بۇگىن قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى ساقتالادى, دەپ حابارلايدى Egemen.kz.
الايدا, ەلىمىزدىڭ شىعىسىندا فرونتالدى بولىكتەردىڭ ىقپالىنان قار جاۋسا, باتىس وڭىرلەردە ورتالىعى قارا تەڭىز ماڭايىندا ورنالاسقان تسيكلون جىراسىنىڭ اسەرىنەن جاڭبىر جاۋادى. رەسپۋبليكانىڭ كەي جەرلەرىندە تۇمان, وڭتۇستىك جانە باتىس وڭىرلەردە جەلدىڭ كۇشەيۋى كۇتىلەدى.
جامبىل, ماڭعىستاۋ وبلىستارىنىڭ كەي جەرلەرىندە جەلدىڭ كۇشى 15-20 م/س ارتادى. جامبىل وبلىسىندا سونداي-اق تۇمان بولجانادى. تاۋلىك بويى اقمولا, پاۆلودار, قاراعاندى, تۇندە جانە تاڭەرتەڭ الماتى, سولتۇستىك قازاقستان, تۇندە شىعىس قازاقستان وبلىستارىنىڭ كەي جەرلەرىندە تۇمان بولادى.