قازاقستان مەن بىرىككەن اراب امىرلىكتەرى قورعانىس ۆەدومستۆولارى اراسىنداعى ەكى جاقتى اسكەري ىنتىماقتاستىق شەڭبەرىندە نۇر-سۇلتان قالاسىنا گۋمانيتارلىق كومەك جەتكىزىلدى, دەپ حابارلايدى Egemen.kz.
گۋمانيتارلىق كومەك قر قورعانىس مينيسترلىگىنىڭ مەديتسينالىق مەكەمەلەرىنە, اسكەري گوسپيتالدارى مەن لازارەتتەرىنە ارنالعان.
جۇكتىڭ جالپى سالماعى 18 توننادان اسادى. گۋمانيتارلىق كومەككە رەانيموبيل, وكپەنى جاساندى جەلدەتۋ اپپاراتتارى, كاپنوگرافتارى بار توسەك جانىنداعى مونيتورلار, ەكستراكورپورالدى مەمبرانالىق وكسيگەناتسيا اپپاراتتارى جانە باسقا دا جابدىقتار كىرەدى.
سونىمەن قاتار پتر زەرتحانالارىن ەرەكشە اتاپ وتكەن ءجون. وندا جابدىقتاردان باسقا جاڭا لازەرلىك قان اناليزاتورى سىناقتان وتكىزىلەدى. ولاردى ورناتۋ ءۇشىن قازاقستانعا ءباا-دەن ەكى مامان جىبەرىلمەك.
بۇعان دەيىن امىرلىكتەر تاراپىنىڭ باستاماسى بويىنشا قازاقستاندىق اسكەري دارىگەرلەر ابۋ-دابي قالاسىنداعى اسكەري گوسپيتالدە وسى زەرتحانالاردى پايدالانۋ بويىنشا تەوريالىق جانە تاجىريبەلىك وقىتۋدان وتكەن بولاتىن.