نۇر-سۇلتانداعى № 12 ەمحانا مەن وتباسىلىق دەنساۋلىق ورتالىعىنا كوروناۆيرۋس ينفەكتسياسىنا دياگنوستيكا جاساۋعا مۇمكىندىك بەرەتىن جوعارى ساپالى ساندىق رەنتگەن اپپاراتتارى جەتكىزىلدى, دەپ حابارلايدى Egemen.kz.
جابدىق جەرگىلىكتى بيۋدجەت قاراجاتى ەسەبىنەن ساتىپ الىندى.
نۇر-سۇلتان قالاسى اكىمىنىڭ ورىنباسارى باقتيار ماكەن بىرقاتار مەديتسينالىق مەكەمەلەرگە بارىپ, كۇزگى ماۋسىمدىق اۋرۋلاردى جرۆي جانە تۇماۋدىڭ ءوسۋىن ەسكەرىپ, ۇيىمداردىڭ COVID – 19-دىڭ ەكىنشى تولقىنىنا دايىندىعىن تەكسەردى.
ساپار بارىسىندا اكىمنىڭ ورىنباسارى رەنتگەن اپپاراتتارى ورناتىلعان سۇزگى جانە رەنتگەن كابينەتتەرىنىڭ جۇمىسىمەن تانىستى.
ايتا كەتەيىك, ەلوردادا COVID-19 اۋرۋىنىڭ ءوسۋى تىركەلدى. جاۋاپتى تۇلعالار قالا تۇرعىندارىن سانيتارلىق نورمالاردى قاتاڭ ساقتاۋعا, ماسكا تاعۋعا جانە قاشىقتىقتى ساقتاۋعا شاقىرادى.
ەستەرىڭىزگە سالا كەتەيىك, بۇعان دەيىن مەديتسينالىق مەكەمەلەرگە مىڭنان استام وتتەگى كونتسەنتراتورى, 500 كوپفۋنكتسيونالدى ارنايى توسەك-ورىن, مىڭنان استام فلوۋمەتر, 1600-گە جۋىق وتتەگى نۇكتەلەرى جانە ت. ب. ورناتىلدى.