الەمدە كوروناۆيرۋس ينفەكتسياسىنىڭ جاڭا ءتۇرىن جۇقتىرعاندار سانى 46 ميلليون ادامنان اسىپ كەتتى, دەپ حابارلايدى Egemen.kz.
1 قاراشادا دجونس حوپكينس ۋنيۆەرسيتەتىنىڭ مالىمەتىنشە الەم بويىنشا بارلىعى 46 015 562 ادام COVID-19 ۆيرۋسىن جۇقتىرعان.
پاندەميا قۇرباندارىنىڭ سانى 1 194 906 ادامعا جەتتى. سونداي-اق 30,7 ملن ادام قاۋىپتى ۆيرۋستان ەمدەلىپ شىقتى.
COVID-19 ۆيرۋسىنان ەڭ كوپ زارداپ شەككەن ەل اقش بولىپ وتىر. بۇل ەلدە 9 402 590 ادام ينفەكتسيا جۇقتىرعان. ەكىنشى ورىندا 8 184 082 تۇرعىنى ۆيرۋس جۇقتىرعان ءۇندىستان تۇر. ال برازيليا ءۇشىنشى ورىندا تۇر. سوڭعى دەرەكتەرگە سۇيەنسەك, بۇل ەلدە 5 535 605 ادام قاۋىپتى ينفەكتسيا جۇقتىرعان.
جالپى, وتكەن تاۋلىكتە الەمدە كوروناۆيرۋس ينفەكتسياسىن جۇقتىرۋدىڭ جاڭا رەكوردتىق كورسەتكىشى تىركەلدى, ياعني ءبىر كۇندە 535 928 ادامنىڭ COVID-19 ۆيرۋسىن جۇقتىرعانى انىقتالدى. ال بۇگىن 505 756 جاعداي تىركەلدى.