وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, وتكەن تاۋلىكتە تاعى دا 8 ادامنان كوروناۆيرۋس ينفەكتسياسى انىقتالىپ وتىر, دەپ حابارلايدى Egemen.kz.
«وتكەن تاۋلىكتە قاۋىپتى ىندەتكە شالدىققانداردىڭ التاۋى – اتىراۋ قالاسىنان. ال ەكى ناۋقاس جىلىوي مەن قىزىلقوعا اۋدانىنان انىقتالعان. كوروناۆيرۋس ينفەكتسياسىمەن ناۋقاستانعان ءبىر ادامدا اۋرۋ سيمپتومدى تۇردە, جەتەۋىندە سيمپتومسىز تۇردە وتۋدە» دەپ حابارلادى باسقارمانىڭ ءباسپاسوز قىزمەتى.
وڭىردەگى ينفەكتسيالىق ستاتسيونارلاردا ەمدەلىپ جاتقان ناۋقاستاردىڭ سانى – 46 ادام. ونىڭ ىشىندە 27 پاتسيەنت №2 وبلىستىق اۋرۋحانادا, ال 19 ناۋقاس تەڭىز كەنىشىندە اشىلعان ينفەكتسيالىق ستاتسيوناردا ەم قابىلداپ جاتىر.
سونداي-اق, وتكەن تاۋلىكتە ءۇي جاعدايىندا ەم العان 6 پاتسيەنت ىندەتتەن ساۋىعىپ شىقتى. قازىر ۇيىندە ەم قابىلداپ جاتقان 105 ناۋقاس بار.