ىشكى ىستەر مينيسترلىگىنىڭ وكىلدەرى قاراعاندىدا جاسىرىن ەسىرتكى زەرتحاناسىن ۇيىمداستىرعان جاسوسپىرىمدەردى ءمالىم ەتتى, دەپ حابارلايدى Egemen.kz
ءىىم رەسمي وكىلى ءنۇردىلدا وراز: "قاراعاندىدا ەسىرتكى بيزنەسىنە قارسى كۇرەس بولىمشەسىنىڭ قىزمەتكەرلەرى ءۇش ءجاسوسپىرىمدى ۇستادى. ولار وسى ماقسات ءۇشىن ارنايى پاتەردە سينتەتيكالىق ەسىرتكى شىعاراتىن ەسىرتكى زەرتحاناسىن ۇيىمداستىرۋعا تىرىسقان. ءتىنتۋ كەزىندە ارنايى قۇرالدار مەن حيميالىق رەاگەنتتەر الىندى", دەيدى ول.
اتالعان فاكتى بويىنشا سوتقا دەيىنگى تەرگەۋ جۇرگىزىلىپ, ءتيىستى ساراپتامالار تاعايىندالدى.
ىشكى ىستەر مينيسترلىگى اتا-انالارعا بالالاردى تاربيەلەۋگە ءتيىستى كوڭىل بولۋگە, ولاردىڭ مىنەز-قۇلقىن باقىلاۋعا جانە باقىلاۋسىز قالدىرماۋعا كەڭەس بەرەدى.