كولەڭكەلى ەكونوميكانىڭ تومەندەۋىنە جانە بيزنەسكە قىسىم جاساۋدى جويۋعا اكەلەتىن شارالار تۋرالى مەملەكەتتىك كىرىستەر كوميتەتى توراعاسى مارات سۇلتانعازيەۆ ورتالىق كوممۋنيكاتسيالار قىزمەتىندە وتكەن بريفينگتە ايتىپ بەردى.
ونىڭ مالىمەتىنشە, 2020 جىلدىڭ 9 ايىندا 7,2 مىڭ سالىقتىق تەكسەرۋ جۇرگىزىلگەن, بۇل وتكەن جىلدىڭ سايكەس كەزەڭىمەن سالىستىرعاندا 59%-عا نەمەسە 10,4 مىڭعا از.
سونىمەن قاتار, قوسىمشا تولەمدەر مولشەرى 118,8 ملرد تەڭگەنى قۇرادى نەمەسە 5,4%-عا ءوستى. ءوندىرىپ الۋ سوماسى 58 ملرد تەڭگەنى قۇرادى نەمەسە 19%-عا ءوستى.
"رەسپۋبليكالىق بيۋدجەت تۇسىمدەرىنىڭ جارتىسىنان كوبى جانە ءىس جۇزىندە بۇكىل ۇلتتىق قور ءىرى سالىق تولەۋشىلەر مەن جەر قويناۋىن پايدالانۋشىلاردان تۇسەدى. وسى سالىق تولەۋشىلەر توبى ءۇشىن باقىلاۋ ادىستەرىن قولدانۋ ناتيجەسىندە جىل باسىنان باستاپ قوسىمشا تۇسىمدەردىڭ مولشەرى 37,7 ملرد تەڭگەنى قۇرادى", - دەدى م.سۇلتانعازيەۆ.