ءتاڭىرتاۋدىڭ ەتەگىندە دۇنيە ەسىگىن اشقان اقيىق اقىن مۇقاعالي ماقاتاەۆتىڭ تۋعانىنا 95 جىل تولۋىنا وراي, تاساشى ورتا مەكتەبى جانىنداعى ينتەرنات وقۋشىلارىنىڭ قاتىسۋىمەن «مەن ءومىردى جىرلاۋ ءۇشىن كەلگەنمىن» اتتى ادەبي-تانىمدىق كەش ۇيىمداستىرىلدى.
ءومىرىن ولەڭمەن ورگەن اقىننىڭ شوقتىعى بيىك شىعارمالارىن ناسيحاتتاي وتىرىپ, وسكەلەڭ ۇرپاقتى وتانسۇيگىشتىككە تاربيەلەۋ, ەل مەن جەردى قادىرلەۋگە باعىتتالعان ادەبي-مادەني ءىس-شاراعا اۋداندىق مادەنيەت, تىلدەردى دامىتۋ, دەنەشىنىقتىرۋ جانە سپورت ءبولىمىنىڭ باسشىسى تالعات ءارىپجان ۇلى, كەگەن حالىق تەاترىنىڭ رەجيسسەرى, اقىن ارشىن نۇرباقىت, الماتى وبلىستىق «الاتاۋ ارايى» گازەتىنىڭ ءتىلشىسى داۋرەن ەرمەكباي ۇلى, مەكتەپ ديرەكتورى نۇرگۇل ابىقانوۆا, ۇستازدار مەن ينتەرنات تاربيەلەنۋشىلەرى قاتىستى.
جىرقۇمار ونەرلى ورەندەر اقىننىڭ جۇرەك تەربەتەر اندەرىن اۋەلەتىپ, سىرشىل پوەزياسىنىڭ تيەگىن اعىتتى. سونىمەن قاتار «اققۋلار ۇيىقتاعاندا», «جوق, دارىگەر» اتتى جىرلارىنان كورىنىس كەلتىرۋى تاعىلىمدى كەشتىڭ مازمۇنىن ارتتىرا ءتۇستى.
ينتەرنات تاربيەلەنۋشىلەرى مۇقاعالي ماقاتاەۆتىڭ ليريكالىق شىعارمالارىن اسا شەبەر وقىدى. اتاپ ايتساق, ايعانىم سامال اقىننىڭ «پوەزيا, مەنىمەن ەگىز بە ەدىڭ؟», قايرات ءالي ء«ۇش باقىتىم», اقجارقىن تىلەپبەرگەن «دوس بولام, دەسەڭ!», نۇرسۇلتان باقبەرگەن «پاي, پاي ءومىر!», ايارۋ ءالىن «تۋعان ولكە» اتتى ولەڭدەرىن تەبىرەنە وقىپ, كوپتىڭ قوشەمەتىنە بولەندى. ال اۋداندىق مادەنيەت ءۇيىنىڭ انشىلەرى كادىربەك سۇلەيمەننىڭ «قايران قاراسازىم-اي!», نۇرىم بايبالانىڭ «ەسىڭە مەنى العايسىڭ», سەرىكبەك بيجامالدىڭ «سەنىڭ كوزىڭ» سىندى اندەرىن تامىلجىتا شىرقاۋى تىڭدارمان كوڭىلىن تۇششىتتى. ءوز كەزەگىندە اقىن ارشىن نۇرباقىت اقىن ومىرىنە بايلانىستى ەستەلىك ايتىپ, تاڭعى شىقتاي جىرلارىن وقىسا, كەش قوناقتارى مۇقاعالي مۇراسىنىڭ ۇرپاقتان-ۇرپاققا جالعاساتىنىن ەرەكشە اتاپ ءوتتى.
كەش سوڭىندا پوەزيالىق كەشكە بەلسەنە اتسالىسقان وقۋشىلار مەن تاربيەشى-ۇستازدار العىسحاتتارمەن ماراپاتتالدى.
«مەن – ءححى عاسىر ۇرپاقتارىنىڭ قۇرداسىمىن» دەپ كەتكەن مۇقاعالي حالقىمەن بىرگە ماڭگى ءومىر ءسۇرىپ كەلەدى. ونىڭ جاۋھار جىرلارىن جاس وسكىن دە جىلى قابىلداپ, جاتقا وقۋدى داستۇرگە اينالدىرعانىن بۇگىنگى كەشتە تاربيەلەنۋشىلەرىمىزدىڭ بەلسەندىلىگىنەن انىق اڭعاردىق», دەدى كەشتى قورىتىندىلاعان ينتەرنات مەڭگەرۋشىسى قۇرالاي توكەنقىزى.
الماتى وبلىسى