"ەرىكتىلەر جىلى" اياسىندا جالاعاش اۋدانىنىڭ ۆولونتەرلارى ءتۇرلى باعىتتاعى 14 جوبانىڭ جەڭىمپازى اتاندى, دەپ حابارلايدى Egemen.kz قىزىلوردا وبلىسى اكىمىنىڭ ءباسپاسوز قىزمەتىنە سىلتەمە جاساپ.
بارلىق جوبانىڭ قۇنى 5 ملن تەڭگەنى قۇرايدى. اتاپ ايتقاندا, قر اقپارات جانە قوعامدىق دامۋ مينيسترلىگى جانە "ازاماتتىق باستامالاردى قولداۋ ورتالىعى" كەاق قولداۋىمەن "قىزىلوردا وبلىسىنىڭ اۋىلدىق ۇەۇ-دىڭ جانە باستاماشىل توپتاردىڭ الەۋەتىن كوتەرۋگە ارنالعان 4 گرانت, "Birgemiz Sabaqtastyq" جالپىۇلتتىق جوباسى اياسىندا 2 شاعىن گرانت, "Birgemiz: Umit" ۆولونتەرلىك باعىتى بويىنشا 4 شاعىن گرانت, "Birgemiz: Saulyq" ۆولونتەرلىك باعىتى بويىنشا 1 شاعىن گرانت, جاستار اراسىندا ۆولونتەرلىك برەندىن تانىمال ەتۋ بويىنشا "اشىق جۇرەك" جوباسى شەڭبەرىندە ۆولونتەرلىك باستامالاردى قولداۋعا ارنالعان 3 شاعىن گرانت يەلەندى.
جوبالاردىڭ بارلىعى تۇرعىنداردىڭ الەۋمەتتىك جاعدايىن جاقسارتۋ, بۇقارالىق سپورتپەن اينالىسۋ, جاستاردىڭ بوس ۋاقىتىن ءتيىمدى ۇيىمداستىرۋ,پسيحولوگيالىق-پەداگوگيكالىق, مەديتسينالىق كومەك كورسەتۋ ماقساتىندا جۇزەگە اسىرىلۋدا.
اۋداندا الداعى ۋاقىتتا شاعىن گرانت يەلەنۋگە 7 باعىت بويىنشا 30 جوباعا ءوتىنىم بەرىلدى.