جاستار ساياساتى ماسەلەلەرى باسقارماسى ەلورداداعى جاس وتباسىلارعا ارنالعان "وتباسىلىق دەمالىس" بايقاۋىنىڭ باستالعانىن جاريالادى, دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.
قاتىسۋ ءۇشىن "وتباسىلىق دەمالىس" دەپ انىقتاپ, ءوتىنىمدى elorda.otbasy@gmail.com ەلەكتروندىق پوشتاسىنا نەمەسە +7 705 632 03 32 ءنومىرى بويىنشا تىركەۋ تۋرالى كۋالىكتىڭ كوشىرمەسىن; بايلانىس اقپاراتىن (تەلەفون نومىرلەرى, تۇراتىن اۋدانى, الەۋمەتتىك جەلىلەردەگى اككاۋنتتار, وتباسى مۇشەلەرىنىڭ سانى) جىبەرۋ قاجەت.
بايقاۋ شارتى بويىنشا 2020 جىلى قازاقستان اۋماعىنداعى دەمالىستا تۇسىرىلگەن( 3-تەن 5-كە دەيىنگى) وتباسىلىق فوتوسۋرەتتەردى (كارۋسەل) Instagram پاراقشاسىنا جاريالاۋ تالاپ ەتىلەدى. پوستتا قىزىقتى فاكتىلەردى, وتباسى تاريحىن كورسەتە وتىرىپ, دەمالىس ورنىن سيپاتتاۋ كەرەك. سونداي-اق #سەمەينىيوتدىح, #وتباسىلىقدەمالىس, #وتانوتباسىنانباستالادى, #NSjastary, #OtbasyBakytMekenim حەشتەگتەرىن كورسەتىپ, @ns_jastary جانە @elorda.otbasy اككاۋنتتارىنا تىركەلۋ قاجەت.⠀جەڭىمپازدار 20 وتباسىنىڭ ىشىنەن ىرىكتەلىپ, ولارعا تۇرمىستىق تەحنيكا مەن ەلەكترونيكا ساتىپ الۋعا 25 مىڭ تەڭگەدەن سەرتيفيكاتتار بەرىلەدى.⠀"جەڭىمپازداردى انىقتاۋ كەزىندە فوتوسۋرەت كرەاتيۆتى, ءماتىننىڭ مازمۇندى بولۋى ماڭىزدى, تاريحي اسپەكت, لوكاتسيانىڭ ەرەكشەلىگى, رەگلامەنتتىڭ ساقتالۋى ەسكەرىلەدى", دەپ اتاپ ءوتتى ۇيىمداستىرۋشىلار.
وتىنىمدەر 11 قاراشاعا دەيىن قابىلدانادى.