رەسەيلىك اۆياكومپانيالاردىڭ ءبىرىنىڭ بورتسەرىگى ۇشۋ كەزىندە جولاۋشىنىڭ نەگىزگى قاتەلىكتەرىن اتادى. ونى ول TikTok جەلىسىندە جاريالادى, دەپ حابارلايدى Egemen.kz.
ەڭ ءبىرىنشى قاتەلىك جولاۋشىنىڭ اش قارىنعا ساياحاتتاۋى.
"بارلىق اۆياكومپانيالار بورتتا تاماق ۇسىنبايدى. ۇشار الدىندا جاقسىلاپ تاماقتانىپ العان ءجون", دەپ كەڭەس بەرەدى بورتسەرىك.
ەكىنشى قاتەلىك - جولاۋشىلار تازا تابيعي سۋدى از ىشەدى, ۇشۋ كەزىندە دەنە تەزىرەك قۇرعايدى. ءۇشىنشى قاتەلىك ەكىنشىدەن كەلەدى - ادامدار كوپ گازدالعان سۋسىن ىشەدى.
"ۇشۋ كەزىندە گازدالعان سۋسىن وتە قاتتى قىشىنۋ مەن ىڭعايسىزدىقتى تۋدىرادى", دەپ ءتۇسىندىردى قىز.
سونىمەن قاتار ول قوزعالىس اۋرۋىنا قارسى تابلەتكالاردى ۇشۋ كەزىندە ەمەس, ءبىر ساعات بۇرىن قابىلداۋعا كەڭەس بەردى.
بەسىنشى قاتەلىك بورتسەرىك ۇشۋ كەزىندە الكوگولدى شامادان تىس تۇتىنۋ دەپ اتادى.
"اۋادا دەنە جەرگە قاراعاندا ونىڭ اسەرىنە كوبىرەك ۇشىرايدى, سوندىقتان قالىپتى ەسەپتەي الماۋ ابدەن مۇمكىن. سول سەبەپتەن ءسىز ءوزىڭىزدى ناشار سەزىنەتىن بولاسىز", دەپ قورىتىندىلادى ول.