شىمكەنتتەگى تاعى ءبىر وقۋ ورنى باس ليتسەنزياسىنان ايىرىلدى

سونىمەن قاتار بۇل شەشىم شىمكەنت قالاسىنىڭ مامانداندىرىلعان اۋدانارالىق اكىمشىلىك سوتى وتىرىسىنىڭ قورىتىندىسى بويىنشا شىعارىلدى, 10 جۇمىس كۇنى ىشىندە زاڭدى كۇشىنە ەنەدى. وسى كەزەڭدە اكادەميك ا.قۋاتبەكوۆ اتىنداعى حالىقتار دوستىعى ۋنيۆەرسيتەتى سوت شەشىمىنە دە, مينيسترلىككە دە شاعىمدانۋعا قۇقىلى.

بۇعان دەيىن كەزەكتى جوسپارلى تەكسەرۋ بارىسىندا انىقتالعان بۇزۋشىلىقتاردى زاڭنامادا بەلگىلەنگەن مەرزىمدە تۇزەتۋ ءۇشىن جوو-عا بىرنەشە رەت مۇمكىندىك بەرىلگەن بولاتىن. ورىن العان بۇزۋشىلىقتار وقۋ ۇدەرىسىن ۇيىمداستىرۋ, تالاپكەرلەردى وقۋعا قابىلداۋ, جوو-نى وقۋ-ادىستەمەلىك جانە عىلىمي ادەبيەتتەرمەن قامتاماسىز ەتۋ, تۇلەكتەردى جۇمىسقا ورنالاستىرۋ توڭىرەگىندە بولدى. ماسەلەن, "اتامەكەن" قر ۇكپ رەيتينگىنىڭ دەرەكتەرى بويىنشا جوعارى وقۋ ورنىنىڭ ءبىلىم بەرۋ باعدارلامالارى جۇمىس بەرۋشىلەردىڭ 17,4%-عا عانا كوڭىلدەرىنەن شىقتى. ال ءبىلىم بەرۋ باعدارلامالارىنىڭ 82,6%-ى بويىرشا پىسىقتاۋ جۇمىستارى  تالاپ ەتىلەدى, ويتكەنى جۇمىس بەرۋشىلەردىڭ تالاپتارىنا سايكەس كەلمەيدى.

ء"بىز ستۋدەنتتەر مەن اتا-انالاردىڭ مۇنداي شارالار, ەڭ الدىمەن, ستۋدەنتتەردىڭ وزدەرىنىڭ مۇددەلەرىن ەسكەرە وتىرىپ, قابىلداناتىنىن تۇسىنگەنىن قالايمىز. ەگەر جوعارى وقۋ ورىندارى ءبىلىم بەرۋ سالاسىنداعى تالاپتارعا سايكەس كەلمەسە, ديپلوم العاننان كەيىن بولاشاق ماماندار جۇمىسقا ورنالاسۋ پروبلەمالارىنا تاپ بولۋى مۇمكىن. اكادەميك ا.قۋاتبەكوۆ اتىنداعى حالىقتار دوستىعى ۋنيۆەرسيتەتىنە قاتىستى شەشىم شامامەن ايدىڭ سوڭىندا زاڭدى كۇشىنە ەنەدى. ارينە, پروتسەسس سوزىلىپ كەتۋى مۇمكىن. ءبىز ءوز تاراپىمىزدان ستۋدەنتتەرگە باسقا جوعارى وقۋ ورىندارىنا اۋىسۋعا كومەكتەسەمىز. بۇل ۋنيۆەرسيتەتتە تەك 50 ادام گرانت بويىنشا وقيدى, ول ستۋدەنتتەر ءوز گرانتتارىن ساقتاپ قالادى. اقىلى نەگىزدە وقيتىندار ءۇشىن وقۋ قۇنى بۇرىنعى دەڭگەيدە قالادى. ستۋدەنتتەر مەملەكەتتىك جوعارى وقۋ ورىندارىنا اۋىسا الادى. ستۋدەنتتەردىڭ بارلىق وقۋ كورسەتكىشتەرى باسقا جوو-لارعا اۋىسقان كەزدە جارامدى بولادى. شىمكەنتتە بۇل جوو-نىڭ ءبىلىم الۋشىلارىن قابىلداي الاتىن جوعارى وقۋ ورىندارى جەتكىلىكتى ەكەنىن اتاپ وتكىم كەلەدى. ستۋدەنتتەر ءوز ماماندىقتارى بويىنشا وقۋىن جالعاستىرا الادى. سونداي-اق جاقىن ورنالاسقان قالالاردا 50-گە جۋىق ۋنيۆەرسيتەت بار.ء بىز وسى جوعارى وقۋ ورنى ينفراقۇرىلىمىنىڭ بازاسىندا مەكتەپ نەمەسە كوللەدج اشۋدى ۇسىندىق. سەبەبى قازىرگى تاڭدا ءبىر ءبىلىم الۋشىعا 500 مىڭ تەڭگەگە جۋىق مەملەكەتتىك تاپسىرىس الۋ مۇمكىندىگى بار", دەپ اتاپ ءوتتى بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.

جوعارى وقۋ ورنىنىڭ ستۋدەنتتەرى مىنا ماماندىقتار بويىنشا اقىلى تۇردە وقيدى: "پەداگوگيكا جانە باستاۋىش وقىتۋ ادىستەمەسى", "ەسەپ جانە اۋديت", "قارجى", "قۇقىقتانۋ" جانە ت.ب. وقۋ قۇنى – 275 مىڭنان 800 مىڭ تەڭگەگە دەيىن. ستۋدەنتتەر وقۋ سەمەسترىنىڭ اياقتالعانىن كۇتپەي-اق باسقا جوو-لارعا اۋىسا الاتىنىن ايتا كەتكەن ءجون.