ەكس-شەنەۋنىك جازاسىن قىلمىستىق-اتقارۋ جۇيەسىنىڭ ورتاشا قاۋىپسىزدىك مەكەمەسىندە وتەيتىن بولادى. پروكۋرور ايىپتالۋشىعا 6 جىل تۇرمە جازاسىن جانە مەملەكەتتىك قىزمەتتە لاۋازىمدى ورىنداردى يەلەنۋگە تىيىم سالۋدى سۇراعان بولاتىن. ال قورعاۋ تاراپى باس بوستاندىعىنان ايىرۋمەن بايلانىستى ەمەس جازا تاعايىنداۋدى وتىنگەن ەدى.
ۇلتتىق قاۋىپسىزدىك كوميتەتى جاقسىلىق ومارعا قاتىستى تەرگەۋدى راستادى
تەرگەۋ مالىمەتتەرىنە سايكەس, قىلمىستىق ەپيزودتار ج. ومار وسكەمەن اكىمى جانە شىعىس قازاقستان وبلىسى اكىمىنىڭ ءبىرىنشى ورىنباسارى قىزمەتتەرىن اتقارعان كەزەڭگە تيەسىلى. ول «ماتەريالدىق كومەك» رەتىندە راسىمدەۋ ارقىلى قۇنى شامامەن 13 ملن تەڭگە بولاتىن 2021 جىلعى Toyota Camry كولىگىن العان. كەيىننەن كولىك ءۇشىنشى تۇلعاعا قايتا راسىمدەلىپ, جاڭا مودەلگە ايىرباستالعان.
ەكىنشى ەپيزود بويىنشا, جاقسىلىق ومار اكىمدىك قىزمەتكەرىنەن 20 ملن تەڭگە بەرۋدى تالاپ ەتكەن. قىزمەتكەر ۇقك-گە جۇگىنىپ, ءارى قارايعى ارەكەتتەر كۇشتىك قۇرىلىمداردىڭ باقىلاۋىمەن وتكەن. ناتيجەسىندە دەلدال ارقىلى 6 ملن تەڭگە بەرىلىپ, ۇستاۋ كەزىندە ونىڭ 5,6 ملن تەڭگەسى تاركىلەنگەن.
ءىس جەدەلدەتىلگەن تارتىپپەن قارالدى. سوت ۇكىمى ءالى زاڭدى كۇشىنە ەنگەن جوق.