"باسپانا حيت" يپوتەكالىق باعدارلاماسىنا وزگەرىس ەنگىزىلدى

"باسپانا حيت" يپوتەكانىڭ ۇتىمدى تالاپتارىن ۇسىنادى. جىلدىق نومينالدى سىياقى مولشەرلەمەسى بانكتىك قارىز شارتى جاسالعان كۇنىنە "بازالىق مولشەرلەمە + 175 بازيستىك تارماق" فورمۋلاسى بويىنشا ايقىندالادى جانە قارىز مەرزىمى ىشىندە وزگەرمەيدى. باستاپقى جارنا – 20%-دان باستاپ, قارىز مەرزىمى –15 جىلعا دەيىن.

"باسپانا حيت" بويىنشا باستاپقى تۇرعىن ۇيدەن باسقا قايتالاما نارىقتا دا باسپانا ساتىپ الۋعا بولادى. سونداي-اق, تۇرعىن ءۇيدىڭ بولماۋى بويىنشا تالاپ قويىلمايدى. "باسپانا حيت" باعدارلاماسى شەڭبەرىندە 2020 جىلعى 26 قازانداعى جاعداي بويىنشا 388,1 ملرد تەڭگەگە 44 228 ءوتىنىم ماقۇلداندى, ونىڭ ىشىندە 306,8 ملرد تەڭگە "باسپانا ءحيتتى" ىسكە اسىرۋ بارىسىندا ازاماتتاردىڭ وتىنىشتەرى مەن بانكتەردىڭ, قۇرىلىس سالۋشىلاردىڭ جانە قوعامدىق بىرلەستىكتەردىڭ ۇسىنىستارى تالداندى, ولاردىڭ نەگىزىندە قازاقستان ۇلتتىق بانكى 2020 جىلعى قىركۇيەكتە تۇرعىن ءۇيدىڭ قولجەتىمدىلىگىن ارتتىرۋعا جانە باستاپقى تۇرعىن ۇيگە سۇرانىستى كوبەيتۋگە باعىتتالعان تۇزەتۋلەردى بەكىتتى. قاۋلىدا مىنالار كوزدەلەدى:

نۇر-سۇلتان, الماتى قالالارىندا باستاپقى نارىقتا ساتىپ الىناتىن تۇرعىن ءۇيدىڭ ەڭ جوعارى قۇنىنىڭ ءليميتىن 25 ملن تەڭگەدەن 35 ملن تەڭگەگە دەيىن ۇلعايتۋ; - باستاپقى جانە قايتالاما نارىقتاردا ساتىپ الىناتىن تۇرعىن ءۇيدىڭ ەڭ جوعارى قۇنىنىڭ ءليميتىن شىمكەنت قالاسىندا 25 ملن تەڭگەگە دەيىن, قاراعاندى قالاسىندا 20 ملن تەڭگەگە دەيىن ۇلعايتۋ; - سالىنىپ جاتقان تۇرعىن ءۇيدى ۇلەستىك قاتىسۋ شەڭبەرىندە ساتىپ الۋ مۇمكىندىگى. بۇل باعىتتاعى كرەديتتەۋ "تۇرعىن ءۇي قۇرىلىسىنا ۇلەستىك قاتىسۋ تۋرالى" قر زاڭىنا سايكەس ىسكە اسىرىلاتىن بولادى. "باسپانا حيت" باعدارلاماسىنىڭ كليەنتتەرى قازىردەن باستاپ جاڭا شەكتى باعالارمەن يپوتەكا راسىمدەي الادى.

ال ۇلەستىك قاتىسۋ شەڭبەرىندە سالىنىپ جاتقان تۇرعىن ءۇيدى ساتىپ الۋعا نەسيە بەرۋدى باستاۋ ءۇشىن باعدارلاما وپەراتورى سەرىكتەس بانكتەرمەن بىرگە دايىندىق جۇمىستارىن جۇرگىزۋدە. سالىنىپ جاتقان تۇرعىن ۇيگە نەسيە بەرۋدىڭ باستالۋى تۋرالى كەيىنىرەك حابارلانادى.