت كورسەتۋ ۇر­دىستەرىنىڭ اشىقتىعىن قامتاماسىز ەتۋگە باعىتتالعان ونىڭ ساپاسىن ىشكى باقىلاۋ, جاريا ءىس-شارالاردى جۇرگىزۋ جولىمەن مەملەكەتتىك قىزمەت كورسەتۋ ءۇردىسىن جەتىلدىرۋ بويىنشا تۇراقتى نەگىزدە شارالار قولدانىلۋدا. بۇل ءىس-شارالار مەملەكەتتىك قىزمەت كورسەتۋ ءۇردىسىنىڭ اشىقتىعى مەن ونىڭ ساپالى كورسەتىلۋىن قامتاماسىز ەتۋگە باعىتتالعان. سىبايلاس جەمقورلىقتىڭ الدىن الۋ جانە قوعامدىق كولىكتە تاريف بەلگىلەۋدىڭ اشىقتىعى ماق­ساتىندا, «تسيفرلى قازاقستان» مەم­لەكەتتىك باعدارلاماسىن ىسكە اسىرۋ شەڭبەرىندە 2019 جىلى «كوكشەتاۋ قالاسىنىڭ قوعامدىق كولىكتەرىندە جول ءجۇرۋ تولەمىن جانە باقىلاۋدىڭ اۆتوماتتاندىرىلعان جۇيەسىن ەنگىزۋ جانە سۇيەمەلدەۋ» جوباسى جۇزەگە اسىرىلدى.

قالالىق مارشرۋتتارعا قىزمەت كورسەتەتىن اۆتوبۋستار كولىك كارتالارىمەن (قولما-قول اقشاسىز ەسەپ ايىرىسۋ) جانە قولما-قول ەسەپ ايى­رىسۋ ارقىلى جول ءجۇرۋ اقىسىن تو­لەۋ ءۇشىن جىلجىمالى تەرمينال­دار­مەن جابدىقتالعان. بارلىق تو­لەمدەر جۇيەدە تىركەلەدى جانە تاريف بەلگىلەۋ مەن تاسىمالداۋشىلاردىڭ شىعىندارىن سۋبسيديالاۋ جونىندەگى ماسەلەلەردى قاراۋ كەزىندە ەسكەرىلەدى. مەملەكەتتىك ساتىپ الۋلار تۋرالى زاڭنامانىڭ ساقتالۋىنا ەرەكشە نازار اۋدارىلۋدا. مەملەكەتتىك ساتىپ الۋ جوسپارى ازىرلەنىپ بەكىتىلەدى. كونكۋرستار مەملەكەتتىك ساتىپ الۋ­دىڭ ينتەرنەت-رەسۋرسىندا جاريا­لانادى. جىل وتكەن سايىن جول جون­دەۋ جۇمىستارىن ساتىپ الۋ كەزىندە كون­كۋرستىق راسىمدەردى وتكىزۋ بارى­سىن­دا زاڭنامانىڭ ساقتالۋىنا سىرت­قى باقىلاۋ كۇشەيە تۇسۋدە. «قا­زاق­ستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىز­مەتى تۋرالى» زاڭنىڭ 73-بابى 4 جانە 5-تارماقتارىنا سايكەس, «سا­لىنعان وبەكتىنى پايدالانۋعا قا­بىلداۋ اكتىمەن رەسىمدەلەدى. سا­لىنعان وبەكتىنى پايدالانۋعا قا­بىلداۋ اكتىسىنە سايكەستىك تۋرالى دەك­لاراتسيانىڭ جانە ورىندالعان جۇمىستاردىڭ جوباعا سايكەستىگى مەن قۇرىلىس-مونتاجداۋ جۇمىستارىنىڭ ساپاسى تۋرالى قورىتىندىلاردىڭ نەگىزىندە تاپسىرىس بەرۋشى, مەردىگەر (باس مەردىگەر), تەحنيكالىق جانە اۆ­تورلىق قاداعالاۋلاردى جۇزەگە اسىراتىن ادامدار قول قويادى».

جەرگىلىكتى ماڭىزى بار اۆتو­موبيل جولدارىن سالۋ, قايتا جا­ڭارتۋ, كۇردەلى جانە ورتاشا جوندەۋ كەزىندە قۇرىلىس-مونتاجداۋ جۇمىس­تارىنىڭ ساپاسىن باقىلاۋدى كۇ­شەيتۋ ماقساتىندا تاپسىرىس بە­رۋ­شى, مەردىگەر ۇيىم, اۆتورلىق قادا­عالاۋ تاراپىنان ساپانى باقىلاۋ جۇرگىزىلەدى. تەحنيكالىق قاداعالاۋ جانە تەحنولوگيالىق سۇيە­مەلدەۋ جو­نىندەگى ينجينيرينگتىك قىز­مەتتىڭ, سونداي-اق يندۋستريا جانە ينفرا­قۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ «ۇل­ت­تىق جول اكتيۆتەرى ساپاسى ورتا­لىعى» مەملەكەتتىك كاسىپورنى تاراپىنان جۇزەگە اسىرىلادى. سونداي-اق جەرگىلىكتى ماڭىزى بار اۆتوموبيل جولدارىندا قۇرىلىس-مونتاجداۋ جۇمىستارىن جۇرگىزۋ كەزىندە, تاپسىرىس بەرۋشى, مەردىگەر ۇيىم, جوبانىڭ بايلانىستارى مەن ىسكە اسىرىلۋ مەرزىمدەرى تۋرالى مالىمەتتەردى كور­سە­تەتىن اقپاراتتىق ستەندتەر ورنا­تۋ بويىنشا جۇمىستار جۇرگىزىلەدى. ات­قا­رىلعان جۇمىستار سىبايلاس جەم­قور­لىققا بايلانىستى قۇقىقبۇزۋ­شى­لىقتاردى جاساۋ تاۋەكەلدەرىن ازاي­تۋعا سەپتىگىن تيگىزەتىنىنە سەنىم مول.

ارسەن جانعاسقانوۆ,

اقمولا وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى