شىمكەنتتە زاڭسىز الكوگول شىعاراتىن جاسىرىن تسەح انىقتالدى

تەكسەرۋ بارىسىندا كورىنەۋ جالعان ەسەپكە الۋ-باقىلاۋ ماركالارى جابىستىرىلعان 18 ءتۇرلى الكوگول ونىمدەرىنىڭ 6671 بوتەلكەسى, 15 توننا سپيرت, 67 ەسەپكە الۋ-باقىلاۋ ماركاسى, سۇيىقتىقتاردى ارالاستىراتىنسورعى, الكوگول ونىمدەرىنە ارنالعان 146 بوس قوراپ جانە 750 بوس بوتەلكە, 500-دەن استام قاقپاقشا جانە 40 625 تەڭگە اقشا قاراجاتى انىقتالىپ, تاركىلەنگەن. دايىندالعان الكوگول ونىمدەرىنىڭ ءارى قاراي شىمكەنت قالاسىنىڭ ازىق-ت ۇلىك دۇكەندەرىنە وتكىزىلەتىندىگى انىقتالدى.

اتالعان دەرەك بويىنشا قر قك-ءنىڭ 233-بابىنىڭ 2-بولىگىمەن سوتقا دەيىنگى تەرگەپ-تەكسەرۋ ءىسى باستالدى (كورىنەۋ جالعان ەسەپكە الۋ-باقىلاۋ ماركالارىن قولدانۋ جانە وتكىزۋ). قازىرگى ۋاقىتتا, قىلمىستىق ءىس شەڭبەرىندە وسى ىسكە قاتىسى بار بارلىق تۇلعالار انىقتالدى, ءتيىستى ساراپتامالار مەن تەرگەۋ امالدارى جۇرگىزىلۋدە.