ماڭعىستاۋدا سوڭعى اپتادا سۋىت حاباردان قۇلاق قۇرعاماي قويدى. قاراشانىڭ 13-ىندە جەتىباي كەن ورنىندا «ماڭعىستاۋمۇنايگاز» اق-تىڭ 3-ءشى بلوكتىق كۋستالىق سورعىلىق ستانساسىنا قاراستى 5 مىڭ تەكشە مەترلىك جاڭا سۋ رەزەرۆۋارىنىڭ توبەسىن مونتاجداۋ جۇمىستارىن جۇرگىزىپ جاتقان ەكى جۇمىسشى قۇلاپ, قازا تاپقان ەدى. قاپتاما قاڭىلتىردىڭ قۇلاۋى سالدارىنان 15 مەتر بيىكتىكتەن ۇشقان «ويل كورپەرەيشن كومپاني» جشس جۇمىسشىسىنىڭ ءبىرى وقيعا ورنىندا كوز جۇمسا, ەكىنشىسى اۋرۋحاناعا بارار جولدا ۇزىلگەن.
ماڭعىستاۋدا سوڭعى اپتادا سۋىت حاباردان قۇلاق قۇرعاماي قويدى. قاراشانىڭ 13-ىندە جەتىباي كەن ورنىندا «ماڭعىستاۋمۇنايگاز» اق-تىڭ 3-ءشى بلوكتىق كۋستالىق سورعىلىق ستانساسىنا قاراستى 5 مىڭ تەكشە مەترلىك جاڭا سۋ رەزەرۆۋارىنىڭ توبەسىن مونتاجداۋ جۇمىستارىن جۇرگىزىپ جاتقان ەكى جۇمىسشى قۇلاپ, قازا تاپقان ەدى. قاپتاما قاڭىلتىردىڭ قۇلاۋى سالدارىنان 15 مەتر بيىكتىكتەن ۇشقان «ويل كورپەرەيشن كومپاني» جشس جۇمىسشىسىنىڭ ءبىرى وقيعا ورنىندا كوز جۇمسا, ەكىنشىسى اۋرۋحاناعا بارار جولدا ۇزىلگەن.
اراعا ءۇش كۇن سالىپ تاعى ءبىر قايعىلى وقيعا تەمىرجول بويىندا ورىن الدى. ماڭعىستاۋ جول بولىمشەسىنىڭ تاماق – ماڭعىشلاق جولىنىڭ 399 شاقىرىمىندا جۇك پويىزى مەن مۇناي تاسىمالدايتىن MAN اۆتوكولىگى سوقتىعىسىپ قالدى. جول وتكەلىندەگى جۇمىس ىستەپ تۇرعان قۇرىلعىنىڭ بەلگىسىنە كولىگىن توقتاتقان جۇرگىزۋشى, جاقىنداي بەرگەن پويىزدى بايقامادى ما, بەلگىسىز سەبەپتەرمەن ءجۇرىسىن جالعاستىرعان. ول باستى كۇدىكتى رەتىندە تانىلىپ وتىر.
سوققىدان جولدان شىعىپ كەتكەن تەپلوۆوز جانە ونىڭ جەتەگىندەگى مۇناي تيەلگەن 18 تسيستەرنانىڭ 10-ى ورتكە وراندى. ءماشينيستىڭ 24 جاسار كومەكشىسى قازا تاۋىپ, 33 جاستاعى ماشينيست اۋرۋحانا ءتۇستى. اپات بولعان جەرگە جەتكەن ماڭعىستاۋ وبلىستىق توتەنشە جاعدايلار دەپارتامەنتىنىڭ ماماندارى, تەمىرجول ءبولىمشەسى مەن قۇقىق قورعاۋ ورىندارىنىڭ قىزمەتكەرلەرى ءورتتى اۋىزدىقتاۋعا, وقيعا سەبەبىن انىقتاۋعا جانە قارىم-قاتىناستى قالپىنا كەلتىرۋگە جۇمىلدى. بولعان وقيعانىڭ ءمان-جايىن انىقتاۋ ءۇشىن «قازاقستان تەمىر جولى»» ۇك» اق تاراپىنان ارنايى كوميسسيا قۇرىلدى. دەرەك كوزدەرى تەمىرجول وتكەلىنىڭ تەحنيكالىق جاعدايىندا ءمىن بولماعاندىعىن, ونى 17 قازاندا ماڭعىستاۋ وبلىستىق جول پوليتسياسى باسقارماسى تەكسەرگەندىگىن ايتادى.
پويىزداردىڭ كەستەسىندە كەشىگۋ ورىن العانمەن, باس-اياعى 3 ساعاتتان استام ۋاقىتتا ءورت ءسوندىرىلىپ, قارىم-قاتىناس قالپىنا كەلتىرىلدى.
«جازمىشتان وزمىش جوق» دەگەن وسى, بىراق «ساقتانساڭ, ساقتارمىن» دەگەن دە بار ەكەنىن ەستەن شىعارماعان ءجون-اۋ...
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.